2010年1月31日 星期日

自製蘿蔔糕!

 
近呢5年嚟,
 
每逢農曆新年前,
 
我都會自己整D賀節食品,
 
因為街買嘅糕糕越來越貴兼唔好食;
 
雖然我未必次次整得靚和好味道,
 
不過自己就好享受整嘅過程啊!
 
嘻嘻!我成年都冇整過,
 
今日就借機會試一次,
 
年27或28再做過。
 
母親大人教落5斤蘿蔔一包粉嘅份量最啱,
 
我年年都係跟呢個口訣o架!
 
蒸完一盆即刻出街搵母親大人試試味兼打牌呀!

 

2010年1月30日 星期六

等放假啦!

 
今日我嘅工作非常順利。
 
D家長個個都好準時出席,
 
而且又有D家長改咗期,
 
12點前已經見哂全部家長!
 
成個人都輕鬆哂,
 
真係有等放假(農曆年假)嘅心情啊!
 
一朝早起身,
 
睇到Jo姐焗雞Blog,
 
我個心又癢起來了,
 
好!今晚就焗雞啦!
 

2010年1月27日 星期三

鮑汁海螺片燴生菜!

 
本來應該好忙(星期六家長會),
 
因為校長仍未批改完學生報告,
 
所有要做的事都要hold住,
 
唔郁得呀!
 
現在心情還算輕鬆,
 
星期四五就唔知點算啦!
 
 

2010年1月26日 星期二

焗照燒雞翼!

 
自上星期六去妹妹生日會,
 
食過妹夫用李錦記照燒汁焗雞翼後,
 
好好食呀!
 

2010年1月25日 星期一

黑椒洋蔥豬頸肉!

 
呢個星期又係超忙的日子,
 
因為1月30日星期六是學校派成績表的大日子。
 
身為老師的我,
 
開始為學生的評估報告而忙碌,
 
雖然月初已經交到校長裡批改,
 
到了今天才收到批改後的評估報告,
 
需要修改、再審批和編印等複雜程序,
 
我們老師起碼要忙足一星期呢!
 

2010年1月24日 星期日

小食!

 
食完午餐冇耐,
 
大小魔怪又話肚餓呀!
 
佢哋星期六日都唔使返學,
 
雪櫃有咩都食清啦!
 
得番D蟹柳,
 
於是攞埋最後塊半酥皮出嚟整小食。
 
剩番少少酥皮,
 
 
加蜜糖係面就咁焗。
 
酥皮又沽清啦!
 
 

咁又一餐啦!

 
星期日,懶懶哋,
 
唔想煮太多嘢,
 
唯有將D冷飯煲粥,
 
炒個麵和煎餃子食。

 

2010年1月21日 星期四

咕嚕肉!

 
好耐冇整甜甜酸酸嘅餸菜,
 
見屋企有罐菠蘿未食,
 
心思思整咗呢個惹味嘅餸啦!
 

2010年1月19日 星期二

下午茶~酥皮腸仔卷!

 
放工返到屋企,
 
見到老公同小魔怪溫緊science,
 
不停咁串D我都唔識嘅生字,
 
想當年我揀讀文科,
 
就係唔想讀和串D我冇興趣嘅嘢。
 
唔通有遺傳,
 
依家連大小魔怪都唔鐘意讀理科呀!
 
老公成日話D仔冇個似佢咁叻喎!
 
依家佢教仔讀書越來越大聲添!
 
我唯有整番D下午茶,
 
等佢哋緩和吓情緒啦!

 

2010年1月18日 星期一

好想繼續食呀!

昨日整嘅咖喱洋蔥豬肉酥,
仲剩番大半碟餡料,
於是係百佳買咗春卷皮整春卷,
老公一返屋企就話街買o架!
唔信係我自己包喎!
老公竟然話對我另眼相看,
喂!呢個我中一都已經識包啦!
傻佬!
       

2010年1月17日 星期日

咖喱洋蔥豬肉酥!

 
朝早6點幾已經起床啦!
 
因為大魔怪今日同同學和老師去行山,
 
睇吓佢準備好D物品未;
 
唔睇都唔知道佢大頭蝦,
 
冇帶傘外同埋仲著埋件羊毛底底添!
 
亞仔行山會出汁o架!
 
著住羊毛底底好辛苦呀!
 
熱死人咩! 
 
今日响屋企都冇咩做,
 
咪想整吓嘢食囉!
 
呢排睇見blog友們成日整蛋糕、曲奇和蛋撻,
 
樣樣自己都好想試啊!
 
可惜我對做蛋糕、曲奇和蛋撻等,
 
仍然冇咩信心,
 
驚整得唔好食,
 
費事變咗一堆垃圾啦!
 
唯有整D簡單而又唔會浪費嘅嘢食啦!
 
 

2010年1月16日 星期六

Fusion!

 
今日晚餐中西合壁fusiont菜呀!
 
西嘅就係整咗呢個芝士白汁豬扒焗意粉。
 
呢個份量,
 
 
焗咗2大碟呀!
 
 
 

2010年1月14日 星期四

薑蔥蒜手撕雞!

 
今日係大魔怪考試最後一日,
 
佢由放完假1月4日開始考到今日1月14日;
 
至於小魔怪就仲考梗試呀!
 
而且仲有一個星期先考完,
 
哈哈!係呢個考試期間,
 
我做咗常娥,
 
日日都"鵝"住佢哋要溫書。
 
唉!我都知係香港讀書辛苦,
 
依家教育制度係咁都冇計,
 
唯有整番D好嘢食俾佢哋啦!
 
呵番吓!
 

2010年1月10日 星期日

烚吓烚吓~枝竹馬蹄羊腩煲

 
襯天氣凍凍哋,
 
我買咗5磅羊腩,
 
都係$110咋!
 
即每磅$22,
 
又平又抵食。
 
我星期五已經炆定個羊腩啦!
 
等到今日同埋母親大人和姐姐一家,
 
齊齊滾滾吓啦!
 
嘩!D羊腩好入味和淋添!

2010年1月8日 星期五

柱候蘿蔔炆排骨!

 
依家D商人都幾識搵錢,
 
買菜時,
 
好多時買2斤菜會平好多o架!
 
如前日買白蘿蔔1斤$3,
 
2斤就$4,
 
平咁多梗係買多條蘿蔔啦!
 
前日整咗白蘿蔔魚肉煲
 
今日就用嚟炆啦!

 

2010年1月6日 星期三

芝士香草蘑菇焗火腿肉醬意粉!

 
忍咗1日唔開焗爐焗嘢食,
 
嘻嘻!今日又嚟玩過啦!
 
襯老公有事做唔返嚟食晚飯,
 
咁就簡簡單單焗2個意粉啦!




 
 
芝士香草蘑菇焗火腿肉醬意粉

 
今次用咗呢款醬醬
 

 
 
  
大家可以入嚟Facebook讚下我新開嘅Fans專頁呀! 

 


 

2010年1月5日 星期二

簡易健康菜!

 
聖誕過後,
 
又係我要減肥嘅時候啦!
 
今日就煮咗幾味簡易菜式,
 
最重要係多菜少肉呀!
 


 

2010年1月1日 星期五

中國之旅~盤龍峽第二天(2)

 
午飯後,
我們到另一個景點~金林水鄉。
有時拍照與實際現場環境有好大分別啊!
這裡其實是一條村,
旁邊是一個果園,
有遊人入內任摘任食出名~貢柑。
我們圍繞村裡行了一個圈,
沿途有村民擺賣當地特產。