蔥油拌素麵

今日食蔥油拌素麵；

雖然睇好似好簡單，

其實一D都唔易架，

炸蔥油要好留心，

一過火蔥油燶咗就會變苦，

用蔥油拌素麵特別好味，

充滿蔥油香味，

食慾會大增架!

今次整咗個兩款汁料，

有香醋汁和蠔油汁呀!

汁料(香醋汁): 豉油1湯匙、老抽半湯匙、香醋少許、糖1茶匙、

麻油少許、滾水1湯匙

汁料(蠔油汁): 豉油1湯匙、老抽1湯匙、蠔油1湯匙、糖1茶匙、

麻油少許、滾水1湯匙

做法: 將蔥切段，留部份切粒；乾蔥頭2個切片；

燒熱油鑊加蔥段和乾蔥片用中細火慢慢炸至金黃色(切勿炸燶)；

取出炸過蔥段和乾蔥片後，將蔥油淋在汁料上攪撈；

灼熟麵條後，將蔥油淋在麵條上，加入炸蔥段和炸乾蔥片，

灑上蔥粒、炒香芝麻和淋上麻油拌勻便食得喇!

  

大家可以入嚟Facebook讚下我新開嘅Fans專頁呀!

  

雀后(添飯)Facebook Fan Page