失蹤?入院

自上星期六起我開始發燒，

雖然已經睇咗醫生，

但發燒都係時高時低，

攪到成個人都暈暈哋，

連煮飯都冇力，

直到星期二朝早，

燒已經退了，

所以晚上我就去學搓麵包，

點知放學返屋企後又開始發燒，

半夜更發覺全身出滿紅疹，

於是即刻去天水圍醫院睇急症，

醫生話見我發燒咁多日仲出滿紅疹，

懷疑我出麻疹，

需要隔離觀察。

就係咁，

星期三朝我就入咗屯門醫院隔離病房觀察喇!

由於係隔離病房，

所以不設探病時候，

老公只可以將帶俾我嘅嘢俾醫院亞嬸，

再由醫院亞嬸送過嚟俾我；

醫院一日4餐好準時，

七點早餐，12點午餐、5點晚餐、8點宵夜。

由於24小時唔可以離開病房真係好悶，

雖然有電視睇，

不過就得翡翠、明珠和港台31，

冇咩選擇，

唔知我係咪有預感今次入硬醫院，

所以咪都冇帶，

剩係攞咗電話叉電器和叉電線呀!

咁先可以入下facebook咋!

住咗4日醫院，

今日終於可以出院喇!

醫生話我嘅驗血報告，

麻疹、登革熱、流感等等全部屬於陰性，

表示十分正常，

咁點解今次發燒和出紅疹，

到依家都搵唔到病，

不過咁，

小病是福!

 

大家可以入嚟Facebook讚下我新開嘅Fans專頁呀! 

雀后(添飯)Facebook Fan Page