黃豆醬節瓜支竹炆排骨

今日係菜檔買咗條長節瓜$8，

同普通節瓜有咩分別???

我個人覺得長節瓜清甜爽口D呀!

材料: 腩排$40、長節瓜1條、乾支竹(2條)、薑2片、蔥粒、紹酒

醃料: 豉油半湯匙、鹽半茶匙、糖1茶匙、生粉1茶匙、麻油少許

調味: 黃豆醬1湯匙、蠔油半湯匙、冰糖少許

做法: 腩排洗淨後用廚紙索乾水份，落醃料醃30分鐘；

節瓜去皮切件；支竹浸軟剪段；

燒熱鍋落少許油，落腩排和薑2片先爆香後贊紹酒少許，

加熱水2碗煮滾，轉小火慢慢炆煮30分鐘；

燒熱鍋落少少油，加節瓜、支竹、腩排(連汁)和調味，

炆多15分鐘左右後，落少許老抽調色和生粉水埋芡汁，

最後灑上蔥粒便成。

~如果炆腩排嘅汁唔夠的話，可以加熱水代替呀!

 

大家可以入嚟Facebook讚下我新開嘅Fans專頁呀!

雀后(添飯)Facebook Fan Page