2018年5月31日 星期四

松發肉骨茶(新加坡)


大熱天時先嚟煲肉骨茶???

哈哈,

應該冇問題掛!

今日煲呢個松發肉骨茶(新加坡)湯包,

只要加蒜頭和排骨,

就會煲出重胡椒味嘅肉骨茶架啦!


2018年5月30日 星期三

鮑魚雞粒蝦仁燴飯


之前買咗6罐平價即食鮑魚係屋企,

俾咗幾罐母親大人試食;

母親大人最鐘意灼碟生菜,

加埋煮熱咗嘅鮑魚仔和鮑汁,

淋係菜面就食得,

佢話罐頭鮑魚仔夠哂腍身又好味道,

啱哂佢嘅口味呀!

而我就鐘意將D鮑魚仔切粒,

仲用埋佢嘅鮑魚汁嚟做燴飯,

咁就真係連汁都撈埋啦!


2018年5月29日 星期二

快滾~節瓜咸蛋肉片湯


滾滾滾,

今日又嚟滾湯喇!

節瓜咸蛋肉片湯,

係夏天常飲嘅湯水之一,

快靚正,

連切連煮差不多30分鐘就有得飲啦!


2018年5月28日 星期一

一口鹽酥雞


上次出街食咗碟鹽酥雞,

幾十蚊先得果幾件,

真係食得唔係好夠喉,

想慳皮D不如自己整嚟食,

起碼大大碟都唔使廿皮囉!


2018年5月27日 星期日

啫啫雞煲


正宗啫啫雞煲係有落豬潤嘅,

而我今晚整咗呢個就係健康版啫啫雞煲,

只係落咗雞、冬菇和洋蔥,

雖然簡單咗D,

但味道都唔錯架!


2018年5月26日 星期六

粗粗哋~南乳炆粗齋


今日炆咗鍋南乳炆粗齋,

材料真係好簡單,

不過唔記得買豆腐卜,

如果加埋落去就更完美喇!

2018年5月25日 星期五

勝瓜肉片雲耳雞蛋粉絲湯


小魔怪女朋友仔係湯怪,

鐘意飲湯多過食飯,

無論老火湯或清清哋嘅滾湯都好,

佢每次都可以飲3~4碗架!

今日我就滾咗個勝瓜湯,

佢第一次食勝瓜話個質感好特別,

咬落好爽兼有汁爆出嚟,

大讚呢個湯好清甜,

好好飲啊!



2018年5月24日 星期四

歐式麵包製作精選實習初班~第三堂


葡式粟米無糖粒粒芝士包&原味拖鞋麵包

今堂呢兩款包,

我只係堂上試食咗少少咋,

其餘全部俾大小魔怪KO哂囉!


2018年5月23日 星期三

節瓜豆腐魚湯


今日真係好熱,

熱到都冇心機煮飯,

簡單煮咗鍋節瓜豆腐魚湯,

咁又一餐,

呢餐夠哂清淡喇!


2018年5月22日 星期二

形點I~小王牛肉麵


今日係小魔怪女朋友仔生日,

本來想帶佢去食日式放題,

點知假期超多人排隊,

即刻轉汰搵其他嘢食喇!

其實假期度度都咁多人,

最後揀咗去食台灣麵。

呢餐食咗$509,


2018年5月20日 星期日

開飯啦!


今日一家人返齊嚟食飯,

簡單4餸1湯,

有好耐冇整嘅釀四色椒,

上次整牛扒小魔怪話冇得食,

今次就整咗2塊西冷扒俾佢同女朋友仔食,

牛扒煎到有格仔兼7成熟,

好鬼正架!

仲煲咗冬瓜薏米瑤柱排骨湯,

炒碟豆角素粟米餅和灼油菜,

開飯啦!


2018年5月19日 星期六

元朗形點I~安南小館


今日天氣熱辣辣,

元朗氣溫高達35度,

如果唔係約咗姑奶食嘢,

我哋都唔願出街呀!

老公、姑奶、小魔怪和我,

落咗元朗形點I搵食,

商場有冷氣,

真係好鬼爽架!

揀咗去安南小廚食越南嘢,

叫咗個2人套餐$498,

再加咗碟牛肉米紙卷,

連加一食咗$616。


2018年5月18日 星期五

蝦醬粉絲蒸豬肉


哈哈,

每次蒸親呢碟蝦醬粉絲蒸豬肉,

老公都會講一句~又要添飯囉!

話時話,

肉,

我唔食得多,

但呢碟粉絲先至係我至愛啊!

2018年5月17日 星期四

香煎雞翼(孜然味&紅辣椒味)


其實我鐘意食煎雞翼多D,

因為用煎嘅方法,

先可以令雞翼皮脆口但又唔油膩;

今次用咗呢個壓雞翼嘅做法,

等D雞翼皮貼落易潔鑊上,

咁雞翼會更快熟、乾身和香口喇!

兩款口味嘅雞翼,

孜然味和紅椒味(辣),

緊有一種啱妳口味架!


2018年5月16日 星期三

香煎牛扒

今日又係二人餐,

係超市買咗塊牛扒返屋企,

咪簡簡單單煎嚟食囉!

由於老公唔食好生嘅牛肉,

所以今次會煎熟少少呀!

小魔怪知道我哋今餐食牛扒,

好羡慕啊!

唔緊要啦!

返工做嘢緊要D,

下次再整俾你食啦!


2018年5月15日 星期二

歐式麵包製作精選實習初班~第二堂

第二堂,

學整意式果子麵包&朱古力小茴香咖啡麵包,

呢兩款都係冇肉餡嘅麵包,

啱哂大魔怪用嚟做早餐呀!


2018年5月14日 星期一

豉汁涼瓜炆排骨


今日見到D涼瓜又靚又大個,

知道老公鐘意食,

即刻買番個返去炆俾佢食啦!

涼瓜品種有好多,

今次買嘅叫大釘,

唔覺好苦,

啱我食呀!


2018年5月13日 星期日

2018年5月12日 星期六

蘿蔔炆牛筋腩金錢肚


明天係母親節,

我哋黃氏3姐妹約埋母親大人齊齊慶祝呀!

每家人準備2~3個餸,

咁就唔使出街食同人逼啦!

今日我就整咗蘿蔔炆牛筋腩金錢肚,

隔日炆定,

仲入味呀!


2018年5月11日 星期五

3餸1湯,白飯任裝


今日小魔怪女朋友仔又嚟香港喇!

佢諗住嚟香港讀個短期課程,

起碼會留2~3個月左右呀!

啱啱趕得到返嚟食晚飯,

3餸1湯,

白飯任裝。


2018年5月9日 星期三

2018年5月8日 星期二

2018年5月7日 星期一

元朗篤篤車&泛后甜品


今日約咗其中兩位travel buddy入元朗食嘢,

揀咗去食車仔麵,

見到呢間湯底係泰國鱷魚湯,

咁緊係要嚟試下啦!


2018年5月6日 星期日

泰式香辣雞翼


今日整泰式香辣雞翼,

用咗呢包簡單又方便醃料,

咩都唔使加,

醃佢2個鐘就食得,

真係快靚正架!


2018年5月5日 星期六

素湯~印度椰子粟米紅蘿蔔栗子馬蹄南北杏蜜棗湯


襯今日星期六,

大小魔怪都返嚟食飯,

所以買整材料煲咗呢個素湯,

印度椰子粟米紅蘿蔔栗子馬蹄南北杏蜜棗湯,

止咳潤肺、清甜又好味道,

所以話間中煲下素湯嚟飲都唔錯架!


2018年5月4日 星期五

大頭菜銅盤蒸雞


噚日係羅湖城食咗個銅盤蒸雞,

最鐘意就係佢蒸雞裡面有大頭菜絲,

食起嚟咸咸香香,

特別惹味架!

今日照板煮碗,

嚟個老翻先得,

可惜屋企冇銅盤,

咁用不锈鋼碟頂住先啦!

下次上大陸,

一定要去買番個銅盤返嚟先得!


2018年5月3日 星期四

羅湖城~小桃源酒家


今朝有事返咗惠州,

即日來回返到香港都已經晚上8點幾,

我和老公兩個人,

上咗羅湖城5樓小桃源酒家食晚飯,

叫咗個砂鍋魚頭煲、絲瓜魚湯浸魚腐和銅盆蒸雞,

2個白飯+送豆腐花,

食咗203人民幣呀!


2018年5月2日 星期三

2018年5月1日 星期二

涼拌青瓜雲耳


呢幾日太陽伯伯好勤力,

日日都有成卅度,

朱家涼拌菜係時候出爐喇!

今日就整咗家人至愛嘅涼拌青瓜雲耳,

真係好爽啊!