紅燒黃立鯧

 

之前係百佳買嘅黃金鯧，

1包有2條$29.9，

唔貴喎!

買咗幾包返屋企，

最後食剩呢包咋!

用嚟煮紅燒黃金鯧，

送飯一流呀!

材料: 黃立鯧2條、薑蓉、蒜蓉、蔥粒、熟油、生粉水適量、胡椒粉少許

調味: 豆瓣醬1湯匙、豉油1.5茶匙、老抽少許、糖2茶匙、紹酒少許

做法: 將黃立鯧解凍後，去魚肚內臟和魚腮，用廚紙抹乾水份，

係魚身上界幾刀，落胡椒粉搽勻魚身備用；

燒熱油鑊落魚煎至兩面金黃後上碟；

原鑊落薑蓉、蒜蓉和豆瓣醬炒至出紅油，

加入豉油、老抽、糖、紹酒和1.5碗水煮滾，

落錩魚後加蓋煮至汁濃後(其間需要反轉魚身)，

加少許生粉水埋芡汁，最後灑上蔥花和少許熟油係魚身便成。

 

大家可以入嚟Facebook讚下我新開嘅Fans專頁呀!

  

雀后(添飯)Facebook Fan Page