2014年7月28日 星期一

台中,我嚟啦!

 
今日我又撇低老公和大小魔怪,
 
同母親大人、姐姐、姨甥、妹妹、妹夫和祈祈BB一行7人,
 
齊齊跟團去台中玩4日;
 
祈祈BB不知幾開心,
 
噚晚夜夜都唔瞓,
 
拉著個喼通屋走,
 
亢奮到傻咗呀!
 
 

2014年7月27日 星期日

鹽焗雞膇

今日落街買餸,
 
兜咗好耐圈都唔知煮咩好,
 
見有雞膇賣,
 
買咗幾隻焗嚟食算啦!
 
 

2014年7月26日 星期六

元朗CEO K~Lunch

 
講番噚日同舊同事唱K兼食lunch,
 
真係好抵玩,
 
6 人以上訂房,
 
平日一至五可以由早上10點唱到下午3點,
 
仲包一個lunch和1杯飲品添!
 
每人都係$60加一即$66;
 
我哋話下次唔使約食飯,
 
嚟呢度唱K就最啱,
 
有得食又有得唱,
 
最緊要係冷氣夠凍,
 
仲有獨立廁所,
 
咁平靚正嘅地方,
 
邊度搵呀!
 
 

2014年7月25日 星期五

柱候牛筋展炆薯仔

 
今日約咗舊同事唱K兼食lunch,
 
所以一早炆定煲牛展;
 
等返到屋企加埋其他料再炆多陣,
 
好快手又攪掂一餐囉!
 

2014年7月24日 星期四

魚露煎雞扒

 
今朝小魔怪一早起身返學,
 
仲話唔返嚟食飯添!
 
點知中午突然間返嚟問有冇嘢食,
 
好彩我早有準備,
 
好快有得食架啦!
 
哈哈,

呢排日日都用個玫瑰鍋煎pan煎嘢,
 
今次又用佢嚟煎雞扒,
 
太好用啦! 



2014年7月23日 星期三

菠菜素餃子

 
自大魔怪為環保而轉素食後,

我哋一家都開始多菜少肉,

間中我仲會包素餃子當主食,

今日包咗菠菜素餃子,

配埋個蕃茄薯仔湯底,

食到大魔怪話好飽呀!
 
 

2014年7月22日 星期二

2014年7月21日 星期一

XO醬豉油皇炒腸粉

 
噚日攞到手嘅新玩具(韓國玫瑰鍋Chef~Topf),
 
今日緊係要即刻試用啦!
 
整咩???
 
就係超簡單但勁好味嘅XO醬豉油皇炒腸粉啦!
 
一滴油都冇落,
 
唔黐底,
 
易清洗,
 
好用呀!
 
 
 
 

2014年7月20日 星期日

我的新玩具~韓國玫瑰鍋 chef~topf


工欲善其事,

必先利其器!

我的新玩具到手了,

有排玩啦!



 



大家可以入嚟Facebook讚下我新開嘅Fans專頁呀! 


雀后(添飯)Facebook Fan Page


2014年7月19日 星期六

茶葉蛋


兒時回憶之一~茶葉蛋;
平時大小魔怪已經好鐘意烚雞蛋食,
今次整茶葉蛋喎!
簡直係佢哋至愛啦!
本來我想浸耐D架,
不過佢哋係咁問食得未,
呢個蛋浸得一個鐘頭咋,
好彩D花紋都仲好出,
下次真係唔好太心急食呀!

2014年7月18日 星期五

元朗屏山九缽

 
我都話近排食神駕到架啦!
 
今日又約埋朋友仔去屏山食九缽。
 
而且啱啱今日又係朋友仔生日,
 
齊齊切蛋糕慶祝呀!
 
今次我哋去咗屏山傳統盆菜食~九缽,
 
12人份量嘅嘢得我哋8個人食,
 
估下食唔食得哂???
 
呢度$1550一圍呀!

地址: 元朗屏山塘坊村36號(輕鐵坑尾村站落車),

電話:26178000
 
 

2014年7月17日 星期四

香煎素腐皮卷

 
見好耐冇整腐皮卷,
 
咪買哂D材料返屋企整嚟食囉!
 
點知原來下午會停水,
 
於是拿拿臨一朝早切切切,
 
煮定個餡先得!
 
一次過包咗16條,
 
仲有一大碗餡剩呀!
 


2014年7月16日 星期三

公平棧~有機茉莉花茶果凍

 
多謝公平棧送上最新嘅推出有機伯爵茶和有機茉莉花茶俾我試飲!
 
凍茶我平時都會買嚟飲,
 
多數選擇飲烏龍茶;
 
今次試咗呢兩款凍茶後,
 
感覺好特別好清新,
 
除健康無糖外,

飲後口腔有著啖啖茶香,
 
名副其實齒頰留香啊!
 
呢款凍茶唔單只可以飲, 

仲可以用嚟整果凍添架! 

 以上有機伯爵茶和有機茉莉花茶,

現於AMC及百老匯影院全港共24個地點,

零售價$22~$26。
 

2014年7月15日 星期二

2014年7月14日 星期一

城景閣City Cafe自助午餐

 
呢排食神來臨呀!
 
今日約咗朋友仔一齊去食自助午餐,
 
雖然呢度食物款式唔多,
 
不過款款食物味道都唔錯,
 
尤其D甜品都唔錯架。
 
平日成人$228/長者$208/小童$168,
 
用匯豐咭埋單有9折呀!
 
地點油麻地窩打老道23號城景國際1樓,
 
電話: 2783 3287
 
 
 

2014年7月13日 星期日

蘑菇燴豆腐

懶洋洋的星期日,
 
晨早已經有30度,
 
真係唔係咁想出街呀!
 
聽講係下星期好似打風,
 
係時候要入定D貨防風囉!
 

2014年7月12日 星期六

不醉無歸~醉雞翼&火雞腎

 
今日又嚟涼拌啦!
 
整咗一大盒醉雞翼&火雞腎,
 
諗住留番今日睇世界盃時食;
 
不過呢個係小魔怪至愛,
 
俾佢睇到一定連骨都冇得剩啦!

驚C唔醉,

加多大半碗花雕酒落去浸呀!


 

2014年7月11日 星期五

涼拌手撕茄子

 
夏天,
 
真係熱到唔想入廚房煮餸架!
 
所以整涼拌餸菜至啱我;
 
今次整咗涼拌茄子,
 
大小魔怪至愛之一!
 


2014年7月10日 星期四

營養豐富~三文魚頭蕃茄豆腐湯

 
今日見三文魚頭平,
 
買咗個嚟滾啖湯飲,
 
加咗蕃茄豆腐和甘筍,
 
啖湯真係好甜呀!
 

2014年7月9日 星期三

咖哩魚蛋

 
小魔怪好鐘意食咖哩魚蛋,
 
有時同佢出街食下午茶,
 
佢都會叫碟咖哩魚蛋豬皮嚟食,
 
今日買咗2磅魚蛋整俾佢食,
 
夠皮未呀???
 
 
 

2014年7月8日 星期二

薯仔煎餅

 
前兩日我出咗門冇煮飯,
 
係屋企嘅大魔怪冇啖好食,
 
因工人姐姐唔係咁識整素菜,
 
所以好多時佢都係食煎蛋麵醫肚;
 
我返咗嚟,
 
煮多少少嘢俾佢食啦!

今次又係用呢包印尼炸粉,

不過唔係整栗米餅

係整薯仔餅呀!
 
 
 

2014年7月7日 星期一

夏日惠州遊~第二日 &手信

 
講到手信呢???
 
初頭真係買咗好少嘢,
 
老公買咗好多荔枝和黃皮,
 
桂味荔枝5蚊斤,
 
黃皮貴少少,
 
呢度好似15蚊,
 
兩扎菜乾13蚊人仔,
 
蒜香花生10蚊人仔。
 

2014年7月6日 星期日

夏日惠州遊~第一日

 
噚日我同老公返惠州,
 
約埋早一日返去嘅姑奶、姑奶的朋友和堂妹,
 
第一件事就係搵食喇!
 
搵食嘅嘢,
 
叫我帶路???
 
我真係唔掂,
 
我剩係識食架咋!
 
食嘢,
 
緊係要搵姑奶朋友啦!
 
唔好講笑,
 
隻大奄雞真係超滑,
 
連塊雞皮都好食過人呀!
 
 

2014年7月5日 星期六

大圍小肥牛

星期四晚,

10位靚女齊齊去打邊爐,

地點係大圍小肥牛;

食完仲意猶未盡,

走咗去對面嘅殿堂級食甜品呀!

打邊爐食咗$1900,

甜品食咗$357呀!


2014年7月4日 星期五

食清D~炒素伊麵&菜乾咸鴨腎豬展粥

 
呢幾日,
 
日日食唔停,
 
係時候要食清少少啦!
 
所以今日下午煲粥和炒素伊麵,
 
簡簡單單又一餐呀!
 
 

2014年7月3日 星期四

麵醬炆白豆

 
白豆除咗可以椒鹽外,
 
仲可以用嚟炆排骨;
 
今次我唔炆排骨,
 
係炆豆腐干,
 
一樣咁好食呀!
 

2014年7月2日 星期三

外食~天水圍福田日式料理

 
呢排荔枝平靚正,
 
前前後後老公和我買咗7磅荔枝返屋企,
 
但係一粒荔枝3把火,
 
食到我喉嚨痛呀!
 
本來想留番係屋企休息休息,
 
點知小魔怪話想食放題喎!
 
見屋苑商場開咗間新日本餐廳,
 
近近哋咪走去試下囉!
 
我哋食激安時段下午5:30~7:15,
 
連加一每人$130,
 
超抵食呀!
 
D三文魚大件到呢,
 
小魔怪話好似食咗成條生魚落口咁呀!
 
我發覺我嘅食力真係麻麻,
 
呢度大部份係小魔怪食架!

地址:天水圍新北江商場1樓B12-14號,

電話: 21046998(12:00~23:00)
 
 

2014年7月1日 星期二

七一晚餐

 
今日七一假期,
 
我哋約埋母親大人、妹妹一家去姐姐家耍樂;
 
又係姐夫大顯身手,
 
煮咗海鮮餐俾我哋食,
 
呢餐有魚蝦蟹蜆,
 
仲有母親大人炆嘅牛腩,
 
我負責整涼拌支竹雲耳呀!
 
湯就係合掌瓜煲豬展呀!