2017年5月31日 星期三

唱K


今日約咗朋友仔落元朗唱K,

早一日預訂有9折,

可以由11點唱到4點,

真係會唱到氣咳架!


2017年5月30日 星期二

端午節快樂


今日端午節,

緊係要應下節食隻糭啦!

我仲煲咗皮蛋咸蛋瑤柱豬腱粥和灼油鹽水菜芯,

開餐啦喂!


2017年5月29日 星期一

木瓜眉豆花生豬腱瑤柱紅棗湯


元朗舊屋有棵木瓜樹,

每星期姑奶都會入去打掃地下,

兼淋下花草;

咁啱木瓜有收成,

所以就帶咗個木瓜攞俾我哋,

用嚟煲湯就最啱啦!


2017年5月28日 星期日

跟妹妹教會去旅行~西頁戶外康樂中心


今日跟妹妹教會去旅行,

目的地係西貢戶外康樂中心,

其實呢度都幾多嘢玩,

有繩網、射箭、戶外和室內兒童遊戲室、滾軸溜冰、足球、

乒乓球、羽毛球、壁球、籃球、單車、游泳池、網球等等。



2017年5月27日 星期六

帶亞媽去食好嘢~朱兆記


今日落元朗攞糭俾母親大人,

緊係要帶佢去搵好嘢食啦!

母親大人鐘意食粥,

我就鐘意食牛腩,

所以就帶佢去朱兆記喇!

我食出哂夠嘅咸雞牛腩撈粗麵,

老公食鹵牛腱麵,

母親大人就食艇仔粥和豬膶腸啦!


2017年5月26日 星期五

2017愛心糭


今日又係一年一度包糭日,

老公有請假幫手執頭執尾架!

由於大魔怪去咗旅行,

所以今次唔包素糭喇!

比往年預少咗糯米,

所以包得46隻糭,

雖然包得少,

但隻隻糭都包得好大隻,

食一隻真係會好飽架!


2017年5月24日 星期三

XO醬蝦仁海味炒粉絲


今朝一早已經落大雨,

懶懶哋唔想落街買餸添!

於是摷下個寶箱睇下有咩物資,

蝦仁、蝦乾、乾魷魚,

加埋我至愛嘅粉絲,

炒炒埋埋就一碟餸喇!

簡單啫!


2017年5月23日 星期二

蜜味薯仔排骨粒


呢排成日食蒸排骨,

有D悶添!

所以今日就轉轉口味,

改食甜甜哋嘅蜜味排骨;

仲以為屋企有罐菠蘿,

點知原來冇,

唯有加個薯仔落去,

食落都唔錯架!




2017年5月22日 星期一

時款特色麵包製作精選實習班~第六堂


日式芝士酥菠蘿&日式芝士麵包,

第一次食菠蘿包裡面真係有菠蘿餡,

加埋包滿芝士餡嘅日式芝士包,

呢兩款麵包,

太好味道了!



2017年5月21日 星期日

香辣雞翼


呢包香辣雞翼粉係泰國買架!

今日就用咗佢嚟醃雞翼,

食落少辣帶點甜,

啱我食喎!


2017年5月20日 星期六

冬菇薯仔炆排骨


呢碟冬菇薯仔炆排骨,

令我回想起細細個時,

係母親大人常煮餸菜之一,

簡單好味又送得飯,

好回味啊!


2017年5月19日 星期五

蝦醬西芹雲耳炒雞柳


西芹是一種味道濃郁嘅蔬菜,

真係唔係人人忍受到佢嘅草青味道;

話說今朝我係廚房刨西芹時,

大魔怪經過廚房聞到味都掉頭走呀!

其實我以前都唔係好食西芹架,

但知道佢有降血壓嘅功效後,

每隔一星期都會買一次嚟食,

食落又唔係好難頂,

慢慢接受咗了。

想知更多,


2017年5月18日 星期四

素湯~合掌瓜紅蘿蔔粟米木耳腰果湯


今日大魔怪由學校宿舍搬咗屋企啦!

即係話佢將要結束了4年大學嘅生涯了;

嚟緊佢會同幾個同學仔一齊去旅行,

大約去歐洲旅遊一個月當係畢業旅行呀!

要成個月後先見到佢,

緊係要煲番D靚湯水俾佢飲下啦!


2017年5月17日 星期三

蠔豉瑤柱肉碎粥


呢幾日牙肉有少少腫腫哋,

唔想食飯,

所以煲咗一大鍋蠔豉粥嚟食,

足夠我哋兩個人食兩餐呀!


2017年5月15日 星期一

黑椒洋蔥咸豬手


春雨綿綿正好眠,

今日落足成日雨,

濕濕淋淋,

攪到個人好鬼懶;

懶人就緊係要煮懶餸啦!

呢個餸快靚正,

真係唔使5分鐘就有得食呀!


2017年5月14日 星期日

鮑汁螺片炆鴨腳(西生菜)


今日母親節,

祝天下母親日日都咁開心呀!

今日要對自己好D,

炆咗碟鮑汁螺片鴨腳,

慢慢嘆啦喂!




2017年5月12日 星期五

咖哩薯仔炆排骨


咖哩薯仔炆排骨,

用咗利川咖哩醬嚟炆;

煮出嚟嘅咖哩汁香濃兼帶微辣,

用嚟撈飯食就用啱喇!


2017年5月11日 星期四

蜜汁叉燒醬雞翼


雞翼,

真係點煮都咁好食架!

今次就用咗叉燒醬嚟醃雞翼,

加埋甜甜嘅蜜糖,

真係越食越唔停得口呀!


2017年5月10日 星期三

陳皮海帶綠豆沙


呢個陳皮海帶綠豆沙,

係我哋一家人至愛糖水之一,

所以每個月呢個糖水出現次數都幾密架!

老公鐘意熱食,

而我和大小魔怪就鐘意凍食呀!


2017年5月9日 星期二

2017年5月8日 星期一

豆角蝦仁煎蛋


蝦仁炒蛋就食得多,

今次加埋豆角一齊煎成蛋餅,

食落啖啖蝦肉,

真係好爽呀!


2017年5月7日 星期日

孫中山史蹟徑


今日老公約咗舊同學去港島行孫中山史蹟徑,

從孫中山紀念公園出發,經過東邊街行條大斜路上高街,

到達高街舊精神病院。


2017年5月6日 星期六

豉汁涼瓜排骨


老公鐘意食涼瓜,

而我就鐘意食豉汁排骨,

哈,

咁呢碟豉汁涼瓜排骨,

啱哂我倆口味啦!

2017年5月5日 星期五

白背木耳紅棗水


今日唔煲湯,

煲白背木耳紅棗水;

民間傳說話如果連續服用1個月,

會有助降膽固醇、血脂和解血壓等功效架!

不過最緊要係要食埋木耳呀!

 俾少少建議大家,

煲完水嘅木耳可以用嚟涼拌;

或加瘦肉落去變成湯;

又或可以加冰糖煮成糖水後,

放入攪拌機內打碎成木耳紅棗糖水都得架!



2017年5月4日 星期四

2017年5月3日 星期三

母親大人生日晚宴


今日慶祝母親大人生日,

我哋一早已經出咗妹妹家麻雀耍樂,

晚上就去咗石門~彩福皇宴食晚飯,

呢度D嘢食碟碟都好大碟,

幾抵食架!

不過其中叫俾大魔怪食嘅羅漢齋炒麵就麻麻哋喇!


2017年5月2日 星期二

豉汁鳳爪蒸排骨


咁多款酒樓點心食品之中,

我都幾鐘意食豉汁鳳爪和豉汁排骨架,

所以出街飲茶時,

呢兩款點心係必叫之一,

今次一次過滿足哂兩個願望,

超正啦!

講多幾句,

唐排~骨多過肉,但勝在肉味鮮甜;

一字排~肉多過骨,中間肥肥哋都幾爽口;

飛排~肉身腍滑,點蒸點炆都咁好食。

2017年5月1日 星期一

素湯~粉葛紅蘿蔔粟米赤小豆扁豆合桃湯


依排大魔怪開始考試,

所以煲咗個合桃素湯~粉葛紅蘿蔔粟米赤小豆扁豆合桃湯,

幫佢補補腦呀!