2012年7月31日 星期二

舊同事聚會~元朗潮館!

 

今日,

我約咗幾位舊同事食飯,

7個大人1個小朋友,

叫咗個套餐;

呢個套餐超超超抵食,

$1088一圍,

送2樽凍雪梨羅漢果茶,

待應姐姐仲俾咗張$50 coupon,

即係$1038啦!

又一次眼闊肚窄,

食唔哂,

我要打包5盒餸返屋企做大小魔怪嘅消夜呀!

2012年7月30日 星期一

西餅、甜品製作精選實習班(第一堂)~朱古力鮮忌廉卷蛋!

 
今晚,

我又開始返學啦,

今次係學整蛋糕甜品,

第一堂學整朱古力鮮忌廉卷蛋,

嘻嘻,

呢個係小魔怪至愛嚟o架!

2012年7月29日 星期日

煎餃子!

 


唔經唔覺2個星期嘅暑假剩番今日咋,

聽日我又開始返學校收拾收拾,

準備星期四開學啦!

放假時,

我包定D餃子,

諗住工人姐姐會煎俾大小魔怪食,

點知原封不動放咗係冰箱。

都好,

我哋有下午茶食啦!



2012年7月28日 星期六

2012年台灣之旅~中正紀念堂、新光三越午餐、返香港

7月 24日星期二:

噚晚瞓得唔係咁好,

因為知道香港打梗10號風球,

好掛住屋企嘅大小魔怪,

又擔心返唔到香港,

不過大家都預咗會滯留台灣一日o架啦!

但我哋都係酒店book咗架車下午3點半去機場,

台幣1600即$431左右;

依家都冇咩好做,

唯有繼續我哋嘅行程啦!

首先食個豐富早餐!



脆卜卜燒腩仔!

我哋去台灣果幾日,

大小魔怪真係冇啖好食o架!

屋企D公仔麵差不多俾佢哋清哂;

見佢哋咁想食燒肉,

好啦,

一於買舊靚靚腩肉整俾佢哋食啦!



提提大家,

我將腩肉最底有軟骨或軟厚肉部份切咗出嚟,

四四方方,

切出嚟件件咪就係脆卜卜燒腩仔囉!


2012年7月27日 星期五

2012年台灣之旅~野柳、天外天麻辣火鍋!

 
遊完九份之後,

我哋出發去野柳啦!

專登嚟呢度嘅目的係睇女王頭呀!

各位女士嚟野柳千祈唔好著裙和帶帽,

因為呢度超大風,

我咁大件頭都差D被風吹跌呀!



粟米咸牛肉卷配粟米湯!

 
返嚟咁耐,

我冇偷懶o架,

整咗呢個粟米咸牛肉卷做早餐;

配埋係台灣買嘅粟米湯,

嘻嘻,

咁就做咗我今日嘅午餐啦!

2012年7月26日 星期四

2012年台灣之旅~十分、放天燈、九份!

 
7月23日星期一:

今日,
我哋原本想跟local 團去九份十分山海一日遊,

不過每人要1500台幣,

唔係咁抵囉!

所以我哋計過如果自己book車去九份十分野柳平溪等地,

大約9個鐘,

有埋司機帶路,

都係6500台幣(約$1752),

咁睇會抵少少囉!

未玩之前,

梗係去食份台灣地道早餐啦!



2012年7月25日 星期三

2012年台灣之旅~淡水、士林夜市!

7月22日星期日:

台灣,

我哋3姐妹都嚟過好多次囉!

不過次次去玩我哋都好投入o架!

盡情購物,

盡情吃喝玩樂,

不過,

最最最重要係今次我哋一齊去旅行,

唔使買手信送俾大家,

慳番唔少錢呀!(縮骨中)

由於今次係自由行,

我哋每個家庭夾咗4000台幣飲飲食食,

即係每個家庭千零蚊左右,

有三千幾蚊,

一於食盡佢啦!



2012年台灣之旅~我哋平安返嚟啦!

 


我哋終於可以安全返香港啦!

今次呢個台灣之旅,

真係超好玩,

台灣日日都陽光普照,

吃喝玩樂,

盡情購物,

今次我哋抬咗好多零食返嚟,

真係人都顛呀!

2012年7月21日 星期六

芝士條!

雪櫃有舊500g creamcheese原來仲有4日就過期,

要快D用哂佢先得,
最最最頭痛係我聽日去台灣玩3日,

點算好呢???

拿拿聲用咗一半creamcheese整芝士條,

起碼都唔使益哂大口仔嘛!




2012年7月20日 星期五

Greyhound&Neway唱K!

 


今日我哋又團購去食午餐啦!

呢次係食泰國菜,

聽講話係泰國好出名,

不過唔知係咪團購呢???

服務麻麻哋,

我哋話未齊人唔好出菜住,

點知一早就擺哂出嚟,

D嘢食凍哂啦!

2012年7月19日 星期四

我的午餐!

係暑假裡面,

由於大小魔怪間中要返學校補課,

所以我哋嘅午餐都係煮得好簡單,

屋企有咩就煮咩,

唔使煩呀!



2012年7月18日 星期三

Blog聚~萬寶素食館!

 
Doublema返咗嚟香港,

梗係要約出嚟食餐飯啦!

噚晚出席有Doublema、Annie、EE、Terryma、如月和我,

特別嘅係我哋今次約食齋菜呀!

咪話喎,

原來齋菜好好食o架,

同食肉真係冇咩分別,

尤其個素大腸和素乳豬,

真係超似超好味呀!


呢D生果係任食o架,

我哋飯前飯後都食咗好多生果呀!

唔少得梗係交換禮物啦!

多謝Terryma攞咗5-6kg麵粉俾我,

仲唔使錢添,

不過真係好重o架!



 

 
 
 
大家可以入嚟Facebook讚下我新開嘅Fans專頁呀! 

 

2012年7月17日 星期二

蜜汁叉燒!

今晚約咗blog仔出街食飯,

所以預早買定靚靚梅頭肉,

醃定整叉燒呀!

係百佳買豬肉真係平,

呢舊梅頭41蚊左右,

仲半肥瘦,

用嚟焗叉燒先好食o架!

食唔哂唔梗要喎,

梗有用嘅!



2012年7月16日 星期一

香港物價升到顛咗~香煎黃花魚!


顛顛顛,

香港物價真係升到顛咗呀!

紅衫魚竟然升到4蚊一兩,

一斤64蚊,

真係前所未有o架!

咁嘅時勢,

退而求其次買平平哋黃花魚啦!

呢兩條魚都要28蚊,

仲唔打鱗和劏魚添,

唯有自己返屋企KO佢呀!

 



2012年7月15日 星期日

蒜香魚露焗雞扒配生菜包!


放假第一日,

可能我仲未較好生理時鐘,

未夠5點就已經瞓醒咗,

唔通我前世係一隻雞,

天一光就會醒o架啦!

可憐!

原來,

大小魔怪好鐘意用生菜包住D餸嚟食o架!



2012年7月14日 星期六

元朗~自家人餐廳!


終於完成咗今個學年嘅畢業典禮啦!

今朝足足企咗9個鐘,

依家對腳痛到好似唔係自己咁呀!

至於噚晚,

我哋老師們去到禮堂佈置後,

求求其其搵個地方食晚飯呀!

D嘢唔係唔好食,

不過冷氣唔夠,

好難頂囉!

聽講話佢哋遲D會裝修加大冷氣喎!

2012年7月13日 星期五

乞兒雞!


今日係呢個學期最後一日返學,

老師和小朋友都好開心o架;

過埋明天畢業典禮,

就可以放暑假啦!

嘻嘻,

值得慶祝!

今日係學校,

我整咗呢個乞兒雞俾同事食,

個個都話正呀!

2012年7月12日 星期四

2012年7月11日 星期三

魚肉生菜豆腐湯!

好熱呀!

我最唔鐘意就係熱o架啦!

熱到唔想食飯,

都係飲碗湯算啦!

加埋勁多胡椒粉和麻油,

超正!
飲咗2碗,

飽哂囉!



2012年7月10日 星期二

北海道3.6芝士肉鬆包!

 
買咗盒北海道3.6牛奶擺咗入雪櫃,

點知一擺就擺到就嚟過期,

唔用唔得啦,

即刻開機整麵包呀!

 
牛奶湯種 : 高筋麵粉20g、牛奶 100g(用慢火煮成糊漿待涼備)

麵糰材料: 高筋麵粉270g、糖30g、鹽5g、酵母6g、雞蛋液35g、

奶粉10g、牛奶100g、牛油25g

餡料: 肉鬆、芝士碎適量

做法: 順序把材料放入麵包機,


牛奶湯種、鮮奶、蛋液、高筋麵粉、糖、鹽和奶粉放在桶裡一角,

酵母最好在麵粉上面挖洞,不要太早接觸水和鹽,牛油切碎放面;

按機上8號功能麵糰發酵1小時20分鐘後,麵糰攪勻和發酵啦!

取出排氣和分割,滾圓靜待5分鐘;包入餡料和造型後進行最後發酵,

用保鮮紙蓋好靜待20分鐘;掃上蛋液,

放入焗爐用180度上下火焗20分鐘便成。













  
 
 
  
大家可以入嚟Facebook讚下我新開嘅Fans專頁呀!
 
雀后(添飯)Facebook Fan Page


2012年7月9日 星期一

蒜香椒鹽排骨!

呢排真係好忙,

上星期忙完個家長日,

今個星期就要忙於畢業禮啦!

好在忙完之後就放暑假,

超超超期待呀!



2012年7月8日 星期日

櫻桃拿破侖!



今日我又同lonely一齊去學整餅啦!

呢次係整櫻桃拿破侖!

亞sir整果咗個大嘅櫻桃拿破侖,

超靚囉!

而我哋驚太大件難切,

所以預先將個拿破侖切開一件件呀!

返到屋企,

小魔怪一口氣食咗2件呀!