蕃茄薯仔燉牛腩

 

蕃茄薯仔燉牛腩，

呢個餸真係簡單又美味，

蕃茄湯汁可以用嚟撈飯和意粉都得，

真係超級百搭架!

配埋西蘭花做伴碟，

呢碟碟頭飯顏色好吸引呀!

材料: 蕃茄5個(大)、牛肋條1.5磅、洋蔥1個、甘筍1條、薯仔1個、

薑8片、蒜蓉、香葉3片

調味: 豉油2湯匙、糖1湯匙、黑胡椒碎適量、胡椒粉適量

做法: 牛肋條解凍後，放入鍋內加水、薑3片和紹酒1湯匙出水8分鐘，

取出牛肋條沖水後切粒(大)；甘筍和薯仔去皮切件；

蕃薯底部界十字，放入熱水鍋內煮1分鐘或蕃茄皮裂開，取出蕃茄浸涼水，

將蕃茄去皮後，3個蕃茄切成碎粒，2個蕃茄切件；

燒熱油鑊落牛腩和薑5片先爆香後贊紹酒1湯匙後，加入蒜蓉和洋蔥，

炒至洋蔥軟身後，落蕃茄碎粒、調味、香葉和大半碗水煮滾，

轉小火慢慢燉煮30分鐘後，落甘筍和薯仔炆多15分鐘左右，

最後加埋其餘蕃茄件煮多5分鐘後熄火；唔好開蓋焗下佢；

飯前再將蕃茄牛腩炆多10分鐘收汁便成。

~用紅酒代替水就更加美味啊!

~炒蕃茄時會出水，所以落水時份量唔需要太多，煮一陣唔夠水先加熱水；

~可按個人口味落鹽和黑胡椒碎調味呀!

  

大家可以入嚟Facebook讚下我新開嘅Fans專頁呀!

  

雀后(添飯)Facebook Fan Page