越式扎肉蝦仁蛋炒飯

今日午餐食炒飯~越式扎肉炒飯。

買咗越式扎肉、鳳尾蝦仁，

加埋雞蛋和生菜，

炒埋一大鑊，

應該夠食兩餐呀!

今次買隻貴少少嘅鳳尾蝦炒俾佢老公食，

點知佢話唔習慣D蝦有殼喎!

哈哈，

咁我下次買隻cheap蝦俾佢食先得。

材料: 冷飯4碗、扎肉200g、鳳尾蝦15隻、雞蛋3隻、生菜絲適量、蔥粒

醃料: 鹽、胡椒粉、麻油

做法: 扎肉切條；鳳尾蝦解凍用廚紙索乾水份，落醃料醃15分鐘；

雞蛋落少許鹽發勻備用；生菜切絲；

燒熱油鑊落雞蛋炒勻至熟後盛起；原鑊落蝦仁炒熟上碟；

再加少許油炒扎肉條數十下，落冷飯炒勻至粒粒分明後，

加入雞蛋和蝦仁炒勻，落鹽和豉油調味後，加埋生菜和蔥粒炒勻便成。

  

 

大家可以入嚟Facebook讚下我新開嘅Fans專頁呀!

 雀后(添飯)Facebook Fan Page