鮑魚雞粒蝦仁燴飯

之前買咗6罐平價即食鮑魚係屋企，

俾咗幾罐母親大人試食；

母親大人最鐘意灼碟生菜，

加埋煮熱咗嘅鮑魚仔和鮑汁，

淋係菜面就食得，

佢話罐頭鮑魚仔夠哂腍身又好味道，

啱哂佢嘅口味呀!

而我就鐘意將D鮑魚仔切粒，

仲用埋佢嘅鮑魚汁嚟做燴飯，

咁就真係連汁都撈埋啦!

材料: 即食鮑魚一罐、雞扒1塊、蝦仁180g、菜芯粒適量、

雞蛋2隻、白飯4碗

醃料: 豉油2茶匙、鹽少許、糖1茶匙、麻油少許、生粉少許(醃雞粒)

醃料: 鹽少許、胡椒粉少許、麻油少許(醃蝦仁)

調味: 鮑魚汁6湯匙、豉油半湯匙、老抽少許

做法: 即食鮑魚切粒(鮑魚汁留用做調味)；雞扒去皮切粒落醃料醃30分鐘；

蝦仁解凍後切粒，用廚紙索乾水份後，落醃料醃15分鐘；

菜芯粒洗淨備用；雞蛋加少許鹽發勻，落鑊炒至蛋熟上碟；

燒熱油鍋落雞粒炒至8成熟後，加入蝦仁快炒，

落菜芯粒和調味煮至滾翻後，加入白飯炒勻，加蓋焗2~3分鐘，

落埋鮑魚粒和雞蛋炒勻便成。

  

大家可以入嚟Facebook讚下我新開嘅Fans專頁呀!

 雀后(添飯)Facebook Fan Page