上次用咗1/4件咸魚嚟炒飯，
今日又剪咗少少咸魚肉嚟煮魚香茄子；
加咗咸魚嘅魚香茄子特別惹味，
攪到老公和我都唔覺唔覺咁，
添多咗飯呀!
材料: 幼身茄子3條、咸魚肉適量、豬肉碎$15、蒜蓉、蔥粒
醃料: 豉油半湯匙、鹽少許、糖1茶匙、麻油少許、生粉1茶匙、水2湯匙
調味: 蠔油1湯匙、辣豆瓣醬1茶匙、老抽少許、糖1茶匙
做法: 茄子用滾刀切件；燒熱油鑊落蒜蓉、咸魚爆香後，
落豬肉碎快炒後，落茄子、調味和半碗水煮至汁濃或落生粉水埋芡，
上碟後灑上蔥粒便成。
~辣豆瓣醬味道辣辣哋略帶咸味，而咸魚又夠哂咸，
所以呢個餸可以唔使落鹽呀!
少少辣好好味呀 ! 魚香茄子呀))))))))))))
回覆刪除魚香茄子辣辣哋，好送飯呀!
刪除