2011年1月31日 星期一

元朗~正記菜館!

 
返埋聽日就放假啦!
今晚同校長和同事一齊食飯,
去咗同事嘅弟弟做嘢嘅地方食飯。
呢度晚晚好旺o架!
好多人會嚟呢度食晚飯和宵夜,
我哋早到所以可以坐二樓,
冇咁凍呀!
識人係唔同嘅,
D餸份量好大碟,
而且樣樣都嘢食都好好味,
我哋14個人不停咁食,
最後都係食唔哂。

2011年1月30日 星期日

印尼炸蝦片!

 
每逢過年,
老公一定要我炸印尼蝦片,
佢話好好食之外,
用嚟招呼人客都好嘛!
炸印尼蝦片我最拿手,
燒滾油,落蝦片,等佢浮起即用筷子或用鏟壓平蝦片,
撈起用抹手紙索油,
食唔哂用密實袋裝住就得!

又嚟蒸糕~自家製蘿蔔糕!

今朝7點幾,
我帶埋工人姐姐去街市買蘿蔔,
嘩!菜檔已經有幾十人買梗菜,
可能家家戶戶都係今晚團年嘅關係。
今年蘿蔔又係3蚊2斤,
聽同事話元朗有地方賣1蚊1斤呀!
買咗5個大蘿蔔有成10斤幾重,
用咗3個半蘿蔔約6斤,
整咗3個"削"嘅蘿蔔糕,
呵呵呵!我超鐘意食呀!

2011年1月29日 星期六

金滿棧!

 
今日我哋同母親大人提早團年,
經過上次過冬至的經驗,
母親大人話煮得辛苦,
呢次唔煮出街食。
佢搵咗間超抵食嘅舖頭,
價錢合理兼份量大碟,
雖然唔係咩名貴菜式,
不過飽到我哋食唔落,
仲可以打包兩盒餸攞番屋企。
呢間金滿棧係母親大人屋企附近o架!
埋單仲唔使加一添!


2011年1月28日 星期五

燉奶佬!

 
明天是學校家長日,
今晚要留校準備,
放工後與同事一家三口去燉奶佬食飯,
3餸3飯3湯3熱綠茶,
都係$114咋!



2011年1月24日 星期一

愛心馬蹄蒸肉餅!

呢個星期超級忙呀!
因為嚟梗星期六幼稚園要派成績表,
又要開始準備學校下星期二嘅新年party,
真係想偷懶都唔得呀!
今日親手剁咗個馬蹄豬肉餅俾大小魔怪食,
仲好攪鬼咁整咗個心型肉餅,
成個普通蒸肉餅即刻升呢呀!


2011年1月23日 星期日

蠔油三杯雞!

呢兩日返中國,
我同老公都冇食咩好嘢,
因為一來樣樣都貴咗,
二來兩個人都唔知食咩好,
所以我哋揀咗又平又靚又正嘅快餐,
有炖湯有碟頭飯,
都係15蚊人民幣咋!

工具!

 
今次返中國,
最主要係執吓中國間屋,
因為起碼有2個月冇返去,
而且臨近過年,
係時候攪攪衛生呀!
聽講話近排中國間屋樓價升得好勁,
所以順便探聽吓個價錢;
不過我家屋苑附近地鐵近日開通咗部份,
如果開通哂就可以由羅湖搭地鐵直接去到我屋苑,
由地鐵步行到我家唔使10分鐘,
好鬼方便,
依家老公又唔捨得買,
唯有繼續持有住先啦!

未返屋企之前,
我哋又去咗東門廚安居買嘢:
3袋蛋糕紙杯,
每條50個都係5.4人民幣1條;
1條蛋撻紙底600個9.4人民幣;
8個蛋撻模2.6人民幣1個;
6個鵝蛋型蛋糕杯4.2人民幣1個‧

2011年1月21日 星期五

哈哈笑~臘味排骨煲仔飯!


今日老公放半日假,
諗住去辦年貨;
去到超市睇D拜年禮物,
嘩!好貴呀!
真係買唔落手,
而且個個親戚D仔女都大哂,
真係都唔知買咩送俾佢哋好???
今日整咗個哈哈笑煲仔飯,
一開蓋見到個笑樣,
人都開心咗呀!


2011年1月20日 星期四

芝士洋蔥煙肉焗青口!

今日1月20日是農曆大寒,

不過又唔覺寒喎,

可能係冇落雨嘅關係,

好彩今日冇之前著咁多衫,

如果唔係實熱死我啦!


2011年1月19日 星期三

家鄉蓮藕餅!

大魔怪上星期已經考完試,
而小魔怪就仲考梗呀!
昨日,大魔怪一返嚟就話今次有幾科考得幾好,
見佢果排考試都好勤力溫書,
抵讚!
至於小魔怪呢,
係,佢係有少聰明,
不過唔係次次都咁醒,
呢排問親佢考成點,
佢就都話好易冇難道喎!
我俾佢激死呀!


2011年1月18日 星期二

海底椰鮮百合龍利葉南北杏煲西施骨湯!

又凍又乾的天氣,
一定要煲啖湯潤一潤,
見大小魔怪呢排成日都有少少咳,
買咗新鮮海底椰煲湯俾佢哋飲,
加埋鮮百合和龍利葉,
有止咳化痰和潤肺的功效啊!
記得飯前飲碗呀!


2011年1月16日 星期日

木耳白菜豬肉餃!

 
今日香港天氣又凍番,
落街買餸時,
D風吹過嚟刺骨o架!
拿拿聲買餸走人。
今日包咗木耳白菜豬肉餸子,
今次我都幾醒,
煮多4個烏冬,
咁大小魔怪就唔使嘈生哂話唔夠飽啦!
醃咗一大盆料,
留番聽日再包,
今次總共包咗64隻呀!
三種食法,
任君選擇!

2011年1月15日 星期六

慳皮碟頭飯!

昨晚老公去飲唔返嚟食飯,
又係我可以慳家嘅日子啦!
剩係買咗10隻雞全翼,
其餘料係屋企嘅物資,
咁又完成我哋嘅晚餐啦!
碟頭飯有: 南乳焗雞翼、煎午餐肉和豬頸肉炒娃娃菜!


奶奶的生日宴!

今日大家為奶奶慶祝95歲生日,
大伯訂咗一圍壽宴係天水圍天耀美心大酒樓,
方便我哋推奶奶去嘛!
我哋訂咗恭賀新禧迎佳節套餐~$3188。
部長知我哋係壽宴,
送埋蟠桃包和生果拼盆添!
開餐前,
梗係切我整嘅芝士蛋糕啦!


2011年1月14日 星期五

朱古力粒小蛋糕!

呢個蛋糕係2011年第一次焗嘅蛋糕,
揀咗大小魔怪鐘意食嘅朱古力粒,
一出爐,
大小魔怪已經想走嚟攞啦!
好在我叫住佢哋,
唔係就連相到影唔到呀!


2011年1月13日 星期四

印尼粟米煎餅!(附上另一個簡易版)




 上星期日睇和味蘇,

果集蘇玉華介紹印尼餸,

即刻叫工人姐姐睇,

佢不知睇得幾開心,

仲話識整粟米餅添!

嘻嘻!

今日有得食啦!

工人姐姐話印尼舖頭一塊粟米餅賣$3。

2011年1月12日 星期三

寒冷天氣警告!

 
今朝超超超凍呀!
我做嘢嘅地方得6度咋!
件羽絨都好似未離開過我;
至於我家的小魔怪,
只係著多件羊毛底衫,
加校服恤衫、冷背心和長袖冷衫,
問係梗係唔凍啦???
佢竟然話好熱添,
問妳死未!
襯今晚仲係得果7-8度,
又係烚烚下嘅時候啦喂!

2011年1月11日 星期二

忙!

 
近排好忙,
 
應該是聖誕假期後交嘅上學期學生評估報告,
 
因為去咗旅行而未做,
 
所以近排一有時間就要趕工,
 
可惜睡魔專同我作對,
 
每次開電腦寫報告半小時後,
 
佢就急call我要瞓覺,
 
無論是白天或黑夜!

2011年1月10日 星期一

2010-2011聖誕北海道之旅~第五日!

 
2011年1月2日星期日,
今日係嚟北海道玩嘅最後一日,
好唔捨得呀!
好想繼續玩耐D。
今日第一個行程去白之戀人朱古力趣緻城和玩具博物館。

Coupon!

 
貪心???我唔係!
我只係爭取我應有的。
話說續約有線電視,
它送PGA或MBA台給予續約客戶,
老公揀咗PGA睇golf呀!
點知1月1號開始,
冇得睇PGA,
我又收唔到任何通知。
星期日即致電有線客戶服務熱線了解情況,
佢哋話PGA約滿關係所以停咗台,
咁我咪冇咗個優惠囉!
以我咁師奶,
點都要攞番少少嘢啦!
佢話送10張成人台coupon俾我睇成人電影,
我又唔想喎!(老公想囉!)
最後,佢哋送咗$300 coupon俾我去cable shop買嘢,
都好,正想買張相機memory card呀!

2011年1月9日 星期日

瑞士肉丸!

 
昨晚睇電視見到有人整瑞士肉丸,
 
諗起我個雪櫃都有包喎!
 
好,又係清雪櫃嘅時候啦!
 

南乳吊燒雞

 
昨日,
 
我又去咗妹妹屋企玩啦!
 
因為要準備煲薑醋呀!
 
昨日,母親大人和妹夫夾手夾腳刨薑皮,
 
而我就買定外買車仔麵俾佢哋食,
 
食完梗係有下文啦!
 
結果,
 
妹妹和妹夫唔見咗幾罐奶粉錢!
 
晚餐我醃定隻南乳吊燒雞攞過去焗,
 
其餘餸菜叫禾輋樂園外買。
 
3餸一湯都係$148咋!

 

2011年1月8日 星期六

梅菜炆腩肉!

 

每次當我炆親呢個餸,
 
大小魔怪都食到唔停得口,
 
今日佢哋每人食咗2大湯碗飯。
 
不過我覺得呢個餸嘅精髓唔係腩肉,
 
而係梅菜,
 
千祈唔好同我爭食梅菜呀!





材料: 豬腩肉$30、甜梅菜2大棵、蒜蓉和紹酒

調味: 老抽1湯匙、冰糖1小粒和1碗半水

做法: 將豬腩肉出水後切方塊;甜梅菜浸洗去沙後切粒狀;

凍油落Le-creuset 22cm深底鍋,爆香蒜蓉,

加腩肉爆香後贊紹酒半湯匙,落調味炆35分鐘後,

加埋梅菜炆多40分鐘便成。

(試味後按自己喜好加生抽或糖)

(如果用普通煲炆嘅話,要落3-4碗水和炆起碼2個半鐘D腩肉先腍o架!)



 

 
大家可以入嚟Facebook讚下我新開嘅Fans專頁呀! 
 

2011年1月7日 星期五

雙煲!

 

今朝早新界氣溫得8-13度左右,
 
不過冇想像中咁寒喎!
 
可能冇落雨和有少少太陽嘅關係啦!
 
不過一收咗太陽之後,
 
又開始凍啦!
 
天寒地凍,
 
梗係要食番D熱嘢暖身啦!
 

2010-2011聖誕北海道之旅~第四日!

 
2011年1月1日星期六,
今日係新嘅一年,
梗係有新嘅開始啦!
今日morning call推遲30分鐘,
即係7點呀!
由於今日係日本新年,
好多店舖和百貨公司都關門,
所以我哋上午嘅行程係去滑雪場滑雪呀!
今日天氣報告,
係-3度呀!
聽講話如果坐吊車上雪山,
係-9度呀!
有團友上過去話超凍、超大風呀!
我哋唔滑雪,
唯有租個雪兜玩吓啦!

2011年1月6日 星期四

工人姐姐的考驗!

 
呢兩日我要搵外快教手工班,
所以工人姐姐煮昨晚和今晚嘅晚餐,
由買、洗、煮都係佢自己一腳踢,
不如大家幫手評評分啦!
昨晚的餸菜:

2010-2011聖誕北海道之旅~第三日!

2010年12月31日星期五,
又係6點半morning call,
不過D團友準時程度麻麻哋,
令導遊好激氣呀!
今日第一站去昭和新山(火山)旁嘅得意熊牧場!
睇吓個火山仲出嚟煙o架!
去到睇熊熊都幾慘,
俾人鎖住又冇嘢食,
又瘦又可憐,
D熊見有人拋蘋果會企要身用口接住o架!
所以我哋買咗2袋蘋果餵熊熊食呀!

2011年1月5日 星期三

2010-2011聖誕北海道之旅~第二日!

 
2010年12月30日星期四,
6點半morning call,
食飽飽自助早餐後,
今日嘅行程首先是小樽運河、古典街、水晶音樂城和玻璃趣緻街。
好厚嘅雪,
好似粉一樣,
軟棉棉o架!

2011年1月4日 星期二

2010-2011聖誕北海道之旅~第一日!

 
2010年12月29日星期三,
我們一行5人包括母親大人、姐姐、姐夫、姨甥仔和我,
參加東瀛遊5天北海道之旅;
朝早8時30分已經到達機場,
乘搭10時50分國泰機飛往北海道。
上機前我哋都覺得奇怪,
點解我哋5個人個座位個個都係K字尾o架???

雜錦鍋!

 
點解我覺得香港凍過日本o架???
 
係日本期間,
 
我冇病冇痛;
 
點知一返到香港,
 
第一個探我嘅朋友係~鼻敏感呀!
 
又凍、又懶、又想食,
 
唯有咁啦!

2011年1月3日 星期一

2010-2011聖誕北海道之旅~手信篇!

 
買衫褲鞋襪手袋唔係咁啱我,
買嘢食先係我嘅強項呀!
我最鐘意就係入日本7-11o架啦!

掛掛掛!

 
唔知係咪老公唔見我5日,
 
掛住我呢???
 
佢掛到病咗呀!
 
昨晚連毛蟹都唔想食。
 
今日即刻做番好老婆,
 
煲啖湯俾佢飲啦!

凍蟹速遞!

 
唔好講咁多,
 
襯新鮮日本運到,
 
即刻食啦!