小魔怪至愛食蝦，
噚日就買咗1磅半急凍蝦，
整咗一大碟豉油皇煎蝦，
食到佢Lam Lam脷呀!
小魔怪有個怪習慣，
佢會食埋D蝦殼，
我就唔得囉!
材料: 急凍蝦1.5磅、蒜蓉、薑蓉、乾蔥1個(切絲)、紹酒少許
調味: 豉油1湯匙、老抽半湯匙、鹽少許、糖1.5茶匙、麻油少許、水1湯匙
做法: 急凍蝦解凍後，去蝦眼、鬚和挑蝦腸，用廚紙索乾水份備用；
燒熱鑊落多少少油燒熱，落蝦煎至兩面轉色後，
加入薑蓉、蒜蓉和乾蔥絲炒香後贊酒，落埋調味煮至汁濃便成。
大家可以入嚟Facebook讚下我新開嘅Fans專頁呀!
我都不能吞食埋蝦殼..雖然煎到殼都香脆....頂多損埋手指算啦! 哈哈哈~
回覆刪除哈哈，我用口咬蝦殼，所以次次都整損個咀唇呀!
刪除