2010年8月31日 星期二

終於等到今日啦!

好囉!
終於等到今日啦!
今日咪就係大小魔怪暑假結束嘅大日子囉!
有佢哋係屋企,
最最最常聽嘅係: 媽咪,好肚餓呀!
唔識嘅人仲以為我刻薄佢哋添,
好彩個個blog友都知道佢哋大食咋!
知唔知點解我叫佢哋係蝗蟲???
因為如果俾大小魔怪知道邊度有嘢食,
唔使一陣已經KO哂啦!
今日我又唔煮飯,
叫外買家鄉雞和pizza食!


2010年8月30日 星期一

魚露炸雞翼!

今日整呢個魚露炸雞翼,
用嚟送酒最啱!
真係越食越好味道呀!
嚇死我啦!
大魔怪添咗4碗飯呀!



2010年8月26日 星期四

2010年8月25日 星期三

2010年8月21日 星期六

悶熱!

今日嘅天氣真係好悶熱,
中午放工真係唔想行出街呀!
明知我呢D肥人最怕熱o架啦!
又怕出汗喎!
真係好難頂呀!
如果有D涼浸浸嘢食就好啦!

2010年8月20日 星期五

脆皮焗燒肉!

呢個脆皮焗燒肉我整過好多次,
原來一路我冇寫過食譜,
襯今日整嚟食,
寫番個譜譜先得!
唔使次次整都要搵譜呀!


2010年8月19日 星期四

懶蟲?懶蟲!

今晚老公唔返嚟食飯,
我呢條大懶蟲又出現啦!
唔係好想煮飯添!
昨日見T&P教煮白汁
今日即刻試整呀!
第一次整白汁,
好緊張呀!
雖然樣衰衰,
不過味道又真係好似罐頭蘑菇湯咁呀!



2010年8月18日 星期三

做咗運動未呀???

原來幼稚園新來的主任是位太極高手。
為咗舒緩老師教學嘅壓力,
所以每逢星期三,
她會教我們老師耍太極;
不過學耍楊式太極之前,
我們先做熱身和學八段錦。
練咗一陣已經出咗一身汗。



2010年8月17日 星期二

清清清!

上個月新買嘅pizza芝士竟然係雪櫃度發霉,
睇嚟又係時候清清雪櫃啦!
剿哂雪櫃裡有嘅物資出嚟,
整咗以下呢餐餸呀!

2010年8月16日 星期一

日式雜錦天婦羅!

8月14日星期六,
我、老公和大小魔怪換完回鄉証後,
咪順便行吓吉之島囉!
不過屯門市廣場係度裝修梗,
攪到我哋冇哂方向感呀!
都唔知道自己行咗去邊;
終於俾我哋行咗去吉之島超市啦!
真係唔覺唔覺行咗粒幾鐘添!
仲買咗2大袋嘢呀!
係吉之島買咗個急凍鳳尾蝦,
超市亞姐話呢個蝦好正,
最好整蝦蝦天婦羅喎!

2010年8月15日 星期日

蝸牛???

終於俾我搵到佢啦!
每次見到佢,
已經令我神魂顛倒,
好想一啖食咗佢呀!
係咩???
咪係佢囉!
蝸牛???
哈哈!係田螺嚟o架!
我係元朗西鐵站間生活素質睇到佢,
一罐有72-78隻,
價錢又唔貴喎!
$48一罐呀!
點整???
梗係我最鐘意嘅芝士薯蓉焗田螺!

香茅雞扒!

呢兩日放假都好似冇放到咁樣,
星期六,出咗屯門同大小魔怪做回鄉証,
行吉之島超市都行咗個幾鐘,
仲買到好多嘢添;
今日又同老公和大小魔怪去青松觀~附薦;
攪到好攰呀!
好在一早整好哂D餸,
焗焗和番熱就食得!

2010年8月14日 星期六

有機玉米雞!

有機玉米雞係胡李媽買嚟做伴手禮o架!
今日我一於撕開、拆骨、起皮、蒸熟......隻雞呀!
用咗美食展買嘅麻油嘅點雞,
D麻油真係好香呀!
大家有機會去就要買嚟試吓啦!


2010年8月13日 星期五

鹵醬骨!

好懷念上次返中國面點王食過嘅鹵醬骨,
係上星期日,我買咗D豬脊骨返嚟,
再加舊腩肉一齊鹵咗佢嚟食啦!


2010年8月11日 星期三

隨緣樂助!

近日睇見中國甘肅舟曲泥石流淹城的新聞,
一夜間整條村莊被水泥淹沒,
見到災民親人盡失,
缺水缺糧,
令人慘不忍睹啊!
活在現今香港社會嘅我們,
有能力都應該幫助他們重建家園的。


2010年8月10日 星期二

香茅魚露豬扒!

呢幾日樓上幾層都係度裝修,
朝朝都好鬼嘈,
真係攪到我頭都痛埋呀!
有時真係想唔好咁早返屋企,
避咗D裝修嘅噪音聲呀!


2010年8月9日 星期一

歌后!

上星期五,
老公誠邀我與他一起出席同事聚會,
見老公咁有誠意,
俾面佢一齊去啦!
見無無聊聊,
咪唱K囉!
點知唱完之後,
掌聲不絕啊!
個個都讚我唱得好,
攪到我成為當晚嘅大紅人,
因為得我一把女聲,
個個都爭住同我合唱呀!
嘩!我覺得我好似歌后喎!


2010年8月8日 星期日

麥皮香草脆雞翼!

自從7月尾大小魔怪投訴放假咁耐差不多隔日食雞翼,
我都有成個星期冇整過啦!
見今日街市凍肉舖啱啱開箱D雞翼好鬼靚,
又忍唔住買咗2磅番屋企呀!
剿剿書睇吓點整先得!
一係唔整,
一整就大陣仗開鑊炸!


胡椒餅!

係台灣和澳門食過好味道嘅胡椒餅後,
真係好鬼難忘啊!
香港好似唔多有胡椒餅食,
咁唯有靠自己啦!
又俾我搵到呢個私家廚房教人整胡椒餅,
膽粗粗的我又開工啦!
不過部份材料如香菇粉屋企冇呀!


2010年8月7日 星期六

驚嚇!

 
大家收咗未???




收咗今期電費單未呀???




我哋今日收到啦!




一睇嚇咗一跳,




我唔見咗3千蚊呀!
 
 
  
 
  
大家可以入嚟Facebook讚下我新開嘅Fans專頁呀!  

 

2010年8月5日 星期四

蒜泥白肉!

點解我要整理我嘅食譜呢,
就係因為我記性差囉!
成日都唔記得D餸點整出嚟呀!
好似呢個蒜泥白肉咁,
其實我整過好多次,
次次撈嘅醬汁都唔同味,
今次就用咗呢個醬汁點嚟食啦!

2010年8月4日 星期三

冰梅排骨!(話梅排骨)

今日開學都算順利,
因為家長暫時能陪伴小朋友左右嘛!
不過到了下星期一,
當爸爸媽媽不能陪伴時,
大合唱又開始了。