咸魚雞粒炒飯

 

今晚我要返學學搓麵包，

所以噚晚專登洗多少少米，

留番D冷飯嚟炒俾老公做晚餐呀!

今午炒起時我食咗少少，

個飯咸咸香香，

都幾惹味架!

材料: 冷飯適量、雞髀肉1塊、咸魚1/4執、雞蛋3隻、蔥粒

醃料: 豉油1湯匙、鹽1/3茶匙、糖1茶匙、生粉1茶匙、麻油少許

調味: 豉油、糖(自行調較)

做法: 雞髀肉解凍後去皮切粒，落醃料醃半小時；雞蛋發勻；咸魚切粒；

燒熱油鑊落雞粒炒至9成熟後加入咸魚爆香至肉熟後盛起；

燒熱油鑊落雞蛋快炒，將雞蛋炒碎後盛起；

原鑊落冷飯炒勻及盡量將冷飯炒散，落埋咸魚雞粒炒勻後，

落調味、雞蛋和蔥粒炒勻便成。

 

  

大家可以入嚟Facebook讚下我新開嘅Fans專頁呀! 

雀后(添飯)Facebook Fan Page