滷牛腱

 

今日响佳寶買咗件大牛腱差不多成3磅，

拿拿臨滷咗先得；

呢個份量可以分幾餐食架!

用盒將牛腱和滷汁裝好雪入冰箱，

隨時切幾片滷牛腱出嚟煮麵食都得啦!

材料: 牛腱約3磅、薑8片、紹酒1湯匙、滷水包1個、鹽少許

調味: 老抽4湯匙、豉油1.5湯匙、冰糖適量

做法: 牛腱浸水1小時(去血水)，放入鍋內加水、薑3片和紹酒1湯匙煮滾，

出水10分鐘後撈起沖洗後，用尖叉拮牛腱數十下(易入味)；

燒熱鍋落少許油爆香薑4片，加入牛腱和6碗水，

落埋滷包和調味煮滾，轉小火慢慢燉2小時，

按個人口味落鹽調味後熄火；

唔好開蓋繼續焗牛腱，待牛腱涼後撈起放入雪櫃雪半日或隔夜；

從雪櫃取出牛腱切片，將滷牛腱汁煮滾，淋在牛腱面便成。

~記得要間中反一反D牛腱，咁就更易入味啦!

~雪一雪D牛腱會易切D架!

     

 大家可以入嚟Facebook讚下我新開嘅Fans專頁呀!

 雀后(添飯)Facebook Fan Page