2009年4月28日 星期二

又嚟炆栗子!

 


昨晚冇食過肉,

今朝起床時成個肚打哂鼓!(誇張

又貪平,前日26/4係街市買咗2包栗子,

$10包,2包$18,(小女人所為,貪平$2)

一包已經整咗
栗子炆雞翼

另一包決定整冬菇栗子炆排骨
  

2009年4月27日 星期一

海鮮~蝦

 


我家的大小魔怪喜歡吃海鮮

無論蟶子鮑魚龍蝦等等,

通通都是他們的最愛

上次我煮的蝦醬蒜蓉蒸鮮魷,他們都非常讚賞

尤其是大魔怪,他是個不會主動讚賞別人的人,

連他都話好味道,可見他喜愛的程度。

今日,我煮了一個差不多人人都識煮的餸:

  

 
蝦仁炒滑蛋

   


 
 

  
 
  
大家可以入嚟Facebook讚下我新開嘅Fans專頁呀!

 

2009年4月25日 星期六

啱口味嗎?

 


昨日,大魔怪投訴我煮嘅咖喱唔啱佢食

今早,攪盡腦汁,在街市行咗幾個圈,都唔知整咩嘢?

好在近日成日上網,睇見其他blog友煮嘅菜式,

可以作為參考

行到魚檔,看見鮮魷魚

諗起米飯班煮蝦醬蒜蓉蒸鮮魷呢味餸,


於是便照著做。
  
 
   

  

蝦醬蒜蓉蒸鮮魷(加粉絲)

有時屋企有兩個唔同口味嘅人都幾麻煩;

蒸排骨時,大魔怪喜歡有骨嘅排骨;

小魔怪就喜歡啖啖肉,唔要有骨。

   


蒜蓉豆豉醬蒸排骨

   

  
椰菜炒魚片


由於日日都要返工,所以唔係成日可以煲老火湯,

滾瓜菜湯和罐頭湯就有;

今日放假就選擇煲青紅蘿蔔螺片煲西施骨



今餐,大魔怪非常滿意,連鮮魷都撈埋

小魔怪都唔弱,大讚鮮魷好好味

 
 

  

  

大家可以入嚟Facebook讚下我新開嘅Fans專頁呀!

 


 

愛心午餐又出場啦!

 


今日,老公病咗!(成朝都冇離開過張床)

為了讓他睡的安心,我們一粒聲都冇出。

不過老公部call機就成日響。(工作需要用)

原來係黃色暴雨

老公沒胃口食嘢,便煲咗一鍋白粥,待他起床吃。

至於大魔怪中午要返童軍

於是快快手整個炒上海麵給他做午餐。

炒上海麵材料:

粗上海麵3 個自製叉燒(梅頭豬扒3塊加叉燒醬)、

魚片椰菜冬菇等。


  


(呢碟咁細碟緊係我食啦!)

大小魔怪每人各2大湯碗麵,又超標啦!


 

  
大家可以入嚟Facebook讚下我新開嘅Fans專頁呀!
 

 

2009年4月23日 星期四

雜錦炒粒粒

 
 
天氣熱
 
唔想食飯,
 
於是煲了一小鍋白粥
 
我同老公食;
 
至於大小魔怪緊係食飯啦!
 
食粥,
 
佢哋彩你都傻!
 
有咩嘢可以送粥呀
 
有!
 
食粥時,
 
我通常會用肉粒、花生、菜脯、蜆肉、三色椒等炒埋一碟,
 
加少少蒜頭豆豉醬,
 
就非常惹味啦!
 
正!
 

雜錦炒粒粒
 
 

2009年4月20日 星期一

青年的煩惱!


 
小魔怪開始有青年的煩惱~生暗瘡

今次他生得特別利害攪笑

鼻尖上有粒如豆般大的瘡瘡。

本來可能不用理會它,但不幸地小魔怪洗面時,

弄破了瘡瘡,流了很多的血水

於是我又要帶他去看醫生。(一星期睇2次醫生)

醫生說暗瘡受細菌感染變成濃瘡

要食消炎藥抗生素搽藥膏

見他這麼可憐,於是又整愛心蛋糕給他吃。

今次攪攪新意思,加入Cappuccino咖啡粉

自發粉雞蛋牛奶等,

蒸20分鐘後便成美味蛋糕






小魔怪吃得滋味,忘記了瘡的事

 
 

   
  
大家可以入嚟Facebook讚下我新開嘅Fans專頁呀!

 

2009年4月19日 星期日

小魔怪生病了!

不知道是否巧合,每逢考試測驗

大小魔怪都會生病


今次輪到小魔怪喉嚨發炎


他形容的痛楚是劇痛


於是立即帶他看醫生


今早6點幾起床煲粥


還親手造一大鍋雪菜肉絲上海麵給大家吃呢!


大小魔怪每人吃了兩大湯碗



  
 
  
大家可以入嚟Facebook讚下我新開嘅Fans專頁呀!
 

宵夜~蝦醬菜心粟米肉碎蛋炒飯!

 


因為今晚大小魔怪投訴晚餐吃不飽,

所以又再泡製~蝦醬菜心粟米肉碎蛋炒飯


計一計,今日我哋已經食咗5餐啦!


包括早餐午餐茶點晚餐宵夜


!!!恐怖!可怕!


 (好少炒得咁靚嘅炒飯)

 


大小魔怪、老公和我每人2大碗炒飯。

發表於2009.4.19

 
 

  
 
  
大家可以入嚟Facebook讚下我新開嘅Fans專頁呀!
 
 

2009年4月18日 星期六

五香淮鹽煎老少平安

 

琴日,看到blogZoe整椒鹽老少平安,


自己心癢癢的又試整,不過就改良咗少少,

唔用椒鹽改用五香淮鹽

  

2009年4月17日 星期五

人嘅口味各有不同

 
A成日話元朗某間食店D嘢好好食,
同事於是便與兒子和妹妹一起慕名前往
當麵食送上時,嘩!好嗅呀!
她形容的嗅味是豬潤不新鮮的味道,
令整碗麵充滿這難聞的氣味;
大人自然沒法食下去,但又不想浪費,於是......
至於小朋友,初時都吃得滋味
不久開始反胃,最後更睡著了
今日我與同事前往A常常的食店吃午餐,
這店位於元朗大馬路,專吃刀削麵的。
我們點了雪菜肉絲拉麵、蘭州牛肉拉麵、椒鹽四季豆、
煎蔬菜餃等,加兩杯凍飲,合共$99。
 

  

2009年4月15日 星期三

又嚟整嘢食啦!

 
好耐冇食啦!(因為老公媽媽唔食牛肉)
但近日上網時,睇到其他網友成日整牛牛食品
終於忍無可忍啦!自己又嚟整~
   日本咖哩薯仔紅蘿蔔牛筋腩
  

  

2009年4月14日 星期二

食雞狂?

 
大小魔怪非常喜歡食
所有雞類的食品,他們都會吃。
每次與他們上大陸玩,一定要吃雞,
例如白切雞豉油雞蒸雞炸雞
燒雞燻雞等等,就連肯得基家鄉雞
他們都鍾意食,可以說無雞不歡與雞為敵
今日,我特別煮五香淮鹽煎雞翼給他們嚐嚐啦!
想當年我親手煎這個餸給老公食,他都大讚好味道。
兩磅雞翼10分鐘內掃清。(大約有22隻) 
   (在超級市場買五香淮鹽粉)
   

   

愛心午餐

 
小魔怪今天開始返學了。
大魔怪和我仍然放緊復活節假期
今早工人突然話要放假,因上星期寄錢返印尼後,
到現在印尼的家人仍收不到錢,她要到銀行問一問。
另外,原本相約母親大人、妹妹和妹夫到又一城食午飯,
誰知妹妹要返學校開臨時會議(掃興),所以取消了。
太無聊了!不知道做什麼好?
於是決定做一個愛心午餐給大魔怪~
    白汁蘑菇海鮮肉碎炒意粉
 

2009年4月12日 星期日

懷念你~爸爸

爸爸(亞公):

你離開我們已經有一年的光景。

我們大家都很懷念你!

間中我也會詢問大小魔怪有否記得亞公的事。

尤其是每當大小魔怪放假,

而我又要返工時,

你就會老遠的從沙田入天水圍照顧兩個魔怪仔。

亞公對兩個魔怪仔很關心和照顧,

永遠人未到,

電話就會先到,

詢問魔怪仔有否吃早餐,要不要買外買呢?

每當天氣轉冷時,

又會電話問候兩個魔怪仔有否穿衣?

而我永遠與你作對的話他們沒有穿衣服;

你又會專程入天水圍

幫助我將他們冬天的衣服整理好;

有關他們的事情,亞公你都會協助和幫忙照顧,

還體貼過我這個做母親呢!

現在回想起,你對他們的愛是無私的,

而我處處感到煩厭並與你作對,

現在我感覺自己非常錯。

短短一個月時間,

由知道你的病和離開我們,

當時對大家都有很大的打擊;

但客觀的看,你的病如再拖延下去,

只會對你是一個折磨。

現在我們的心情大致已經平伏,

但間中亦會回想你的往事

有所感觸,我的眼淚現在又再流下了。

亞公我一定會繼續你的教誨,

好好養大和愛護你心愛的孫子。

直至永遠!

我們懷念你~亞公。

你的二女上

12-4-2009

2009年4月9日 星期四

蓮藕炆排骨

 
今日工人放假,而自己下午又要上大陸,
所以就煮了大小魔怪喜歡吃的蓮藕炆排骨
讓老公返屋企加熱後便可以食。
大小魔怪愛吃的程度,簡直瘋狂
吃這個餸大魔怪可以吃4碗飯(嘩!點解食極都唔肥),
小魔怪都有2碗之多


  
 
  
大家可以入嚟Facebook讚下我新開嘅Fans專頁呀!