酥炸南乳雞翼

今晚想煮雞翼，

問小魔怪想食蠔油炆雞翼定係咖哩雞翼???

佢話兩樣都唔食，

佢要食南乳炸雞翼呀!

啱啱屋企有南乳，

好啦!

就食酥炸南乳雞翼啦!

今次雞翼翻炸多一次，

所以特別脆口呀!

材料: 雞翼10隻、蕃薯粉適量

醃料: 南乳半磚(約50g)、糖1.5茶匙、紹酒半湯匙

做法: 雞翼解凍後用廚紙抹乾水份，用刀係雞翼背中間界一刀(易入味)；

將南乳、糖和紹酒搓勻後，醃雞翼半日以上(越醃得耐越入味)；

從雪櫃取出雞翼放室溫1小時左右；

將蕃薯粉放入大碟內，把雞翼逐一沾上蕃薯粉後靜待2~3分鐘；

放入油鑊用半煎炸形式將雞翼炸熟，炸好雞翼後，用廚紙索乾油份便成。

 

大家可以入嚟Facebook讚下我新開嘅Fans專頁呀!

雀后(添飯)Facebook Fan Page