蒜香香草烤雞

今餐食烤雞；

原來諗住我和老公每人食半隻雞，

不過老公話咁大隻雞，

我哋係食唔哂架!

所以到最後都係留番半邊雞明天再食呀!

材料: 冰鮮雞1隻、牛油適量

醃料: 鹽2.5茶匙(粗鹽)、蒜蓉1湯匙、雜香草適量、黑椒適量

做法: 雞洗淨後係雞背位，用剪刀剪開並將雞壓平，用廚紙索乾雞身水份；

落醃料搽勻雞身醃8小時或醃隔夜；從雪櫃取出雞放室溫1小時；

將雞(先焗雞背)放入焗爐用180度焗20分鐘；

反轉雞身搽牛油焗雞皮果面20分鐘，

如雞身已經上色，可蓋上錫紙繼續焗至雞全熟。

(由於各家用焗爐溫度不一，請自行調較!)

~焗雞時記得盡量去掉蒜蓉，唔係隻雞嘅表面會好易燶架啦!

     

 大家可以入嚟Facebook讚下我新開嘅Fans專頁呀!

 雀后(添飯)Facebook Fan Page