螞蟻上樹~冬菇蝦米肉碎炒粉絲

噚日我住果座樓嘅家居網絡又出現問題，

(上個月發生過一次。)

下午4~5點左右開始上唔到網，

我即刻打電話去電訊公司問下，

佢話應該係機樓出現問題，

會盡快派人維修，

可惜到我瞓時(10點左右)都仲未整好呀!

(冇嘢睇就早D瞓囉!)

我冇得上網唔係緊要，

但依家好多朋友在家工作，

學生又要上網課，

所以冇網絡用係好影響架!

前日食剩咗冬菇蝦米豬肉餡，

昨晚就用嚟炒粉絲，

我食粉絲都食飽，

好味道架!

材料: 粉絲適量、冬菇蝦米肉碎餡、紹酒1湯匙、蒜蓉、蔥粒

調味: 蠔油1湯匙、豉油1湯匙、老抽適量、鹽半茶匙、糖1茶匙、水半碗

做法: 粉絲浸軟備用；燒熱油鑊加冬菇蝦米豬肉碎炒香後贊紹酒，

炒至豬肉餡料8成熟後，落蒜蓉和調味煮滾2分鐘後，

加粉絲炒至乾身後，灑上蔥粒炒勻便成。

  

大家可以入嚟Facebook讚下我新開嘅Fans專頁呀!

 雀后(添飯)Facebook Fan Page