2019年7月27日 星期六

素雜菜炒麵


今日午餐簡簡單單炒咗鑊素雜菜炒麵,

仲煲埋一大鍋海帶綠豆沙,

係天時暑熱嘅日子,

食得簡單兼有碗冰凍糖水嘆下都唔錯架!








材料: 炒麵餅3個、銀芽$4、椰菜半個、甘筍半條、炒香芝麻

調味: 豉油2湯匙、老抽2湯匙、麻油少許

做法: 燒熱水落麵餅灼至軟身,沖沖水備用(唔好灼得太腍);


椰菜切片、甘筍切條;銀芽沖沖水備用;

燒熱油鑊下椰菜和甘筍快炒數十下後落少少鹽調味,炒至椰菜至軟身上碟;

燒熱油鑊(多少少油),放入麵餅先煎香一面,然後反轉煎另一面,

煎至麵底脆香後,加入椰菜和甘筍炒勻,

其間需要用筷子不斷鬆開麵條,落埋銀芽炒勻後,

加調味和灑少許麻油上碟,灑上炒香芝麻便成。

~加埋我至愛嘅甜醬一齊食,好鬼正架!






大家可以入嚟Facebook讚下我新開嘅Fans專頁呀! 

2 則留言 :

如果大家覺得我煮嘅餸菜啱哂口味嘅話,不妨留個言,鼓勵下我啦!