涼瓜炆排骨

 

今日買咗個苦瓜(雷公鑿)炒俾老公食，

另外又買咗一字排骨加落去一齊煮，

50幾蚊排骨斬開得十二粒左右，

依家D豬肉真係好貴呀!

材料: 涼瓜1個、一字排骨$50、蒜蓉、即食豆豉粒半湯匙、生粉水、紹酒

醃料: 豉油1.5湯匙、糖1茶匙、生粉1茶匙、麻油少許

調味: 蠔油1湯匙、老抽2茶匙、鹽半茶匙、糖1茶匙、1碗水

做法: 一字排骨洗淨後用醃料醃1小時；

涼瓜去囊後切片，落1茶匙鹽醃苦瓜10分鐘後沖水備用；

燒熱油鑊落一字排骨略煎兩面後贊紹酒少許，

落調味炆排骨10分鐘後盛起(餘下的排骨汁留用)；

燒熱油鑊落蒜蓉豆豉爆香，落涼瓜快手炒勻，

加排骨(連汁)炆煮5~8分鐘，最後加生粉水埋獻汁便成。

苦瓜的食療價值(網上資料)

~苦瓜氣味苦、無毒、性寒，入心、肝、脾、肺經；

~具有清熱祛暑、明目解毒、利尿涼血、解勞清心、益氣壯陽之功效；

~主治中暑、暑熱煩渴、暑癤、痱子過多、目赤腫痛、癰腫丹毒、燒燙傷、少尿等病症。

 

大家可以入嚟Facebook讚下我新開嘅Fans專頁呀! 

雀后(添飯)Facebook Fan Page