蕃茄雞蛋煮肉碎

老公鐘意食蕃茄，

所以間唔中我都會煮蕃茄餸菜俾佢食，

最簡單緊係整蕃茄煮蛋啦!

今次加埋少少豬肉碎落去一齊煮，

呢個餸最啱撈飯呀!

材料: 蕃茄3個、雞蛋2隻、豬肉碎半碗

醃料: 豉油半湯匙、糖半茶匙、生粉少許、水1湯匙、麻油少許

做法: 豬肉碎用醃料醃15分鐘；雞蛋落少許鹽打發好備用； 

蕃茄底部界十字，放入熱水煮2分鐘後取出蕃茄浸涼水，去皮後切件；

燒熱易潔鑊落油，倒入蛋液快炒成滑蛋後盛起；

原鑊落少許油加肉碎炒至8成熟(盡量將豬肉碎炒散)，

落蕃茄和糖1.5茶匙和水大半碗水煮滾(約5分鐘左右)，

按個人口味加少許鹽調味，落埋滑蛋撈勻，落少斗生粉水埋芡汁便成。

大家可以入嚟Facebook讚下我新開嘅Fans專頁呀!

雀后(添飯)Facebook Fan Page