2009年6月29日 星期一

咖哩薯仔豬軟骨!

 
又放工啦!
 
去到街市走咗一個圈,
 
都唔知道買咩餸好!
 
見D茄子和薯仔幾靚喎!
 
每樣買咗2件$10都唔使。
 
跟著就去凍肉舖買豬軟骨
 
上次整個咗柱候醬薯仔炆豬軟骨
 
今次就用咖哩煮。

 

2009年6月28日 星期日

蠔油冬菇炆鴨掌!

 
最近老公係街市買咗D幾唔錯嘅冬菇,
 
冬菇乾身時都好細隻,
 
點知煮完後,冬菇又大又厚又好味道!
 
今日就用咗冬菇嚟炆鴨掌。
 

愛上芝士後遺症!

 
自從大小魔怪愛上食芝士煮嘅嘢食之後,
 
成日都要我整俾佢哋食。
 
上次整咗幾次茄汁味意粉
 
今次輪到整芝士白汁蘑菇煙肉蜆肉肉醬意粉

 

2009年6月26日 星期五

母親大人教我煲呢個湯!

 
母親大人都幾鐘意煲湯
 
因為佢特別得閒
 
剩係幫姐姐照顧姨甥仔
 
所以每次姐姐或妹妹妹夫返屋企食飯時,
 
佢都會煲老火湯俾佢哋飲。
 
上個月母親大人返廣州,
 
嬸嬸將自己醃咸嘅新鮮鴨腎俾咗佢,
 
於是母親大人又分咗1半俾我,
 
有9隻咸鴨腎。
 
煲咩湯好呢?
 
母親大人教我用節瓜、豬展、咸鴨腎3隻、
 
蓮子、淮山、瑤柱煲紅棗。
 

2009年6月21日 星期日

翻版梅菜鴨

 
今日係父親節
 
想整個特別的餸菜煮俾老公食。
 
去到佳寶,
 
竟然見到有冰鮮鴨賣,
 
個鴨個樣仲鬼咁靚添,
 
唔理點煮就買咗先。
 
返到屋企,
 
即刻上網搵資料啦!
 
終於俾我搵到個整梅菜鴨嘅食譜呀!

2009年6月20日 星期六

2009年6月18日 星期四

新鮮粟米,正!

 
自從上次去中國,
 
買咗1大包新鮮拆出嚟嘅粟米粒後,
 
便愛上用新鮮粟米整嘅餸,
 
沙律和炒粒粒等,
 
通通都係用新鮮粟米整。
 
今次,就用新鮮粟米和洋蔥嚟煮豬扒。
 

2009年6月17日 星期三

放假煲湯!

 
今日終於有時間煲湯啦!
 
一早便到街市買材料。
 
係街市買餸特別平!
 
粟米$11有5條,
 
紅蘿蔔、合掌瓜$9.5,
 
西施骨$40,
 
三色椒$5一包。
 
終於可以煲湯啦!
 

2009年6月16日 星期二

愛上芝士!

 
今天,我有2天的假期,
 
可以留在家中幫大小魔怪溫書,
 
唔使老公再話我冇時間同佢哋溫書啦!
 
自己放假,於是俾工人姐姐放假
 
等佢有得休息吓。
 
不過千叮萬囑佢戴口罩出街,
 
因為近呢幾次放完假後工人姐姐都會病,
 
繼而影響到奶奶又會病喎!
 
不過,最後佢都係唔記得戴口罩,
 
唉!真失敗!
 
另外,大小魔怪一早返學考試,
 
唔夠10:30佢哋2個全部返哂屋企,
 
仲話超超超肚餓。
 
唯有即刻整個又快又好味嘅:
 
 

2009年6月12日 星期五

一場誤會!

 
放工後,約咗小魔怪剪頭髮,
 
期間與老公在髮型屋會合,
 
告訴他我與小魔怪剪頭髮後會出外食飯
 
剪完頭髮後,
 
與小魔怪到附近新開的日本餐廳吃晚餐。
 
我的晚餐: