今日整呢碟秘撈薯仔雞翼，
係用咗母親大人買俾我嘅大孖秘撈魚蛋醬整架!
用平時用開嘅李錦記咖哩醬有少少分別，
顏色比較深，
有香料味道兼微辣；
佢叫秘撈魚蛋醬，
下次搵日用佢嚟整咖哩豬皮魚蛋先得。
材料: 雞全翼4隻、薯仔2個、秘撈魚蛋醬1湯匙、
老抽少許、薑蓉
醃料: 豉油1湯匙、鹽半茶匙、糖1茶匙、生粉1茶匙、麻油少許
做法: 雞全翼解凍後切件，用廚紙抹乾水份，落醃料和薑蓉醃1小時；
薯仔去皮後切件；燒熱鑊落少少油略煎雞翼兩面後落秘撈醬爆香炒勻後，
加入薯仔和水1碗半，炆大約15分鐘左右或至汁濃後，
最後加少許老抽調色和生粉水埋芡汁便成。
大家可以入嚟Facebook讚下我新開嘅Fans專頁呀!
大孖秘撈魚蛋醬<----如果見到一定要買來試.
回覆刪除哈哈，我見到有D特別醬料，好多時都會買嚟試下架!
刪除