日式薯仔大蝦沙律

香港呢排天氣開始熱，

係時間又要整番D涼拌嘢食食下囉!

見今日仲係公眾假期，

大小魔怪都係屋企，

所以整咗一大盆日式薯仔大蝦沙律；

我預咗一盒冇落大蝦嘅沙律俾大魔怪，

咁就一家大細都有得食啦!

材料: 薯仔5個、急凍大蝦12隻、小青瓜3條、罐頭粟米粒1罐、

甘筍1條、雞蛋4隻

調味: 鹽少許、黑胡椒碎、BB蛋黃醬適量、煉奶適量

做法: 雞蛋、薯仔和甘筍放入鍋內加水煮滾；甘筍煮5分鐘後撈起去皮切粒；

雞蛋烚10分鐘後撈起浸水去殼；青瓜切粒；

罐頭粟米粒隔水後，放入碟內蒸5分鐘；急凍大蝦解凍後蒸熟切粒；

薯仔烚30分鐘後撈起去皮(烚嘅時間要視乎薯仔大小而定)；

將薯仔、雞蛋略壓碎，襯熱落鹽和黑胡椒碎調味，

加埋粟米粒、青瓜粒、甘筍粒和BB蛋黃醬、煉奶撈勻，

將蝦粒舖係沙律面，放入雪櫃雪2小時便成。

~材料方面，可按個人口味加火腿粒、洋蔥絲、煙肉等等都可以呀!

~薯仔唔需要壓成薯蓉，食時有薯仔粒粒，有咬口，口感更佳啊!

~有人問BB蛋黃醬和BB沙律醬味道有咩唔同，

我個人覺得BB蛋黃醬味道會酸少少，BB沙律醬味道就偏甜呀!

  

大家可以入嚟Facebook讚下我新開嘅Fans專頁呀! 

雀后(添飯)Facebook Fan Page