荷香糯米臘腸蒸腩排

上次炒糯米飯時用剩咗1杯多少少糯米，

今日就用佢嚟整糯米排骨，

見雪櫃仲有一條臘腸，

切片加埋落去呀!

買埋塊荷葉($3)返嚟包住D糯米臘腸排骨一齊蒸，

呢個可以做飯又可以做餸，

一舉兩得，

正呀!

朱家例湯~青紅蘿蔔粟米螺頭豬腱湯

 

今日又煲例湯，

青紅蘿蔔粟米螺頭豬腱湯＋瑤柱南北杏蜜棗，

材料勁多，

煲出嚟啖湯好鮮甜啊!

咖哩金菇粉絲肥牛煲

每次整親呢個肥牛煲，

我都會先將肥牛過一過熱水，

因為我唔係咁鐘意聞血水嘅羶腥味，

所以打邊爐時，

每次肥牛都係最後先食，

唔想個湯底變得渾濁呀!

台式滷肉飯(雞蛋&豆腐乾)

 

今日買咗2條急凍腩肉嚟煮台式滷肉飯，

加埋雞蛋和豆腐乾一齊鹵嚟食；

咪睇D腩肉好肥，

但食起嚟D肥肉入口即溶，

一D都唔覺肥膩呀!

嘩，

唔講得笑，

真係好好食架!

麵包製作精選實習高班~第七堂

第七堂學搓芝麻芝士包和大豆包，

今次造形好特別，

有玫瑰花形和近期大熱的蝴蝶造形，

唔食得都睇得呀!

豉汁蒸黃立鯧

第一次係佳寶買急凍黃立鯧魚，

細細條買$16，

買咗2條用豉汁蒸嚟食，

食落肉質都唔錯喎，

應該會有下次呀!

登高，飲飲食食~朱兆記

今日農曆九月初九是重陽，

宜上山拜祭先人；

我哋11點左右返到元朗舊屋後山，

遠望前面山頭有山火，

直升機不停來回救火，

所以話上山掃墓真係要好小心火種呀!

必須要等火種熄滅先可以離開啊!

烚下烚下~支竹馬蹄羊腩煲

見到凍肉舖有急凍羊肉賣，

買咗2磅半返屋企炆嚟食，

本來諗住夜晚先食，

但小魔怪要出街，

所以改咗中午就烚下烚下囉!

姐姐好耐之前幫我淘咗呢個新玩具~小熊多功能電烤爐，

打邊爐和燒烤兩用都得架!

XO醬菜花炒鳳尾蝦

又到清雪櫃醬料嘅時候喇!

今次清XO醬呀!

買咗半磅鳳尾蝦，

加埋福花菜一齊炒，

香香辣辣，

好惹味架!

豉汁鳳爪排骨

小魔怪、老公和我都鐘意食鳳爪，

所以耐唔耐就會買鳳爪返嚟煮架啦!

今次豉汁鳳爪排骨，

買嘅又係冰鮮腩排，

帶有少少肥肉，

咬落爽口好多呀!

生炒牛肉飯

逢星期二晚上我要返學(學搓麵包)，

所以都會準備定晚餐俾老公食呀!

今次就炒咗呢鑊生炒牛肉飯俾佢，

簡簡單單，

冇得say no呀!

咸魚雞粒燴豆腐

之前買咗盒蒸煮豆腐煮咗豆腐滑蛋蒸蝦仁，

今日就用另一盒煎釀豆腐嚟煮呢碟咸魚雞粒燴豆腐喇!

(買兩盒豆腐有特價呀!)

老公話呢個餸好送飯，

要添飯喎!

紅燒豬手

今日呢個餸係加強骨膠原系列~紅燒豬手。

之前小魔怪話想食豬手，

襯今日星期六佢唔使返工，

拿拿臨買定材料嚟整啦喂!

   

豆腐滑蛋蒸蝦仁

前排姐姐幫我係一田買咗呢包虎蝦仁，

好大隻又厚肉，

今日就攞咗幾隻嚟蒸豆腐，

打多2隻蛋落去一齊蒸；

嘩，

唔好講笑，

呢個餸超好食，

豆腐蒸蛋夠哂滑，

加埋爽口彈牙嘅虎蝦仁，

簡直絕配呀!

真係要添多幾碗飯都得囉!

麵包製作精選實習高班~第六堂

第六堂學搓多穀種麵包&多穀種營養包，

今次呢兩款麵包真係好健康，

但加片鮮牛油夾埋一齊食嘅話，

哈哈，

即刻同健康嘅距離又行遠咗了。

Show me your love~粟米肉粒飯

 

又到一個人晚餐系列啦!

一個人食咩好???

又唔想落街買嘢食，

咁就睇下雪櫃有咩材料就煮咩喇!

Show me your love~粟米肉粒飯，

用咗盒裝栗米粒、雞扒和雞蛋煮咗個汁，

然後淋落蒸熱咗嘅冷飯上，

咁又一餐囉!

我係咪好慳家呢!

揚州炒飯

之前買咗半斤叉燒，

專登留起部份叉燒嚟炒飯；

加埋蝦仁、雞蛋和菜芯粒，

簡簡單單炒咗一大鍋揚州炒飯。

生炒臘味糯米飯

 

今次呢個颱風"浪卡"暫時冇風又冇雨，

噚晚掛1號風球，

今日中午掛3號風球，

聽天文台話明早會掛8號風球添。

所以明早一定要開電視睇天氣報告，

先好返工返學呀!

不過咁，

依家都習慣咗在家工作和上堂，

應該都唔會有好大影響的。

今朝突然想食糯米飯，

即刻買材料炒飯啦喂!

XO醬腰果雜錦炒雞丁

噚日挑起條筋，

開油鑊炸咗1斤腰果，

襯新鮮滾熱辣，

今日就用佢嚟煮咗呢碟餸~XO醬腰果雜錦炒雞丁。

一個人的午餐~拉麵說:广式豬肚雞風味拉麵

今日又係得我一個人食午餐，

乘機試下係天貓超市買嘅拉麵說:广式豬肚雞風味拉麵，

跟住包裝盒上指示煮拉麵，

再加熱水落濃縮湯度攪勻，

將灼好嘅拉麵放入碗內，

加入豬肚雞料，

灑上蔥花和芝麻，

開餐囉!

日式氣炸雞件

前兩日摷到包日式炸雞粉，

唔理咁多即刻攞2塊雞扒出嚟解凍，

整日式炸雞食啦喂!

今次用氣炸鍋嚟氣炸，

雖然冇油炸咁脆口，

但勝在食得健康呀!

羅宋湯

噚日返學整麵包，

整嘅係超級健康多穀營養包；

健康麵包緊係要配埋羅宋湯一齊食啦!

今朝拿拿臨買材料煲羅宋湯，

落咗好多材料，

滿滿一大鍋，

可以飲多幾碗呀!

麵包製作精選實習高班~第五堂

第五堂學搓德國黑麥包&德國健康包，

亞sir加咗火腿絲俾我哋包入德國健康包裡面，

哈哈，

即刻變咗唔健康包，

不過我鐘意喎!

讚!

一個人的午餐~蔥花雞蛋煎餃

一個人的午餐~蔥花雞蛋煎餃。

今朝早黃雨兼紅雨，

我都冇落街買餸，

橫掂都係得我一個人食午餐，

摷下冰箱睇下有咩好食先得；

急凍餃子和雞蛋，

加少許蔥花和黑芝麻，

再淋少少香醋落去就食得，

嘥番唔使洗碟，

啱哂我呢個懶人呀!

滷水拼盆(豬肚、雞翼、腸仔)

上星期飲茶時，

老公食咗碟豬肚燒賣，

佢話好耐冇食過豬肚；

哈哈，

講到咁想食，

今日就滷咗個豬肚俾佢食啦!

剩係食豬肚好似冇咩嘢好夾，

見雪櫃有雞翼和腸仔，

一於加埋落去一齊滷啦!

中秋國慶兼姨甥仔生日

噚日10月1日係中秋節和國慶日，

又係姨甥仔開生日會嘅大日子，

姨甥今年已經22歲大四了。

平時中秋節，

姐姐鐘意在家門外BBQ慶祝，

但今年有限聚令，

所以改在家中開大食會呀!