大圍~下城門水塘~城門水塘主壩~梨木樹

襯復活節假期最後一天，

我和老公約埋姐姐姐夫4個人，

一齊去行山，

地點係近期熱門行山地點~下城門水塘。

由於姐姐姐夫住係大圍附近，

所以我哋約係寶福紀念館小巴站等。

(其實可以由大圍火車站經新強記雞粥方向行上去架!)

下城門水塘乾哂塘，

由於之前有人失足意外死亡，

所有沿途都有好多警察係度巡邏呀!

得到行山人士教路，

唔想行條長梯級上城門水塘主壩，

所以沿山路上去呀!

其實呢條路有D崎嶇，

路有D陡峭，

行得要好小心呀!

終於行到去城門水塘主壩喇!

九秒九影相後就搵地方休息下。

呢條就係由下城門水塘行上城門水塘主壩嘅樓梯，

平時好多人行架，

但今日樓梯口上鎖了。

我哋選擇行落去梨木樹，

沿途見到好多馬騮，

人望馬騮馬騮望人；

係梨木機食埋午餐後，

就搭車返屋企了。

  

大家可以入嚟Facebook讚下我新開嘅Fans專頁呀!

  

雀后(添飯)Facebook Fan Page