冬瓜粉絲炆釀豆腐卜

突然想起好耐冇整過釀豆腐卜，

所以今日拿拿臨去買材料，

煮呢煲冬瓜粉絲炆釀豆腐卜，

其實唔難架!

只係釀豆腐卜用多少少時間去準備之嘛!

材料: 冬瓜1斤、豬肉碎半斤、豆腐卜$5(10個)、冬菇4隻(大)、

蝦米仔2湯匙、粉絲適量、清雞湯250ml、薑3片、蔥粒

醃料: 豉油1湯匙、鹽半茶匙、糖1茶匙、生粉1茶匙、紹酒少許、

麻油少許、薑汁

調味: 蠔油1湯匙、糖少許

做法: 冬菇浸軟去蒂，3隻切粒和1隻切片；蝦米浸洗切碎；冬瓜去皮切件；

豆腐卜沖水後揸乾水份切半；粉絲浸軟後隔去水份；

將豬肉碎、冬菇碎和蝦米放入大碗內，加入調味攪至起膠後醃1小時；

把豬肉餡釀入豆腐卜內；燒熱鑊落少許油，將有肉餡嘅豆腐卜煎至轉色；

燒熱鍋落冬瓜、冬菇片、薑片炒勻，加入清雞湯和水1碗，

落埋釀豆腐卜和調味炆煮至冬瓜腍後，加粉絲煮至軟身，

最後灑上蔥粒便成。

~用咗半份肉餡豆腐卜，其餘半份明天再食。

~買大size嘅豆腐卜嚟釀就最啱喇!

 

大家可以入嚟Facebook讚下我新開嘅Fans專頁呀!

雀后(添飯)Facebook Fan Page