生炒臘味糯米飯

 

今次呢個颱風"浪卡"暫時冇風又冇雨，

噚晚掛1號風球，

今日中午掛3號風球，

聽天文台話明早會掛8號風球添。

所以明早一定要開電視睇天氣報告，

先好返工返學呀!

不過咁，

依家都習慣咗在家工作和上堂，

應該都唔會有好大影響的。

今朝突然想食糯米飯，

即刻買材料炒飯啦喂!

材料: 糯米3杯、臘腸2條、冬菇10隻、蝦米4湯匙、

雞蛋2隻、清雞湯1小盒250ml、蔥粒

調味: 老抽1.5湯匙、豉油1湯匙

做法: 糯米洗淨後用熱水浸水2小時(用碟蓋好)；

蒸熟臘腸和冬菇切粒備用；雞蛋落少許鹽發勻，煎成蛋皮後切絲；

用中火燒熱易潔鑊不需落油，爆香臘腸、冬菇和蝦米後盛起；

隔去浸糯米水後，用炒過臘味嘅易潔鑊炒糯米，(全程用中火)

盡量將糯米平舖在鑊內(讓糯米平均受熱)，不斷炒至糯米乾身，

分3~4次逐少加入雞湯，加湯後蓋上鑊蓋煮糯米1分鐘左右，

重覆落湯和炒糯米至熟，如糯米未熟透，可加入浸蝦米水繼續炒至糯米熟；

加入臘味粒和落調味炒勻，最後灑上蔥粒和雞蛋絲便成。

~記得留番少許臘味粒，舖係糯米飯面做裝飾呀!

  

  

大家可以入嚟Facebook讚下我新開嘅Fans專頁呀! 

雀后(添飯)Facebook Fan Page