唔想再食了無新意的家常菜？唔知外面的餐廳有無用地溝油？ 覺得下廚好難、好麻煩？定係，根本無時間下廚？ 無論如何，自己親手烹調的最健康、最美味同安全﹗ 幸福可以好簡單，為自己的家人洗手作羹湯， 雖然平凡，卻絕對是人間美味。 平凡的食材、用簡單步驟，就能令你同家人一齊感受舌尖上的幸福﹗ 雀后，自問只是一名平凡的家庭主婦，然而她每天都會用心經營，為家人送上最暖的心意，煮出一道道幸福美味。自從大小魔怪出生後，雀后從不假手於人，一家大小的飲食都是她一手包辦，由買餸醃肉到落手落腳煮，都親力親為，務求家人食得健康，食得開心﹗
之前買咗半斤叉燒，
專登留起部份叉燒嚟炒飯；
加埋蝦仁、雞蛋和菜芯粒，
簡簡單單炒咗一大鍋揚州炒飯。
材料: 冷飯約4碗、急凍蝦仁200g、叉燒適量、雞蛋2隻、菜芯6條
醃料: 鹽半茶匙、胡椒粉少許、麻油少許
做法: 急凍蝦仁解凍後用廚紙索乾水份，落醃料醃15分鐘；
雞蛋發好備用；叉燒切粒；菜芯切粒；
燒熱油鑊落蝦仁，煎至蝦仁轉色或熟後，加入叉燒粒和菜芯爆香後盛起；
原鑊落少許油倒入蛋液快手炒散，落冷飯炒勻後，
盡量將冷飯炒至鬆散後，加鹽和適量豉油調味後，
最後落埋蝦仁、叉燒和菜粒炒勻便成。
好味
我最鐘意炒飯食，因為一鑊過有飯有餸，唔使煩呀!
點解唔自己燒叉燒
因為我買咗燒味套餐，有半隻燒鴨和半斤叉燒，所以咪可以留起部份叉燒炒飯囉!
如果大家覺得我煮嘅餸菜啱哂口味嘅話，不妨留個言，鼓勵下我啦!
好味
回覆刪除我最鐘意炒飯食，因為一鑊過有飯有餸，唔使煩呀!
刪除點解唔自己燒叉燒
回覆刪除因為我買咗燒味套餐，有半隻燒鴨和半斤叉燒，所以咪可以留起部份叉燒炒飯囉!
刪除