蝦膏蒸豬腩肉

噚日老公約咗舊同學去咗大澳行山，

仲買咗件蝦膏磚返嚟，

叫我整俾佢食，

今日拿拿臨即刻去買件豬腩肉返嚟呀!

蝦膏蒸豬腩肉要用肥肥哋五花腩肉蒸出嚟好食架!

咬落一D都唔肥，

下次試下連豬皮一齊蒸，

應該會仲咁甘香呀!

材料: 豬腩肉$50、蝦膏適量、紹酒半湯匙、

 

水半湯匙、薑絲

醃料: 豉油半湯匙、鹽1/4茶匙、糖1茶匙、生粉1茶匙、麻油少許、油少許

做法: 將豬腩肉放入冰箱雪2小時，取出清洗乾淨後切片，落醃料醃30分鐘；

切少許蝦膏、紹酒半湯匙、水半湯匙和糖1茶匙先搓勻，

放入小鍋中用慢火慢慢炒香後熄火，待蝦膏涼後與豬腩肉拌勻，

舖上薑絲後，放入鑊內蒸15分鐘便成。 

 

  

 

大家可以入嚟Facebook讚下我新開嘅Fans專頁呀!

雀后(添飯)Facebook Fan Page