2010年11月30日 星期二

儲備!

 
11月28日星期日,
我見得閒咪執執廚房個櫃囉!
嘩嘩嘩!打仗咩???
原來我同老公買買埋埋有好多罐頭,
簡直黐咗線呀!
老公話呢D係儲備嚟o架!
因為依家物價高漲,
見平咪買定囉!
佢仲攪笑到係D罐頭面寫上篇號,
等工人姐姐照住號碼開嚟用,
究竟我哋買咗幾多嘢,
睇吓就知啦!

2010年11月29日 星期一

客家炆豬肉!

昨日大魔怪睇新聞報告,
知道有個客家炆豬肉嘅比賽,
見到好多高手炆到D豬腩肉好鬼正,
佢即刻話:媽咪,我好想食呀!
就係呢一句,
激發起我呢個客家新抱,
點都要識整幾道客家餸掛。
雖然唔係地道客家菜,
不過連奶奶都話炆得好入味,
老公仲話似食盆菜裡面嘅炆豬肉添!
D豬腩肉連皮炆到入口即溶,
大小魔怪每人添咗3碗飯呀!



2010年11月28日 星期日

蒜香魚露焗雞扒!

近期有blog仔都鐘意食呢個蒜香魚露煎雞扒
不過煎雞扒其實都幾難,
連我都唔係次次都煎得咁靚,
又驚唔熟,又易燶,
所以今日我用咗焗嘅方法,
一樣唔使落油都有脆卜卜嘅效果啦!
加埋生菜墊底,
大小魔怪用生菜卷住D雞扒一齊食,
流露出好滿足咁嘅樣呀!



2010年11月27日 星期六

元朗~嘉麗園!

 
自搬入天水圍後,
好鐘意落元朗嘉麗園食牛腩河,
因為未食過咁好味道嘅牛腩,
而且D牛腩又炆得好腍,
連母親大人都專登由沙田入嚟食。
自蘇玉華係電視介紹完之後,
好想好想再食,
於是襯上次要攞部電腦落元朗整,
我同小魔怪去咗食晚餐,
本來好想試牛雜十寶,
不過小魔怪唔肯食呀!

雖然份量冇變,
不過湯嘅味道冇以前咁濃,
碟魚皮用豉油碟裝咋!
超細碟,
價錢仲越來越貴添呀!

香煎腐皮卷!



今日星期六,
又係要返工嘅日子,

好彩我1個月返一日星期六咋!

其餘的差不多五天工作,

都幾唔錯o架!

放工又逛街市,

見到樣好耐冇食嘅嘢~沙葛。


2010年11月26日 星期五

梅菜炆雞!

呢幾個星期日,
買星島日報都有食譜送,
等我又多咗D煮食靈感。
昨晚我就煮咗呢個餸~梅菜炆雞!
雖然我冇跟足食譜嚟煮,
而且賣相唔係幾相似o架!
不過食落好惹味!

2010年11月25日 星期四

仲係佢~朱古力蛋糕!

哈哈! 
由於前排百住買維X朱古力奶做梗特價,
我前前後後買咗8盒朱古力奶,
所以近排密密整咗幾次朱古力蛋糕,
另外,上星期六妹妹又話好想食喎!
所以又係佢!
下次一定要轉轉口味啦!


越棧~越式湯粉專門店!

 
呢間越棧係元朗廣場地下,
星期日我和同事一家去到都已經成12點啦!
仲係得2個待應招呼客人;
雖然客人唔係好多,
不過我哋都等咗幾耐先有得食呀!

2010年11月24日 星期三

左髀右髀燒鴨腿蝦籽麵!

今日我要留校教興趣班,
所以今晚食外買燒味和炒碟菜算啦!
而我又唔想食飯,
咪煮咗個唔知係左髀定右髀嘅燒鴨腿蝦籽麵囉!
點知到最後都係食得少少咋,
因為有2隻蝗蟲分咗我隻髀同麵呀!

2010年11月23日 星期二

蒜頭豆豉炒花甲!

好耐冇逛街市買餸啦!
因為街市通常都係濕淋淋,
我都幾唔鐘意o架!
不過今日見得閒咪去行吓囉!
又俾我睇到D花甲平平平喎!
2斤都係$28咋!
我梗係唔放過啦!
白菜仲平,
$6有2斤呀!


2010年11月22日 星期一

黃金香茅雞翼!

今日返到屋企,
睇番亞寶得到金牌果一幕,
好感動啊!
一個運動員所負出嘅努力俾我哋每一個人都多,
依家得到大家的肯定,
幾辛苦受訓練都係值得呀!
今晚終於有我等咗好耐嘅劉翔出場啦!

2010年11月21日 星期日

長者日!

今日11月21日是長者日,
下午我和同事帶著一大班小朋友為長者日進行表演,
家長和長者們個個都睇得好開心,
同事們辛苦咗一星期是值得的。


Le-creuset生積?除積!

八卦係我嘅性格,
日日放工返屋企,
第一件事就係開電腦上網,
冇上網一日個心肝仔就會囉囉孿。
果日,就俾我睇到一個blog友嘅網誌,
佢介紹咗一樣係吉之島10炆店買嘅正嘢,
用嚟去Le-creuset頑固污積最啱呀!
因為le-creuset唔可以用強勁清潔劑大力刷,
會損壞煲嘅表面呀!
所以每次炆完餸之後,
我剩係用少少洗潔精和用布抹,
久而久之就積咗D千年污積啦!
係咪咁神奇???
一試咪知道囉!

2010年11月19日 星期五

全雞宴!

除咗大小魔怪係雞狂外,
由於工人姐姐唔食豬肉,
奶奶又唔食牛肉,
所有雞係我家餸菜中出現頻率最高嘅食材呀!
今日就嚟一個全雞宴!

2010年11月17日 星期三

搭過龍~柱候蘿蔔炆牛筋腩!

日日係咁追睇劉醒套劇,
攪到我搭車都攞住本雜誌睇劇情;
就係咁,
今日搭輕鐵都唔記得落車,
唯有行一個站先番到屋企呀!




柱候蘿蔔炆牛筋腩

材料: 牛肋條2磅、牛筋2條、白蘿蔔1個、薑、蔥、紹酒和冰糖3小粒
調味: 柱候醬2匙羹
做法: 牛肋條先用薑、蔥和紹酒出水;先用醃料醃牛肋條,
燒熱Le-creuset 24cm湯煲,爆薑落牛肋條、牛筋和柱候醬,
贊少許紹酒,加冰糖和1碗水,先炆牛肋條1小時後,
加入蘿蔔和牛筋炆多半小時,最後加老抽調色和粟粉水埋獻便成。


 
  
大家可以入嚟Facebook讚下我新開嘅Fans專頁呀! 


人生有幾個十年???


 




恭喜恭喜!
老公今年服務香港政府踏入31年啦!
犀利!
做一份工做足三十年都幾悶。
(我嘅睇法!)

2010年11月16日 星期二

魔鬼與天使!

近排因為喉嚨痛和咳,
所以食嘅嘢都好清,
不過身邊就有好多魔鬼引誘我呀!
凍飲、薯片、炸嘢都一律戒戒戒咗幾日,
今日破戒啦!

下午三點三!

如果大家有食下午茶嘅習慣,
通常會食D咩呀???
最近我就鐘意食時下年青人鐘意食嘅嘢~冷麵和小丸子!
咁即係我都係年青人啦!
屋企商場做梗特價,
$10有5包冷麵配料,
加$3就有7粒小丸子呀!
呢度夾埋都係$26呀!


2010年11月15日 星期一

敗家!

小魔怪用開果部電腦有雜聲,
要攞落元朗整;
原來係張記憶咭風扇壞壞哋,
唔整就好容易會死機,
有2個方案,
1: 保養期未過,攞去咭公司整要3-4星期;
2: 俾$198即刻有得換,約半小時。
唉!
敗家即係敗家,
又要我攞錢出嚟换呀!

2010年11月13日 星期六

美女與野獸~海洋公園!

 
今日,
我哋老師帶家長與小朋友一齊去秋季旅行,
目的地是海洋公園!
寓工作於娛樂,
雖然我們沒有玩機動遊戲,
不過到處逛逛啊!

2010年11月12日 星期五

咸鴨腎豬展粥+炒烏冬!

粥,
大小魔怪都唔鐘意食o架!
次次我煲親粥,
佢哋一定會投訴o架;
襯呢幾日食藥食到口淡淡,
剿到雪櫃有幾隻咸鴨腎,
咁就煲咗呢個粥啦!
剩食粥唔夠食,
炒埋個烏冬就啱啱好!

雜錦煲!

 
今日天氣變化都幾大,
 
早上雖然唔係好熱,
 
不過都有太陽和25-6度左右,
 
但當我3點幾4點放工之後,
 
天色開始變暗,
 
買完餸之後仲落大雨添!
 
天文台今次都幾準喎!
 
早幾日前已經話今晚會落雨和開始涼,
 
抵讚! 
 
見天氣開始涼,
 
咁我又整個雜錦煲食吓啦!
 
呢個雜錦煲真係好就個人喜愛,
 
鐘意加咩落去都得!
 
點解D料好似打邊爐o架!
 
因為大小魔怪話打邊爐太煩啦!
 
又要等水滾,又要等D嘢食熟喎!
 
我唯有一煲過煮熟佢,咁咪唔使等囉!
  

2010年11月11日 星期四

日式照燒豬軟骨烏冬!

今日,
我依然失聲,
而且咳和鼻水仲一齊嚟探我添!
本來下午我要留校教手工班,
不過食咗藥後,
個人好似係浮台咁浮浮吓,
都要暫停一次啦!
唔想食飯,
所以整咗呢個嚟食呀!


2010年11月10日 星期三

孖蒸!

做我哋呢D家庭主婦,
唔係餐餐都要煮得好複雜,
有時簡簡單單的幾味蒸餸,
家人都會食得滿意開心!


榨菜蒸豬頸肉

材料: 豬頸肉2塊、榨菜半個
醃料: 豉油、老抽、糖、粟粉、紹酒和麻油 
做法: 榨菜清洗後用水浸淡咸味;豬頸肉切片後用醃料醃1小時左右,
煎15分鐘便成。



咸蛋黃雞蛋蒸豬肉餅
材料: 豬肉碎$20、雞蛋1隻、咸蛋黃一個
醃料: 豉油、老抽、糖、粟粉和麻油
做法: 用醃料醃豬肉碎1小時,將打發好的蛋液淋在肉餅面,
將咸蛋黃放在肉餅中間,蒸15分鐘便成。



前兩日鼻敏感發作未痊癒,
昨晚開始喉嚨痛添,
成晚都咩點瞓呀!
放工返嚟即刻去睇醫生,
嘩!等咗成個鐘先見到醫生;
好想食粥,
點知間粥舖休息,
好黑仔呀!
 
  
大家可以入嚟Facebook讚下我新開嘅Fans專頁呀! 

2010年11月9日 星期二

勁香~朱古力蛋糕!

呢幾日,
我D鼻敏感又嚴重咗,
成晚鼻塞塞,
攪到我冇覺好瞓;
食埋D西藥仲慘,
攪到我連食嘢都好似冇哂味道呀!
要整D好味嘢食安慰自己先得!


2010年11月8日 星期一

紅燒冬菇炆豬肘!

係中國大陸,
我最鐘意食豬肘子,
因為多肉兼炆得好腍呀!
不過次次佢哋都係辣辣哋,
雖有自己煮一次唔辣嘅版本啦!

禾輋~樂園!

 
出街食飯,
我最鐘意去大排檔,
貪佢哋夠鑊氣呀!
襯依家天氣涼涼哋,
昨晚同家人一齊嚟呢度食晚飯啦~禾輋樂園!
好鬼抵,
加埋5個飯和下面嘅小菜,
食咁多嘢都係$484咋!

2010年11月7日 星期日

布吉:湘田源酒家

 
今次返中國布吉,
屋企附近又多咗幾間新嘅舖頭食嘢啦!
我哋揀咗間門面較靚嘅,
叫湘田源酒家,
專食湖南和粵菜呀!
我哋唔食得太辣,
所以點咗D已經話唔辣的,
點知......!
總共盛惠174人民幣!

2010年11月5日 星期五

2010年11月4日 星期四

日式咖哩雞翼!

喜歡日式咖哩唔辣仲甜甜哋,
啱哂大人細路和老人家食;
尤其係小魔怪,
佢會用大湯碗嚟裝飯食,
撈到成碗都係咖哩汁添!



下午茶!

我都唔記得邊日嘅下午茶啦!
有新買嘅香草豬肉腸、魚皮餃和紫菜,
加埋2個幼麵,
同大魔怪一齊食呀!
小魔怪日日放學後留校打籃球好夜返,
所以冇得食呀!


2010年11月2日 星期二

好攰呀~蠔油花雕雞髀!

攰!攰!攰!
呢排學校又有新生入學,
平時乖乖的小朋友,
一見到學校有新小朋友和家長出現,
他們又會開始扭計要搵媽咪呀!
又D仲唔聽話走來走去添!
整個上午我都不停咁郁,冇時停,
做到我好似隻dog dog咁呀!

2010年11月1日 星期一

例牌!

今日我好想飲例牌湯呀!
咩係我嘅例牌湯???
就係呢個合掌瓜紅蘿蔔粟米蜜棗瑤柱排骨湯啦!


沙田麗豪酒店~濠餐廳!

 
昨日係妹妹妹夫新居入伙的大日子,
我哋參觀完新居後,
一行十人浩浩蕩蕩到沙田麗豪酒店食自助餐!