氣炸鍋回歸~菠蘿甜酸排骨

依家香港地新鮮豬肉賣得咁貴，

今日第一次試下係凍肉舖買磅急凍排骨粒($20)，

整咗呢碟菠蘿甜酸排骨，

老公和小魔怪食過話好似同新鮮冇咩分別，

但我食落急凍排骨肉質比新鮮排骨係腍身少少架!

時款特式麵包製作精選實習(二)~第五、六堂

話咁快呢個課程又上咗一半啦!

嚟緊8月又要開始報下一期嘅課程呀!

第五堂~北海道榛子朱古力包&咖啡朱古力粒粒包

氣炸鍋回歸~氣炸五香淮鹽雞翼

自從買咗個空氣炸鍋返屋企之後，

我都好耐冇開過個焗爐囉；

呢個空氣炸鍋用起嚟真係好鬼簡單，

氣炸嘢食時唔使先預熱部機，

就連平時好少接觸廚房電器嘅老公，

一教就識用呀!

花膠冬菇炆鴨腳

執櫃時嘢摷到D花膠仔出嚟，

見好耐冇食過花膠，

今晚一於用花膠炆冬菇炆鴨腳嚟食先得!

素雜菜炒麵

今日午餐簡簡單單炒咗鑊素雜菜炒麵，

仲煲埋一大鍋海帶綠豆沙，

係天時暑熱嘅日子，

食得簡單兼有碗冰凍糖水嘆下都唔錯架!

香煎鱭魚

老公鐘意食呢款鱭魚，

但現在香港係休魚期，

都幾難搵到大條嘅鱭魚，

今次買到幾條小型的，

醃咸佢煎嚟食，

煎到皮脆肉嫩兼咸咸香香，

魚肉鮮甜，

老公和小魔怪都食到lam lam脷呀!

沙爹薯仔雞翼

依家豬肉價格貴到飛起，

轉轉口味食雞翼都唔錯架!

買咗2磅雞全翼，

拎咗4隻嚟炆沙爹薯仔雞翼，

其餘的就留番下次煮嚟食呀!

心情沉重

星期日元朗發生白衣人暴力襲擊市民事件，

我諗大家都知道，

住在元朗天水圍嘅我哋，

真係好心痛好心痛；

我哋一家人睇住電腦網上直播片段，

見到這震撼嘅暴力行為，

感到非常震驚、不知所措和無助，

大小魔怪的情緒亦開始失控，

反覆不停問差人去哂邊?

當晚我哋成晚瞓得3個鐘左右，

早早起身睇到新聞報導後，

大魔怪情緒更低落，

一下子大喊起來，

點解差人沒有做任何拘捕行動???

明明見到佢哋襲擊市民，

點解一個人都拉唔到???

這樣的悲憤嘅情緒，

係我家維持了好長好長時間；

每次與大小魔怪討論呢個問題時，

連我自己都不禁一齊留淚；

正當大家係網上接收到好多不同資訊，

和懷疑警察處理手法不當嘅同時，

我到現在仍相信香港司法制度，

相信只要有足夠證據，

一定會將所有暴徒繩之以法。

不論有冇傷亡，

總之用任何犯法、破壞和暴力等行為，

而達到自己想維護的某一個目的，

大家都是唔想睇到和不能容忍的。

以上係我自己嘅見解，

大家同意與否，

我都唔想有任何爭議，

我只希望大家好，

香港好，

香港是我家!

 

  

大家可以入嚟Facebook讚下我新開嘅Fans專頁呀! 

雀后(添飯)Facebook Fan Page

柱候蘿蔔牛筋腩

是咁的，

話說前兩日見到D蘿蔔好似好靚，

所以買咗條蘿蔔返屋企，

但又諗唔到用佢嚟煮咩好，

就係咁諗咗兩日後，

今日終於的起心肝買咗D牛筋腩返嚟，

炆咗一大煲柱候蘿蔔牛筋腩喇!

時款特式麵包製作精選實習(二)~第三、四堂

第三堂學整栗子旋風卷、芝士金寶麵包

栗子蓉係我至愛，

真係好味道架!

日式薯仔火腿粒沙律配香草蒜香烤雞扒

呢排日日都成35~36度，

真係想熱C我咩!

襯今日得我一個人食午餐，

拿拿臨整盆日式薯仔火腿粒沙律，

配埋塊香草蒜香烤雞扒，

咁就做咗我今日嘅午餐喇!

腰果西芹炒雞粒

前日用空氣炸鍋焗咗D腰果，

今日炒西芹雞粒加少少腰果落去，

碟餸即刻升呢，

特別好食呀!

豬腱兩食~皮蛋瑤柱豬腱粥&五指毛桃豬腱湯

依家香港買豬肉真係好貴好貴，

啱啱買咗一舊豬腱要成$87，

比起以前，

呢個份量只係值$50左右；

今餐買呢舊豬腱，

我分開咗佢嚟煲粥和煲湯，

好彩我哋係會食埋D豬腱肉，

所以一D都唔會嘥呀!

氣炸鍋回歸~炸腰果

今日見得閒冇嘢做，

攞個空氣炸鍋出嚟炸腰果先得!

由於第一次整驚失敗，

只攞咗200g生腰果嚟炸呀!

失蹤?入院

自上星期六起我開始發燒，

雖然已經睇咗醫生，

但發燒都係時高時低，

攪到成個人都暈暈哋，

連煮飯都冇力，

直到星期二朝早，

燒已經退了，

所以晚上我就去學搓麵包，

點知放學返屋企後又開始發燒，

半夜更發覺全身出滿紅疹，

於是即刻去天水圍醫院睇急症，

醫生話見我發燒咁多日仲出滿紅疹，

懷疑我出麻疹，

需要隔離觀察。

就係咁，

星期三朝我就入咗屯門醫院隔離病房觀察喇!

大嶼山寶蓮寺&大澳一日遊

今日老公和我參加業委會舉辦嘅大嶼山寶蓮寺&大澳一日遊，

9點坐旅遊巴士直接上到大佛底，

唔使行樓梯，

正呀!

上湯魚肉浸勝瓜

晚餐煮咗鍋~上湯魚肉浸勝瓜，

簡單又清淡，

味道都唔錯架!

氣炸鍋回歸~蜜糖烤雞翼

小魔怪突然話返嚟食飯，

拿拿聲即刻攞D雞翼出嚟解凍，

用最快嘅速度整咗呢碟蜜糖烤雞翼喇!

 

雜菜明太魚乾湯

上次去韓國釜山買咗一大包明太魚乾返屋企，

部份分咗姐姐當零食食外，

仲有少半包，

我就用咗嚟滾湯喇!

好似今日咁，

煲咗煲素雜菜湯，

老公話好齋咁喎!

我加咗幾塊魚乾落去，

即刻煲湯鮮味好多，

升呢了!

返深圳唱平K

姑奶朋友帶我哋去深圳灣果邊唱平k，

究竟有幾平，

食完個午餐就話你哋知啦!