2009年8月31日 星期一

五香鹵水豬腳!

 
昨日與母親大人到酒樓吃晚飯,
 
妹妹特別介紹吃鹵水豬腳仔,
 
非常好味道。
 
豬腳仔細細隻外,
 
而且有鹵水、炸蒜香和麻油味,味道濃郁。
 
但原來市面冇細細隻豬腳仔買o架!
 
唯有到街市買D中型豬腳2隻,
 
先用薑蔥酒出水,
 
利用李錦記五香鹵水汁半支、薑數片和老抽少許上色鹵2小時。
 
 

2009年8月30日 星期日

粟米餅!

 
前幾日睇見blog友JoJo個印印工人整嘅粟米餅
 
咁我就即刻問問我個工人姐姐識唔識整,
 
點知佢話唔記得,
 
真失望!
 
唯有叫佢問問D朋友有冇人識整啦!
 
今日返到屋企,
 
工人姐姐話朋友已經教佢整啦!
 
等我又試吓印尼粟米餅好唔好食先得。
    
 

2009年8月29日 星期六

好耐冇煲湯啦!

 
下午放工時天黑黑似的,
 
我匆匆到佳寶和百佳買了所需的餸菜,
 
立刻回家去也。
 
一踏入屋門,
 
嘩!看見窗外正下著大雨,
 
又行雷,又閃電,
 
好彩,好彩! 
 
哈哈!話時話,
 
我都好似好耐冇煲過湯啦!
 
今日終於煲番啖湯飲吓。

2009年8月28日 星期五

2009年8月27日 星期四

蠔油蔥花雞髀!

 
今日午飯時,
 
因為我要接見即將入學的學生,
 
匆匆的飲了一碗湯便離開,
 
再次回到飯枱時,
 
又冇哂胃口食嘢,
 
唯有放工後吃下午茶。
 
明知道大小魔怪唔肯出街陪我食嘢,
 
便外買2碗車仔麵大家一齊食! 
 
大小魔怪在3點左右吃過車仔麵後,
 
竟然6點幾又大叫好肚餓。
 
吓!我碗車仔麵都未落格喎! 
 
又要開始煮我的晚餐,
 
今日真係好簡單,

2009年8月26日 星期三

豆腐魚肉煎餅!

 
今日下午4時左右,
 
幼兒園的冷氣開始有雜聲,
 
但維修冷氣的師傅未能即時到來,
 
明天幼兒園可能會冇冷氣,
 
我啱啱先好番少少,
 
唔想再病呀! 
 
今日我又要教圖畫手工班,
 
於是吩咐工人姐姐買餸,
 
等我返到屋企先煮餸。

 

2009年8月23日 星期日

醉豬手!

 
呢兩日香港嘅氣溫起碼超過32度以上呀!
 
每次出完街返屋企我都會成身汁哂!
 
太熱啦!
 
而每日煮完晚飯後,
 
我都好似入咗火爐行返出嚟一樣,
 
成身熱辣辣,
 
D汗仲流極都流唔完咁,
 
開咗冷氣都冇用,
 
點算呀???
 
唯有唔整咁多熱嘢食,
 
整涼菜!
 
上網睇過參考資料後,
 
便整咗呢個醉豬手。
 

牛根腩撈麵!

 
經blog友提醒,
 
昨日煮嘅牛根腩似足車仔麵餸,
 
睇睇雪櫃又有食剩咗嘅牛根腩,
 
咁就整咗我今日的午餐啦!
 
 

2009年8月21日 星期五

甜酸咕嚕豬扒!

 
又到咗星期五,
 
明天星期六唔使返工,
 
又可以休息2日啦!
 
另外,大魔怪終於肯去剪頭髮而唔打機(一陣啦),
 
點解佢有咁大轉變???
 
緊係啦!佢上星期六返童軍時,
 
隊長話佢頭髮太長一定要剪頭髮,
 
咁咪要係今日之內要剪頭髮囉!
 
剪頭髮之外,
 
我同佢去大快活食咗個豬扒包加燒雞翼餐,
 
佢一個人食哂仲話唔飽喎!死味!
 
開始準備今日的晚餐,
 
好耐冇整咕嚕肉啦!
 
係佳寶買咗D梅頭豬扒,
 
用豉油、老抽、糖、粟粉和麻油醃2小時,
 
然後將已醃的豬扒沾上蛋漿和粟粉,
 
放在滾油炸至金黃色撈起,
 
臨食前再炸一次,咁D豬扒就會脆D啦!
 
用吸油紙吸油後,
 
回鑊炒豬扒、菠蘿和甜酸醬便成。
    
 

2009年8月20日 星期四

冬菇滑雞煲仔飯!

 
昨日,
 
我炒果個花甲真係炒得好好味道。(自大!)
 
大小魔怪食得很滿意!
 
順便問問佢哋今日想食咩???
 
佢哋話要食煲仔飯喎!
 
我整煲仔飯唔係時時咁好食,
 
有時都會煮生米o架!
 
於是又要急急上網補課啦!
 
綜合各位blog友的做法加自己的經驗,
 
終於完成啦!
 
 

2009年8月19日 星期三

蒜頭豆豉炒花甲

 
今日又要留校教興趣班,
去街市買完餸後,返到屋企差不多6:45分,
大小魔怪已經嘈生哂話好肚餓,
即刻開工煮餸。
     

2009年8月18日 星期二

童年回憶~食西餐!

 
今日工人姐姐又放假,
 
食咩好呢???
 
諗咗好耐,冇頭緒添!
 
突然有些記憶喚醒了。
 
記得細細個時,
 
每當父親大人出糧時,
 
他會帶我們一家人出街食飯,
 
有時上館子吃霸王雞,
 
有時去食西餐,
 
間中還帶我們去食雪糕,
 
我們3姐妹每次都食得很高興,
 
每個月大家好期待父親大人快點出糧呢!
 
記得有次去食西餐,
 
母親大人叫了一份乳鴒餐,
 
當母親大人想用刀切時,
 
隻乳鴒即時飛走,
 
非常好笑啊!
 
但不是常常有西餐食,
 
母親大人於是自己煮西餐給我們吃,
 
腸仔、火腿和煎蛋加豉油飯,
 
我們都食得津津有味。
 
今日決定自己煮西餐,

 

2009年8月17日 星期一

蒜頭豆豉南瓜炆排骨!

 
今日我準備的餸菜有少少唔貼題,
因為唔係大小魔怪愛吃的食物~南瓜!
佢哋對南瓜冇咩好感,
可以話非常抗拒,
但我、老公和奶奶都鐘意食南瓜,
有時都要煮D啱自己口味嘅嘢食o架!
雖然佢哋唔食南瓜,
但我用咗排骨來炆南瓜,
希望佢哋會食少少啦!
     

2009年8月14日 星期五

利川咖哩!

 
平時,我會煮日本咖哩俾屋企人食,
因為奶奶怕辣,日本咖哩啱哂佢食;
而且大魔怪又唔太鐘意食咖哩喎!
不過間中都要就吓我嘅口味,
而我則比較鐘意食利川咖哩(罐頭裝),
     

2009年8月11日 星期二

咸豬手兩食!

 
我成日都好想整德國咸豬手,
 
可惜屋企仲未買焗爐,
 
點算好???
 
今日終於忍唔住買咗一隻咸豬手返屋企,
 
我買嘅豬手size較細小,
 
大約1隻$35左右啦!
 
整咗1個湯和1個餸。
 
兩食的做法都頗簡單:
 
首先豬手解凍後出水10分鐘,
 
然後再嚟煲湯2小時!
 
(包裝袋有食法和煲湯用料等建議)
  
 

2009年8月10日 星期一

蒜香麻油頭抽手撕雞!

 
大魔怪成日都叫我整手撕雞,
但依家好少見有新鮮雞賣,
有都好但價錢好貴,
(不乎合我慳家嘅經濟原則)
兩難之下唯有用冰鮮雞啦!
  

2009年8月9日 星期日

我的肉燥午餐!

 
昨日煮了一大鍋肉燥
用來煮餸、送飯和撈都最好味道!
我的肉燥午餐~肉燥鮑魚麵!
     

2009年8月8日 星期六

第一次煮鯖魚、魚露雞翼和台灣肉燥!

小魔怪成日話要食燒嘅魚,
佢話好似睇日劇和韓劇時整果D喎!
考起我啦!亞仔!
我都好少出街食飯同蒲o架!
又未食過鯖魚,
都唔知點整???
又唔知腥唔腥喎???
在咩都唔知和唔識下,
在佳寶買咗1包鯖魚扒,
用咗少少鹽、胡椒粉和紹酒醃一醃,
然後用平底鑊煎煎,
最後加少少檸檬汁和自製甜醬油。


For A Wonderful Teacher!

 
開學之後,
我要照顧新入學的2歲小朋友,
所以上午大部份時間都特別忙碌。
第一週,
我們會讓家長陪伴小朋友返學1小時,
第二週,
盡量讓家長離開15-30分鐘,
好讓小朋友能跟隨老師進行活動和遊戲。
第三週,
希望小朋友能完全適應幼兒園的日程和活動。
小朋友來到新的地方和接觸陌生人時,
總會有點不習慣,
間中還會哭喊起來,
為了安慰和讓小朋友心情快點平伏,
老師們(包括我)都會抱著他們,
與他們建立互信和安全感。
每年在這個日子裡,
我的手和腰都會舊病復發,
起碼會痛足1個星期以上,
昨日和今日病症開始出現了。
雖然痛在身,
但有時都會感到暖在心的地方。
前兩日,
收到上年教過的學生送來一張咭,
今年他原校升上K.1(3歲班),
看後,
痛楚已經減半了。

 
 
 

  
  
大家可以入嚟Facebook讚下我新開嘅Fans專頁呀! 
 
 

 

 

2009年8月2日 星期日

炎熱的午餐!

熱!熱!熱!
响街市買完餸返屋企,
成個身已經濕哂!
一早起身已經有29度,
現在更有32度以上,
好熱呀!
大小魔怪6月中開始放暑假,
由朝到晚開電腦2部和嘆冷氣,
唔知道今期電費有冇超越上年呢?
天氣咁熱,
我通常會煮粉麵食,
方便又唔需要預備太多食材。
     


2009年8月1日 星期六

與大魔怪探望母親大人!


今日下午放工後,
相約大魔怪出沙田探望母親大人。
數數日子,大魔怪有2個月冇探望過婆婆,
大魔怪自出世21日開始由婆婆和公公照顧,
而小魔怪就由工人姐姐在家中照顧。
所以婆婆和公公對大魔怪有著濃厚的感情。
可以說是對他特別偏心呀!
探母親大人的同時,
又要與她搓搓麻雀,
輸贏並不重要,
最重要是消磨時間。
晚上到飯店吃飯。

回到家裡差不多晚上11:30,非常疲倦。
正想準備洗澡時,
大魔怪突然發覺睡房有聲響,
原來有隻黑蜂在房裡飛來飛去,
救命呀!
今日老公又返咗大陸,
點算呀???
唯有頂硬上自己拿著殺蟲劑到房裡狂噴,
終於給我消滅了黑蜂,
不過大魔怪仍有點怕,
不肯回房裡睡!

  
  
大家可以入嚟Facebook讚下我新開嘅Fans專頁呀!