氣炸蜜汁燒排骨

去凍肉舖買親金沙骨，

我都鐘意揀有軟骨嘅金沙骨，

因為我可以切開細細件D嚟焗，

唔使咁大件呀!

淘淘淘

之前我好似同老公講過，

都係唔好淘咁多嘢落嚟啦!

冇地方放呀!

但前日朋友問我有冇嘢想淘，

嘻嘻!

我又忍唔住手搵朋友仔幫我淘咗少少嘢落嚟啦!

今次淘咗個炒鑊、半熟芝士蛋糕、麻辣花生和廁紙。

老公反應好攪笑，

佢問我係咪痴咗又買鑊返嚟，

但見到我淘咗麻辣花生和芝士蛋糕後，

就冇再出聲喇!

隨意煮~黑椒牛肉炒意粉

今朝執廚櫃，

見有半包意粉開咗仲未煮，

求求其其買咗D牛肉嚟炒意粉，

炒咗一大鍋，

兩個人都食唔哂!

烤雞翼

今餐食烤雞翼，

見屋企有1個薯仔，

加埋落去一齊烤先得，

烤雞翼出咗好多汁，

攪到D薯仔唔夠乾身添!

韭菜花炒牛肉

呢排D韭菜花好鬼嫩，

脆身又爽口，

今日買咗牛肉嚟炒韭菜花，

好送飯架!

麵包製作精選實習中班~第二堂

第二堂學整全麥麵包&粟米麵包，

亞sir加咗合桃、提子乾和火腿粒俾我哋，

咁個包就冇咁齋喇!

豉汁鳳爪排骨

今日又整咗我至愛嘅鳳爪排骨喇!

一早已經醃定起碼有8個鐘，

好入味又好送飯，

唔得，

我要添飯啦!

香煎牛扒

小魔怪好鐘意食牛，

佢唔知係邊度訂咗D牛扒返嚟叫我煎俾佢食，

簡簡單單落咗少少鹽和黑椒碎咋；

今次小魔怪讚我煎到牛扒有小粉紅，

獲得80分呀!>.<

素湯~印度椰子粟米紅蘿蔔栗子馬蹄南北杏蜜棗湯

今日買料煲素湯俾大魔怪飲，

印度椰子粟米紅蘿蔔栗子馬蹄南北杏蜜棗湯，

呢個湯止咳潤肺，

清甜好飲，

大小魔怪每人飲咗2大湯碗呀!

嘻嘻，

下面果個小碗係我飲架!

辣椒炒蜆肉

今日摷雪櫃，

冰箱有急凍蜆肉和下層就有4隻辣椒，

嘻嘻，

慳家嘅我緊係要用盡佢哋啦!

快快手炒個辣椒蜆肉，

辣辣哋超好送飯呀!

節瓜冬菇炆排骨

前兩日節瓜1蚊1個，

嘩，

咁抵，

我緊係唔執輸啦!

買咗4個返屋企，

用咗其中兩個嚟炆冬菇排骨。

冬瓜粟米薏米螺片瑤柱排骨湯

夏天熱辣辣，

襯朝早冇咁熱，

就煲定呢煲冬瓜粟米薏米螺片瑤柱排骨湯；

中午食得簡單，

一碗湯半碗飯，

咁就一餐囉!

大頭菜蒸鯇魚

每次見親母親大人，

佢都問我有冇惠州梅菜，

我都好耐冇返惠州，

買唔到正宗惠州梅菜俾佢食，

我叫佢係香港買啦!

佢話香港賣嘅惠州梅菜又貴又唔好食喎!

佢好鐘意用梅菜嚟蒸魚，

食極都唔厭，

唔知改用大頭菜嚟蒸魚得唔得呢???

#問咗佢啦!

佢話大頭菜比較硬，

唔啱佢食呀!

鮑汁花生鳳爪

我煮餸就真係好隨心，

見到有咩想食就會買嚟食；

今日見到有急凍鳳爪賣，

就買咗2磅返嚟炆花生喇!

試新刀~辣椒炒豬肚絲

朋友仔幫我係淘寶淘咗set陶瓷刀具套裝，

成套有2把刀、剪刀、刨皮器、膠砧板和刀架，

都係56.8人民幣，

真係抵到呢，

本來諗住明天先試刀，

但最後終於都抵唔住即刻落街，

買個急凍豬肚和辣椒返嚟~試刀!

#試刀後感: 

把陶瓷刀好輕好鋒利，

尤其把大刀，

一定要好小心用呀!

新北江~天天潮州粉麵

由於之前限聚令和疫情嚴峻嘅關係，

我哋將清明拜山推遲到今日，

今日天氣非常炎熱曬到七彩，

拿拿聲拜完山就返屋企樓下商場搵食喇!

呢間天天潮州粉麵，

D粉麵真係好大碗，

我叫咗牛腩撈麵竟然有2個麵嘅份量，

咪見我大大隻，

但食力真係好弱，

食咗幾啖已經飽飽，

唯有加$1攞個外賣碗攞返屋企做晚餐呀!

麵包製作精選實習中班~第一堂

其實呢個課程係1月初已經上咗3堂架啦!

諗住過完農曆年就可以繼續上課，

點知一個新冠肺炎攪到所有課程都取消哂!

原本話3月份可以復課，

最終都係要等到5月12日先上到堂，

仲要由第一堂再學過呀!

第一堂學整芝士方包&意大利包，

由於每個人都要戴手套搓包，

所以影相比較少咗呀!

咖哩薯仔牛筋腩

今日小魔怪在家Home office，

專登炆咗一大鍋咖哩薯仔牛筋腩，

留起部份俾佢明天可以帶飯返工呀!

買咗盒小椰漿$5，

加埋落個咖哩汁度，

真係香噴噴架!

氣炸鍋回歸~酥炸銀魚&花生

噚日終於可以返學搓麵包啦!

同學仔話想試下氣炸花生係咩味，

所以買咗半斤花生嚟整酥炸花生，

見雪櫃仲有D銀魚仔係度，

加埋落去一齊氣炸喇!

#今日食都仲好鬼脆呀!

清補涼雞腳豬腱湯

今日煲咗清補涼雞腳豬腱湯，

係藥房買咗包清補涼$30，

買咗$50豬腱加埋雪櫃內有6隻雞腳，

落埋3粒蜜棗煲2小時就有得飲喇!

彩椒肉片炒手撕杏鮑菇

哈，

我呢排鐘意咗食椒添!

今日買咗幾隻彩椒仔，

顏色極鮮豔；

加埋手撕杏鮑菇和豬肉片，

炒炒埋埋一大碟，

開飯囉!

慶祝母親大人生日兼母親節快樂

噚日我哋齊齊入到妹妹家開扒地，

慶祝母親71歲生日兼慶祝埋母親節!

祈祈話要整木糠布甸俾婆婆和表哥們食喎!

但到最後咪又係我一個人整!

晚餐叫咗個酒樓自取外賣圍餐，

本來期望唔大，

點知大家都讚有超水準表現!

$2588超超超抵食呀!

XO醬韭菜花小炒皇

噚日食粥點可以冇餸送粥呢!

係咁意炒咗碟XO醬韭菜小炒皇，

有蝦乾、吹筒仔(小魷魚乾)、肉絲、和韭菜花，

仲加埋惹味嘅XO醬，

送飯送粥都咁惹味呀!

柴魚花生咸排骨粥

今日小魔怪仍然在家Home office，

午餐就煲咗煲~柴魚花生咸排骨粥，

柴魚乾都幾有唔少骨，

真係要浸軟身後先慢慢剪走D骨，

咁食落就安心D啦!

雪菜肉絲雜菜炆烏冬&冬菇雜菜炆伊麵(素)

今日大小魔怪都留家Home Office，

午餐都係食雜糧，

老公、我和小魔怪就食雪菜肉絲雜菜炆烏冬，

而大魔怪就食冬菇雜菜炆伊麵(素)，

配埋我至愛嘅是拉差辣椒醬，

嘩，

真係食到我唔停得口呀!

豉椒炒魷

今日我倆午餐食豉椒炒魷，

老公話下次食要配煎米粉底喎!，

哼，

估唔到佢咁識食，

仲識點我做嘢喎!

扮潮~三色椒炒粒粒

雪櫃有2碗舊飯，

懶得煮最啱就用嚟煲潮州粥架喇!

炒整三色椒炒粒粒嚟送粥，

加埋自製氣炸花生，

正呀!

小魔怪話好耐冇食過蜆肉，

諗諗下又係喎，

好似佢去咗英國我都冇煮過呢個餸喇!

辣豆瓣魚

今朝一早起身行去天瑞河旁散步做運動；

自疫情以嚟，

今日河畔人流較前兩個月多咗好多人，

可能大家都宅在家有一段日子，

係時候要出嚟曬曬太陽了。

行咗1個鐘出一身汗，

入咗天瑞冷氣街市涼冷氣兼買餸，

一份鲛魚$45，

咁抵梗係要買嚟食啦!

今晚就煮咗呢碟~辣豆醬魚。

氣炸鍋回歸~炸花生

平時好鐘意返惠州嘅市場買鹽香花生，

但呢排冇返惠州，

所以好耐冇得食囉!

試過係街市雜貨舖買嘅鹽香花生有油益味，

咁就不如自己勳手整嚟食好過啦!

唔想太油膩，

改用氣炸鍋嚟整呀!

海山(蝦醬)骨

呢排我做咗每事問，

去親冰鮮肉檔買豬肉時，

好鐘意問亞姐有關豬肉嘅問題；

今日就問亞姐我想搵有軟骨嘅排骨用嚟炸嘅，

咁佢就介紹我買呢款叫腩頭骨啦!

今次買呢舊腩頭骨好大塊，

可以當豬扒咁煎炸呀!

所以今日晚餐就用咗佢嚟整咗呢碟~海山(蝦醬)骨!

食落啖啖蝦醬味，

送飯一流呀!

我煮咗一半份量，

留一半明天食呀!

豉油皇煎蝦

除咗黃金蝦，

我都好鐘意食豉油皇煎蝦架!

食蝦先會啜哂蝦殼上嘅豉油汁，

好鬼惹味架!

靜靜話俾大家知，

我連D薑蔥蒜都唔放過，

用嚟撈飯最正呀!