2012年4月30日 星期一

麵包製作精選初班(第二堂)






今日呢堂學整提子方包、車輪包和吞拿魚包。

不過亞sir話冇車輪模,

所以教我哋整提子辮子包呀!

 

2012年4月29日 星期日

芝麻腸仔卷!

 
大小魔怪想食腸仔包,

而我就想食芝麻包,

就係咁我將佢哋兩
者混合成芝麻腸仔卷,

今日有下午茶食啦!

2012年4月28日 星期六

女人靚湯又嚟啦~花膠湯!

今日又出動我嘅女人靚湯啦,

就係佢:


花膠淮山杞子圓肉瑤柱紅棗雞腳豬展湯,

雖然個名好長,

不過啱哂我哋一家大細飲呀!

尤其係花膠,

含有豐富膠原蛋白,

令皮膚更有彈性和光澤o架!



2012年4月27日 星期五

鹽焗三文魚頭!

前排百佳開邊急凍三文魚頭有特價,

抵喎,

唔執輸即刻買兩包,

今次用焗爐焗三文魚頭,

冇咁肥膩呀!

咪話,

我最鐘意食個魚骹和魚鰭呀!

脆卜卜o架!



2012年4月26日 星期四

粟米餅!

經Blog友仔提醒,

好耐有
粟米餅
啦!

挑起咗條粟米根添,

今日即刻整嚟食先得,

不過今次我用咗蕃薯粉,

因為要清埋包粉呀!



2012年4月25日 星期三

紫菜魚肉粟米卷!

次次買粟米煲湯,

我都會留起一至兩支拆咗粒粒放入冰箱;

咁就隨時有粟米粒用啦,

留番嚟炒餸和焗麵包都唔錯o架!



2012年4月24日 星期二

麵包製作精選初班(第一堂)

 
噚日我同Sand Sand去咗工聯會學做亞茂,

一班大約20人左右,

亞Sir一早已經開始分派材料係枱上,

準時晚上6:45開始上堂,

10:15放學呀!

首先學搓粉糰,

今次我哋會搓一大舊粉糰,

整3種麵包~咸軟方包、芝士蒜蓉包和芝麻包。

2012年4月23日 星期一

孜然雞翼(土匪雞翼)!


噚日嘅蒜泥白肉,

同埋今日嘅孜然雞翼,

攪到我好似去咗譚X記呀!

不過,

自己整梗係經濟好多啦!



2012年4月22日 星期日

蒜泥白肉!

今日終於見到太陽伯伯啦!

而且仲有D熱添,

我嘅涼拌菜又可以出籠啦!

今次用咗個新蒜蓉夾夾蒜蓉,

又幾蓉喎!

拔,

食完生蒜,

個口好大味o架!

呵呵呵!



2012年4月21日 星期六

九龍城同心泰國菜館!


噚日天氣好唔穩定,

間中仲落大雨添,

不過冇減我哋嘅興致落九龍城食飯和行街街;

咁耐唔落九龍城,

一落車就見到大班警察和記者,

仲長短鏡頭對住我哋,

嘩,好驚呀!

原來我哋撞正上次鳳姐劫殺案嘅疑犯,

返現場重組案情,

好大件事呀!

落雨都冇點行街街,

求求其其買少少嘢就搵食啦!

我哋去咗呢間~同心泰國菜館!

蒜蓉包!

 


老公話前日一個腸仔包都冇食過,

要我再整過麵包,

仲話齋包都唔介意喎!

不過我唔記得睇火,

燶咗啦!

2012年4月19日 星期四

經典~腸仔包!

 
由細到大,

我都好鐘意食腸仔包;

記得當年我食腸仔包係食得好樣衰o架!

第一時間會食哂D麵包先,

然後慢慢嘆條腸仔;

嘻嘻,

諗起都覺得自己攪笑呀!

2012年4月18日 星期三

百花釀豆腐!

今日整呢個餸,

由細食到大,

真係食極都唔會厭o架!

仲啱哂我呢個時候食添!(要戒口)



2012年4月17日 星期二

惹味雞軟骨!

噚日天氣熱,

今日天氣涼,

真係唔病都幾難囉!

近排唔食得炸嘢(生痱滋呀),

但又想食雞軟骨,

用呢個煎嘅方法都唔錯o架!



2012年4月16日 星期一

變變變~大白菜餃子雞!

 
廣州帶返嚟嘅雞,

話明走地雞,

D雞肉梗係實和韌少少啦!

唔想咬到口軟,

諗諗計仔先得;

仲有25隻菜肉餃子係冰箱,

一於食埋佢哋啦!

2012年4月15日 星期日

2012年廣州番禺之旅!







昨日返廣州和番禺的目的,

主要是陪母親大人回鄉探親和拜山。

星期六晨早坐旅遊巴士經皇崗去廣州,

去到已經12點45分左右,

即刻坐的士去探中左風嘅叔父,

見佢精神唔錯,

令大家都較為安心。

(相中左面是嬸嬸,右面是母親大人)

2012年4月13日 星期五

2012年元朗天后誕出會!



 今日係農曆三月廿三日~天后誕,

每一年元朗有出會表演。

我和老公約10點左右到達元朗教育路旁,

馬路兩旁已經堆滿人群,

非常熱鬧,

雖然曾經落雨,

都不減大家嘅熱情和期待。

菜肉餃子!

 
今日睇完出會,

真係超攰,

攰到唔想食飯,

於是包餃子食呀!

今次總共包咗75隻。

2012年4月12日 星期四

惹味啫啫雞!

前兩日下午無無聊聊睇電視,

睇見整梗啫啫雞,

好想食添!

即刻去買料煮嚟食先得!

拔,

冇跟佢嘅調味,

我煮我嘅味道呀!



2012年4月11日 星期三

咩都要掃呀!


 
今日,

我約埋好子、美味娘娘和Sand Sand,

齊齊北上掃貨,

掃咩嘢???

哈哈,

咩嘢都要掃呀!

第一站,

少年宮書城!





2012年4月10日 星期二

麵包機~蜜汁叉燒餐包!


連續4日復活節公眾假期完結啦!

不過我同大小魔怪都係下星期一先返學;

係呢D唔使返學嘅日子裡面,

睇嚟我都要整定D下午茶俾佢哋食啦!

2012年4月9日 星期一

自家麵條~四川擔擔麵!

 
近排見blog友仔個個都整麵條,

等我又摷番部麵條機出嚟玩下先得。

跟孟老師的中式面食呢本書嘅做法,

不過材料就加大份量,

唔係就唔夠大小魔怪食啦!

當我搓到手軟時,

係書中發現呢兩句:
如家中有攪拌機和壓麵機,則將麵糰攪成糰狀即可。

2012年4月8日 星期日

孜然肉碎炒薯絲!

今日我哋返舊屋拜山呀!

一早瞓醒已經落緊雨,

仲諗住會取消添!

好彩老公堅持話要去咋,

去到拜山又冇落雨,

仲涼涼哋添,

好舒服啊!

講番呢碟惹味炒薯絲,

真係好鬼香o架!

因為我加咗孜然粉和花椒粉落去炒,

好有北方風味呀!


今次買2個薯仔都係$4.1,

可以炒埋一大碟,

發達囉喂!




2012年4月6日 星期五

客家梅菜炆豬手!

清雪櫃大行動又開始啦!

過年時係惠州買咗咁多梅菜,

點可以唔清番少少呢!

唔知係咪心理作用呢???

我覺得呢D家鄉梅菜特別好味道o架!



沙田凱悅酒店自助午餐!




昨日早上由中國回港後,

母親大人和我匯合妹妹一家和姐姐一家共7人,

一齊前往沙田凱悅酒店食自助午餐!

一入餐廳門口,

我已經被裡面嘅復活蛋裝飾吸引了。

2012年4月5日 星期四

祈祈BB的第一次遠行~返中國!

 


今次返中國,

係祈祈BB第一次遠行;

但妹妹唔記得幫工人姐姐攪中國簽證,

仲以為會取消行程添,

點知上網問朋友仔話可以去到羅湖先攪簽證,

即管駁一駁啦!

嘻嘻,

去到用咗差不多半個鐘就順利過關啦!
 

2012年4月2日 星期一

麵包機~粟米吞拿魚沙律包!


今日,

我整定D包包俾大小魔怪做早餐呀!

原來造型都唔易o架,

本想學人哋用刀切開個包,

點知切錯咗埋口果邊,

咁就成個包爆開咗啦!

整多1個啱嘅算啦,

都係包番圓形最方便呀!

2012年4月1日 星期日

復活蛋!

 


就嚟到復活節,

梗係要有復活蛋啦!

不過今次我反傳統唔係整朱古力蛋,

而係佢~茶葉蛋呀!

嘻嘻,

真係好鐘意茶葉蛋上嘅紋呀!

巧靚啊!