今晚食麻辣香鍋，
材料豐富有肥牛、魷魚、雜丸和腐皮絲，
配料就有蓮藕、西蘭花、福花菜和金菇；
其實鐘意落咩料都得呀!
煮起一大鍋，
麻麻香香辣辣，
好惹味架!
材料: 肥牛、魷魚、雜丸、腐皮絲、蓮藕、西蘭花、福花菜、金菇、
蒜頭、乾蔥頭、薑片、辣椒乾半碗
醃魷魚: 豉油2茶匙、鹽少許、糖半茶匙、紹酒少許、生粉1茶匙、麻油少許
調味: 麻辣雞煲醬3~4湯匙、清雞湯大半碗、豉油1湯匙、老抽適量、糖適量
做法: 魷魚去衣及界花後切件；肥牛切半；金菇去尾部；
西蘭花和福花菜切件；蓮藕去皮切片；腐皮浸軟切絲；
燒熱水，落蓮藕片、西蘭花和福花菜灼熟後撈起；
原鑊落雜丸灼熟盛起；最後將肥牛灼至半熟後撈起隔水備用；
燒熱油鑊落魷魚炒至魷魚卷身盛起；
原鑊落油爆香麻辣雞煲醬、辣椒乾、蒜頭、乾蔥頭和薑片後，
加入肥牛、雜丸、魷魚、腐皮絲和清雞湯煮滾，
落埋蓮藕片、西蘭花、福花菜和金針炒勻後，
按個人口味落調味，最後落生粉水埋芡汁便成。
惹味大雜會呀! 雀后好野! Good ~
回覆刪除簡單又好味道，唔錯架!
刪除