蕃茄肉碎炒雞蛋

今日煮呢個餸又係朱家家常菜之一，

蕃茄肉碎炒雞蛋，

簡簡單單又有營養，

唔好講笑，

呢個煮係會食肥人架，

因為我會為咗撈蕃茄汁，

一定會添多幾次飯架!

材料: 蕃茄3個、雞蛋2隻、豬肉碎$15、蕃茄醬2湯匙、蔥粒

醃料: 豉油半湯匙、糖半茶匙、生粉少許、水1湯匙、麻油少許

做法: 豬肉碎用醃料醃15分鐘；雞蛋落少許鹽打發好備用； 

蕃茄底部界十字，放入熱水煮2分鐘後取出蕃茄浸涼水，去皮後切件；

燒熱易潔鑊落油，倒入蛋液快炒成滑蛋後盛起；

原鑊落少許油加肉碎炒至8成熟(盡量將豬肉碎炒散)，

落蕃茄、蕃茄醬、糖1.5茶匙和水大半碗水煮滾(約3分鐘左右)，

按個人口味加少許鹽調味，落埋滑蛋撈勻後，灑上蔥花和幾滴麻油便成。

大家可以入嚟Facebook讚下我新開嘅Fans專頁呀!

雀后(添飯)Facebook Fan Page