2010年12月28日 星期二

冬日糖水!

 
呢排天寒地凍,
 
每晚6點幾食完晚飯後,
 
大小魔怪未到9點又話要食糖水啦!
 
好彩早有準備。


腐竹雞蛋糖水
 

滿肚腸肥後之食得清淡!

 
經過聖誕節日日食食食玩玩玩後,
又要回復清淡的日子~一日咁多啦!
煲咗個蕃薯粥,
清清腸胃,
等聽日去北海道再嚟食過呀!

2010年12月27日 星期一

生菜魚肉湯!

 
呢兩日要勤力D清雪櫃冰箱嘅凍肉,
 
因為已經full咗好耐,
 
次次老公開親雪櫃都會依依哦哦,
 
襯去旅行前睇吓清唔清得哂啦!
 
 

新電視機!

 
話說舊果部電視係6年前買嘅,
已經壞過一次,
兼冇得睇高清,
大小魔怪已經成日話要換機,
因為佢哋話想睇J2台喎!
近排果電視又開始壞,
有畫冇聲,
要開一排先沙沙聲,
跟住有聲都唔清囉!
今日即刻同老公去買新電視機,
星期三送貨。
依家三星做promo七折,
原價$8280現$5796。

聖誕北海道之旅~裝備篇!

 
呢幾個星期,
馬不停蹄的買咗好多裝備,
準備呢個聖誕去北海道,
聽講果邊好鬼凍呀!
其中有:

2010年12月26日 星期日

Boxing Day 晚餐!

 
話說昨日的竹戰,
母親大人totally lost  her money!
今日,佢又唔怕輸,
要繼續作戰喎!
妹妹妹夫和老公唯有逢陪,
而我就間中凳吓腳咁啦!
我為佢咃準備聖誕boxing day晚餐啦!
天寒地凍,
酒微菜薄,
家常便飯,
唔好客氣呀!

聖誕家庭聚會!

 
12月25日是聖誕節,
我們一家人又有藉口一齊聚聚聯誼,
不能缺少的梗係打牌啦!
嘻嘻!今次我又做亞二,
梗係贏果個啦!
我哋叫咗呢間pizza & chicken,
D嘢食都唔錯喎!

2010年12月24日 星期五

慳水慳力~聖誕大餐!

 
 




祝大家今年有個開開心心、
快快樂樂嘅
聖誕節!
請大家食個慳水慳力嘅聖誕大餐啦!

2010年12月23日 星期四

冬菇雞絲臘腸煲仔飯!

 
今日,
 
我成日都係屋企冇出街,
 
做嘅係指定動作食藥、飲水、瞓覺,
 
妳哋話我係咪辛苦命,
 
放假先嚟病呀!

 

聖誕禮物!

 
其實每次有抽獎,
我都係食白果,
靚嘅一定冇我份。
今年我抽到的禮物有:

2010年12月22日 星期三

冬至晚餐!

 
今日唔多舒服,
放咗工咪去睇醫生囉!
一早去到排第8個,
諗住都冇咁快,
買家本雜誌坐底等,
等咗一個半鐘頭後,
仲未到我,
有D遲登記嘅人都快過我,
我即刻同姑娘講點解仲未到我,
點知佢話唔記將我嘅病歷咭俾醫生,
嘩嘩嘩!我D火又嚟啦!
我有病都唔好蝦我嘛!
今日有病我唔煮咁多餸啦!

2010年12月21日 星期二

酥炸椒鹽雞軟骨!

 
今日姐姐和母親大人下午去開茶會,
 
領隊話北海道果邊都幾凍;
 
而且依家日本物價都幾貴,
 
如果要食和牛起碼要6500-7000 YEN;
 
雪場蟹就要13000 YEN啦!
 
睇怕今次我要換多D YEN先得呀!
 
姐姐仲千叮萬囑要我買定雪褲,
 
佢驚凍死我呀!
 

2010年12月20日 星期一

菜脯肉碎煎蛋角!

呢排食得太好啦!
係時候食番清少少,
等我清清腸胃,
12月29日去北海道食好嘢啦喂!
唉!明天下午2點又嚟開茶會,
不過我返梗工唔去到,
唯有母親大人和姐姐去啦!
今日整呢個蛋角睇落好簡單,
不過就要逐個逐個煎囉!
需要耐性o架!

2010年12月19日 星期日

火鍋~胡椒豬肚雞煲!

 
依家D天氣乍暖還寒,
一早一晚都係凍凍哋,
大家出街一定要帶件外套呀!
今晚我哋又打邊爐啦!
整咗個我超超超鐘意嘅胡椒豬肚湯底,
今次我獻出我第一次,
第一次買新鮮豬肚煲,
第一次自己洗豬肚,
唔好再講洗豬肚嘅過程,
再講我食唔落o架!
靜靜話俾妳哋知啦!
個頭啖湯正到飛起呀!

2010年12月18日 星期六

與母親大人提早過冬!

 
12月18日星期六,
我們一行十人去母親大人家做冬,
母親大人話唔想出街食,
所以親手煮咗幾道餸菜俾大家食,
之不過佢話整呢餐都幾辛苦,
下次團年諗諗都係出街食啦喂!

2010年12月17日 星期五

枝竹馬蹄羊腩煲!

 
呢兩日,
 
我俾小魔怪激死,
 
咁凍天時得果4度,
 
竟然著1件冷背心和1件冷衫就咁番學,
 
校褸都唔著呀!
 
唔病都幾難啦!
 
老公話如果佢病,
 
一定會餵米田共俾佢食o架!
 
 

2010年12月16日 星期四

紅燒肘子!

 
今日整呢個紅燒肘子,
 
我用咗普通家庭有嘅調味料,
 
非常簡單啊!
 

2010年12月15日 星期三

大堆頭臘味煲仔飯!

 

自上次俾人投訴我煲嘅臘味飯少臘味後,
 
今次一於攪大兼打孖嚟,
 
孖臘腸孖膶腸1隻臘鴨髀,
 
加埋1/3冬菇馬蹄肉餅,
 
整個大埋頭臘味煲仔飯先得!
 
睇吓你哋仲有冇投訴呀!
 
(俾少少幻想力,似唔似個人係度笑梗呀!)


 

2010年12月14日 星期二

冬菇馬蹄蒸肉餅!

 
 
大魔怪嘅近視由250、350、400,
 
升到新高425啦!
 
都係果句啦:
 
亞仔,唔好再咁近用電腦啦!
 
好壞眼o架!
 
又係跟週日星島送嘅食譜整咗呢個餸,
 
簡單又易整。


2010年12月13日 星期一

再接再厲~Oreo芝士蛋糕!

 
近排見blog友整芝士蛋糕係用Oreo底,
我未試過喎,
睇落好似好好味道咁,
襯上星期六得閒少少,
咪整個嚟食吓囉!
點知雪完之後,
個oreo餅底好鬼濕,
而且中間好creamy,
好似糊仔咁呀!
超超超失敗......
雖然昨日鼻敏感又發作,
不過帶住口罩我都要再整多次o架啦!
問過幾位高人意見後,
再接再厲,
希望今次成功啦!

2010年12月12日 星期日

發作!

 
今日鼻敏感又發作,
 
好辛苦呀!
 
一起身連打十幾個噴嚏,
 
D鼻水又不停咁流;
 
唔單只我,
 
連大魔怪都開始作病,
 
又咳又流鼻水,
 
好似仲嚴重過我添!
 
老公即刻去藥房配咗隻超難食嘅咳藥水俾佢食,
 
希望唔使睇醫生啦! 
 
今日整呢個咖哩雞,
 
小魔怪話想食好耐,
 
佢話要食有椰汁味,
 
要杰身果種咖哩,
 
最好似大家樂大快活果D喎!
 
亞仔,你老豆即我老公,
 
又話唔鐘意椰汁味o架!
 
你叫我點算好呀???

臘味煲仔飯!

 
今日諗住整煲好嘢俾老公和大小魔怪食,
 
點知......
 
佢哋話~D臘味太少,
 
唔夠多呀!
 
喂!聽講你哋每人食咗3-4碗飯,
 
仲話少!
 

2010年12月11日 星期六

孜然豬扒!

 
孜然嘅味道唔係人人鐘意,
 
老公就係其中一個,
 
佢連香草都話接受唔到喎!
 
不過我一於少理,
 
照煮!

2010年12月10日 星期五

南乳蓮藕花生炆豬手

 
天氣凍,
 
好想食D濃味餸。
 
今日我揀咗南乳蓮藕花生炆豬手。
 
我可以唔食豬手,
 
但一定要裝碗大飯,
 
撈埋南乳汁,
 
食哂D花生和蓮藕囉!
 

2010年12月9日 星期四

合桃蛋糕和合桃黑芝麻蛋糕!

 
前幾日夜晚,
 
老公突然問點解呢排我咁得閒,
 
好似好耐冇焗蛋糕喎!
 
唔係喎老公,
 
你又話係街買好過自己整,
 
依家係咪好掛住我~~D蛋糕先???
 

2010年12月8日 星期三

凍凍哋,打邊爐!

 
前日有25-26度,
昨日都有21-22啦!
今日得番15度,
好彩冇想像中咁凍;
不過昨晚老公鼻敏感發作,
朝早4點幾不停打噴嚏嘈醒咗我,
好慘啊!
今日凍凍哋,
大小魔怪一齊話想打邊爐,
我買咗近期至愛~嚮鈴!
仲有成枱嘢食,
食完有D熱添!

2010年12月7日 星期二

吞拿魚pizza!

 
昨天天氣超熱,
 
今天天氣稍涼,
 
明天天氣寒冷,
 
大家記緊加衣蓋被,
 
凍親就唔好啦!

 

2010年12月6日 星期一

沙茶雞翼尖!

 
昨日小魔怪食梗炸雞翼時問:
 
小: 媽咪,點解雞翼冇雞翼尖???
 
我: 雞翼得雞中翼、全翼、雞膇或雞翼尖賣o架!
 
      冇雞中翼連雞翼o尖賣。
 
小: 但係我想食雞翼尖喎!
 
我: 我仲以為你想食咩嘢,呢個好簡單之嘛!
 

 




材料: 雞翼尖1磅半、蒜蓉、乾蔥蓉
 
醃料: 沙茶醬2湯匙、豉油1湯匙、糖1茶匙和紹酒
 
做法: 雞翼尖解凍,用醃料醃1小時左右;落油爆香蒜蓉和乾蔥蓉,
 
加雞翼尖炒數十下贊酒,加2碗半水焗15分鐘,
 
最後加少許鹽調味和粟粉水埋獻便成。
 

 
 
小魔怪見到D雞翼尖時,
 
媽咪,我要大碗裝飯呀!
 
 

 
  
大家可以入嚟Facebook讚下我新開嘅Fans專頁呀! 


雀后(添飯)Facebook Fan Page

 
 

2010年12月5日 星期日

天水圍天耀~十勝牛!

 
昨日同大魔怪轉電話網絡和買電話,
一攪就攪咗成個幾鐘頭,
於是唔返屋企食晏,
出街食日本嘢,
呢間十勝牛係天水圍天耀商場入面o架!
連加一$122。

芝士焗肉醬意粉和炸雞翼!

 
近期大小魔怪開始測驗,
 
 
但我又唔覺佢哋溫書,
 
睇怕都係冇眼睇囉!
 
問番大魔怪考成點???
 
佢大大聲話全班第一,
 
亞仔你邊樹有咁嘅能力考第一呀!
 
佢好唔高興即刻話:
 
我會計科34/34,
 
咁咪即係第一囉!
 
嘩!亞仔,真係估你唔到喎,
 
咁叻仔,
 
整D你喜歡嘅嘢俾你食~芝士焗肉醬意粉和炸雞翼!
 

2010年12月4日 星期六

雜菜焗春雞!

 
呢兩隻春雞係訂番嚟o架!
 
好似$34有兩隻,
 
平平哋都唔錯,
 
起碼有4隻雞髀,
 
我應該會分到一隻掛!
 
 

大魔怪的新手機!

 
上次買咗部新電話俾自己和小魔怪,
 
大魔怪冇份有D唔開心;
 
上次買咗部新電話俾自己和小魔怪,
大魔怪冇份有D唔開心;
藉住今日同佢一齊去轉電話網絡,
由3轉到people,
兼買埋部電話俾大魔怪~Nokia X6,
咁就大家齊齊有新電話用啦!

2010年12月3日 星期五

椒鹽三文魚腩!

今日放咗工去百佳買餸,
見到D三文魚腩好靚,
又唔係貴喎,
買返pack先得!
嘻嘻!
我已經充滿Omega-3啦!


2010年12月2日 星期四

咖哩蘿蔔牛筋腩!

又到星期四啦!
返多一日學就放2日假,
諗起都開心呀!
今日呢煲咖哩牛腩係昨晚炆定,
食前先加蘿蔔和牛筋再炆45分鐘,
未食都已經流哂口水啦!

2010年12月1日 星期三

紅燒肘子!

上次用現成紅燒汁整紅燒冬菇炆豬肘
我覺得唔係咁啱自己口味,
太甜啦!
於是今次我自己調較紅燒汁,
整完攞去同母親大人、妹妹和妹夫家一齊分享啦!





材料: 豬肘一隻、蒜頭3粒、薑一大片
調味: 老抽2湯匙、蠔油2湯匙、八角3粒、冰糖3粒
做法: 將豬肘出水後洗乾淨備用;燒熱鑊加少少油爆香蒜頭、薑片,
落豬肘略煎後表面,加調味和水炆2小時,加水至豬手面;
中途需要反轉豬肘3-4次,免黐底;熄火焗1個鐘後,
再煲多1小時後熄火焗至臨食時,再煲熱就食得啦!
最後自己加豉油和糖調味,
將紅燒汁加少少粟粉水埋獻淋在豬肘上便成。



P.S. 今次用中式鑊炆豬肘好掂,
        連豬皮都腍哂,
        超多骨膠原呀!
        不過呢個餸又炆又焗起碼要半日。
 
  
大家可以入嚟Facebook讚下我新開嘅Fans專頁呀! 

雀后(添飯)Facebook Fan Page

2010年11月30日 星期二

儲備!

 
11月28日星期日,
我見得閒咪執執廚房個櫃囉!
嘩嘩嘩!打仗咩???
原來我同老公買買埋埋有好多罐頭,
簡直黐咗線呀!
老公話呢D係儲備嚟o架!
因為依家物價高漲,
見平咪買定囉!
佢仲攪笑到係D罐頭面寫上篇號,
等工人姐姐照住號碼開嚟用,
究竟我哋買咗幾多嘢,
睇吓就知啦!

2010年11月29日 星期一

客家炆豬肉!

昨日大魔怪睇新聞報告,
知道有個客家炆豬肉嘅比賽,
見到好多高手炆到D豬腩肉好鬼正,
佢即刻話:媽咪,我好想食呀!
就係呢一句,
激發起我呢個客家新抱,
點都要識整幾道客家餸掛。
雖然唔係地道客家菜,
不過連奶奶都話炆得好入味,
老公仲話似食盆菜裡面嘅炆豬肉添!
D豬腩肉連皮炆到入口即溶,
大小魔怪每人添咗3碗飯呀!



2010年11月28日 星期日

蒜香魚露焗雞扒!

近期有blog仔都鐘意食呢個蒜香魚露煎雞扒
不過煎雞扒其實都幾難,
連我都唔係次次都煎得咁靚,
又驚唔熟,又易燶,
所以今日我用咗焗嘅方法,
一樣唔使落油都有脆卜卜嘅效果啦!
加埋生菜墊底,
大小魔怪用生菜卷住D雞扒一齊食,
流露出好滿足咁嘅樣呀!



2010年11月27日 星期六

元朗~嘉麗園!

 
自搬入天水圍後,
好鐘意落元朗嘉麗園食牛腩河,
因為未食過咁好味道嘅牛腩,
而且D牛腩又炆得好腍,
連母親大人都專登由沙田入嚟食。
自蘇玉華係電視介紹完之後,
好想好想再食,
於是襯上次要攞部電腦落元朗整,
我同小魔怪去咗食晚餐,
本來好想試牛雜十寶,
不過小魔怪唔肯食呀!

雖然份量冇變,
不過湯嘅味道冇以前咁濃,
碟魚皮用豉油碟裝咋!
超細碟,
價錢仲越來越貴添呀!

香煎腐皮卷!



今日星期六,
又係要返工嘅日子,

好彩我1個月返一日星期六咋!

其餘的差不多五天工作,

都幾唔錯o架!

放工又逛街市,

見到樣好耐冇食嘅嘢~沙葛。


2010年11月26日 星期五

梅菜炆雞!

呢幾個星期日,
買星島日報都有食譜送,
等我又多咗D煮食靈感。
昨晚我就煮咗呢個餸~梅菜炆雞!
雖然我冇跟足食譜嚟煮,
而且賣相唔係幾相似o架!
不過食落好惹味!

2010年11月25日 星期四

仲係佢~朱古力蛋糕!

哈哈! 
由於前排百住買維X朱古力奶做梗特價,
我前前後後買咗8盒朱古力奶,
所以近排密密整咗幾次朱古力蛋糕,
另外,上星期六妹妹又話好想食喎!
所以又係佢!
下次一定要轉轉口味啦!


越棧~越式湯粉專門店!

 
呢間越棧係元朗廣場地下,
星期日我和同事一家去到都已經成12點啦!
仲係得2個待應招呼客人;
雖然客人唔係好多,
不過我哋都等咗幾耐先有得食呀!

2010年11月24日 星期三

左髀右髀燒鴨腿蝦籽麵!

今日我要留校教興趣班,
所以今晚食外買燒味和炒碟菜算啦!
而我又唔想食飯,
咪煮咗個唔知係左髀定右髀嘅燒鴨腿蝦籽麵囉!
點知到最後都係食得少少咋,
因為有2隻蝗蟲分咗我隻髀同麵呀!

2010年11月23日 星期二

蒜頭豆豉炒花甲!

好耐冇逛街市買餸啦!
因為街市通常都係濕淋淋,
我都幾唔鐘意o架!
不過今日見得閒咪去行吓囉!
又俾我睇到D花甲平平平喎!
2斤都係$28咋!
我梗係唔放過啦!
白菜仲平,
$6有2斤呀!


2010年11月22日 星期一

黃金香茅雞翼!

今日返到屋企,
睇番亞寶得到金牌果一幕,
好感動啊!
一個運動員所負出嘅努力俾我哋每一個人都多,
依家得到大家的肯定,
幾辛苦受訓練都係值得呀!
今晚終於有我等咗好耐嘅劉翔出場啦!