長洲半日遊

今日約咗老公舊中學同學，

一共7人入長洲行下；

佢哋有2蚊車優惠真係好，

搭車搭船都係2蚊，

而我就用咗差不多$100車船費，

好貴呀!

見仲有少少時間，

影相打下咭先。

以為中環5號碼頭(入長洲)好多人，

點知入到長洲仲多人呀!

入到長洲先醫肚；

釗記雖然係小店，

但食物味道真係唔錯，

羅宋湯好足料，

碟頭飯一D都唔hea，

好有水準，

尤其碟涼瓜炆魚(星鱸)，

好正呀!

食飽飽後就行去長洲西園探張保仔呀!

可惜人太多要排隊入去，

終於都係放棄了。

遠望五行石都幾靚架!

探唔到張保仔，

我哋唯有改去行鯆魚灣，

梯級有D較高，

部份樓梯路窄和較暗，

要行得好小心。

遠望五行石咁靚，

我哋就去五行石行下；

附近有個小小沙灘有不少外國美女，

著三點式泳裝游水，

男士們眼睛吃冰淇淋啊!

其實五行石好靚架!

可惜有好多冇公德心嘅人，

係石上面塗鴉，

影響環境呀!

落番去地面，

好攰要搵個地方休息下，

食甜品就最啱喇!

行咗半日，

長洲好多地方都冇時間行，

佢哋話搵日又要再嚟過，

因為佢哋搭2蚊車太方便了。

回程搭快船，

全船爆滿冇咩空位，

唔使半個鐘就返到中環了。

  

 

大家可以入嚟Facebook讚下我新開嘅Fans專頁呀!

 

雀后(添飯)Facebook Fan Page