雙冬支竹炆排骨

 

今日煮咗一大鍋雙冬支竹炆排骨；

雙冬即係冬瓜和冬菇，

用嚟炆支竹排骨係好好食架!

我最鐘意撈汁送飯，

濕濕哋易入口呀!

材料: 排骨$50、冬瓜$5、冬菇12隻、支竹適量、薑3片、紹酒適量、蔥粒

醃料: 豉油1湯匙、鹽半茶匙、糖1茶匙、生粉1茶匙、麻油少許

調味: 蠔油1湯匙、生抽1湯匙、老抽少許、冰糖1小粒

做法: 排骨洗淨後用廚紙索乾水份，落醃料醃1小時；

冬瓜去皮切件；冬菇浸軟去蒂；支竹浸軟剪段；

燒熱油鑊落薑片和排骨略煎兩面，贊紹酒少許炒勻後，

落冬菇、調味和水2碗，水滾後(轉小火)炆煮20分鐘，

落冬瓜炆多10分鐘後，加埋支竹炆至支竹腍身後，

按個人口味落少許鹽調味，落生炒水埋芡汁後，最後灑上蔥粒便成。

 

大家可以入嚟Facebook讚下我新開嘅Fans專頁呀! 

雀后(添飯)Facebook Fan Page