2011年12月31日 星期六

2011中國肇慶之旅~手信篇!

 

各位,我返嚟啦!

今次肇慶之旅一毫子都唔使出錢,

全程食食食、買買買、瞓瞓瞓,

超爽呀!

本來諗住玩3日唔帶喼o架!

好彩最後我都決定帶喼,

唔係我就搬唔到D手信返嚟啦!

2011年12月28日 星期三

2011澳門之旅~手信篇!

 

我哋返嚟啦,

今次真係玩得好鬼開心啊!

除咗祈祈BB第一次同我哋一齊去旅行之外,

今年我嘅運氣都唔錯,

加加埋埋贏咗少少旅費,

仲可以幫補買手信和膳食費添!

唔講咁多啦,

睇吓買咗咩手信啦!


2011年12月26日 星期一

Boxing day!

 

今日係12月26號Boxing day,

大家有冇節目呀???

我哋要出沙田同母親大人佢哋開party,

仲有交換禮物嘅遊戲添;

我呢個靚姨媽送俾祈祈B B 嘅聖誕禮物~靚靚披肩,

令唔令呢???

依家祈祈BB有10個月大啦!

2011年12月25日 星期日

唔食都唔知魚貴呀!

 
今日,

我諗住買番條cheap cheap魚食吓啦,

紅衫魚夠cheap啦掛;

攞起2條中等size嘅紅衫魚,

點知一上磅睇吓幾多錢,

嘩,

搶錢咩???

竟然要成$50,

唔買又唔得,

我即刻好面懵懵咁話買一條魚,

妳哋估呢條魚幾多錢一兩吖???



2011年12月24日 星期六

聖誕快樂!


今年嘅聖誕節好齊人呀!

連年年一早約咗同學仔出街嘅小魔怪,

都留係屋企食聖誕晚餐,

真係要好好珍惜,

唔知出年仲有冇聖誕節呢???

2011年12月23日 星期五

自製忌廉粟米濃湯火雞絲意粉!

係聖誕節裡面,

大家有冇食火雞嘅習慣???

其實火雞肉都幾"鞋"o架,

次次訂咗一大隻都食剩好多火雞肉,

唔想浪費,

呢個食譜可能啱哂大家呀!

今次係第一次自製忌廉粟米濃湯,

呵呵呵,

超滑滑啊!

用嚟配麵包或意粉都超正呀!



2011年12月22日 星期四

冬至快樂!

 
今日係冬至嘅大日子,

老人家話冬大過年,

所以我一早諗定咗簡簡單單而又豐富少少嘅菜式啦!

雖然唔係咩富貴食材,

但最梗要係一家人齊齊整整圍埋一齊食餐飯嘛,

祝各位親朋好友,

冬至快樂呀!

2011年12月21日 星期三

學校聯歡會兼冬至晚餐!


終於到了今年最後一日返學的日子,

小朋友聖誕慶祝會過後,

輪到我哋老師慶祝啦!

今年我哋又有交換禮物,

呢D就係我得到嘅禮物,

份份都啱哂我心水呢!

至於噚晚整嘅芝士蛋糕,

今朝加咗D新鮮藍莓做圍邊,

係咪好靚呢???

 
 
到咗夜晚,

我哋老師們又齊齊出去食冬至晚餐,

又係佢~元朗正記菜館!

呢度D小菜真係超好味,

樣樣都係賣飛佛呀!

食剩咗一大盒椒鹽魷魚,

又做咗大小魔怪嘅消夜啦!
 
 
 

大家可以入嚟Facebook讚下我新開嘅Fans專頁呀! 

 

2011年12月20日 星期二

聖誕快樂~藍莓芝士蛋糕!

 

Last day,last day啦!

返埋聽日慶祝會,

我可以放12日聖誕假,

諗起都興奮呀!

同事話想食芝士蛋糕喎,

見佢哋咁想食,

好啦整俾妳哋食啦!

拔,

我唔記得睇爐火,

攪到個蛋糕面燶咗添,

快D揾藍莓醬遮住佢先得!

睇落都唔係好燶啫!

(自欺欺人呀!)

後面果幾張係學生送俾我嘅聖誕咭嚟o架!

2011年12月19日 星期一

香煎蓮藕餅!

上次藕餅係加魚肉,

今次就加入豬肉;

無論加咩嘢,

我都咁鐘意食呀!



2011年12月18日 星期日

香草焗豬柳配黑椒汁!

呢排係百佳買新鮮豬肉都有7折,

不過只限星期一至六,

平時我要返工好難買到平嘢,

所以我襯噚日星期六,

一早走去百佳入定貨呀!

今次買呢條豬柳,

平時一條起碼超過44蚊o架,

依家31蚊就有啦!

抵呀!



2011年12月17日 星期六

只可遠觀~3D angry bird蛋糕!

 


今次真係獻出我人生嘅第一次囉!

第一次玩3D,

第一次玩唧花,

總之係第一次啦!

可惜,

呢個3D angry bird 蛋糕,

一D都唔angry!

仲有呀,

呢個蛋糕只可遠觀,

近睇就......!




以下面果個係亞sir做o架!

靚過我整嘅好多呀!


今日我有禮物收呀!

茶葉蛋和雜果包!




 

  

大家可以入嚟Facebook讚下我新開嘅Fans專頁呀! 


2011年12月15日 星期四

炸魚柳

嘻嘻,

仲有4個工作日咋;

咩事???

就係我期待已久嘅聖誕假期嘅開始啦!

(12月22日至明年1月2日!)

大家有冇plan定去邊度玩呢???

我就有呢,

12月27-28日,

我哋一家十人會過大海搵亞何生較量,

(今次小魔怪話唔想去喎!)

12月29-31日,

我哋教職員共13人會跟團去肇慶玩呀!

最開心係唔使自己俾錢,

學校話包哂喎,

諗起都happy呀!

哈哈!


2011年12月13日 星期二

午聚!

 


終於有機會同英國blog友 SamWei見到啦,

佢仲帶埋個大朋友一齊出嚟,

我哋約咗好近我嘅元朗見面,

要搵一個靜靜哋嘅地方傾計,

唯有揀呢個地方啦~石崗咖哩屋!

真係多謝Sam Wei請我食飯,

又買咗D禮物送俾我,

多謝妳呀!

有機會我一定去英國探妳o架!

2011年12月12日 星期一

脆卜卜燒肉!

呢排係百佳買新鮮豬肉有7折,

以我咁精打細算,

梗係唔執輸啦,

買咗舊豬腩肉返嚟,

唔使諗啦,

一於用嚟焗脆卜卜燒肉!



2011年12月11日 星期日

韓式金菇牛肉卷!

雖然話係小圈子選舉,


 而我亦冇份資格選特首,

但我有份選千二名選委,

身為教育界別嘅我一定會支持嘅。


講番正題,

上次打邊爐,

竟然有肥牛剩喎,

真係出奇啦!

今日攞番出嚟解凍,

加埋剩番少少嘅韓式燒汁,

咁又多一味餸啦!



2011年12月10日 星期六

驅寒首選~咸菜胡椒豬肚排骨湯!

今日天氣寒冷,

市區氣溫得11度,

我住係鄉下地方,

更只得8度,

梗係要食番D嘢驅寒啦!

晨早8點已經去到街市,

搵下有冇新鮮豬肚賣,

好好彩問咗兩檔已經買到,

$28一個豬肚又唔係貴喎,

即刻俾錢走人。

(以下圖片可能會引起大家不安或......)

2011年12月9日 星期五

胡混!

胡混???

哈哈,唔係我家男人,

而係我呀!

今日冇咩煮意,

求求其其買咗D雞翼,

求求其其攞哂屋企有嘅調味料,

胡胡混混咁整咗呢個炸雞翼,

好唔好食???

等大小魔怪和我試完味先話俾妳哋知啦!
 


2011年12月8日 星期四

蝦膏豆卜蒸豬肩肉!

上星期日,
老公同舊同學去坪山行山,

仲買咗D手信返嚟添,

就係一磚蝦膏啦!

好耐冇食過呢種蝦膏,

襯百佳豬肉今日特價7折,

買舊靚靚豬肩肉蒸嚟食先得!

開飯啦,

一個字~香!