咖哩雜錦炒米粉

近日小魔怪要清假，

所以噚日開始放假至下星期一先返工，

冇得去旅行又冇得出去玩，

佢唯有係屋企打機啦!

不過佢都會抽時間去跑步架!

中午食炒米粉，

浸咗3塊米粉(天鵝牌米粉)，

點知炒埋係好大碟，

哈哈，

可以夠食2餐呀!

柱候蘿蔔牛筋腩金錢肚

今日炆咗一大鍋柱候蘿蔔牛筋腩金錢肚，

因為呢個餸隔日食會更入味，

配飯配麵都冇問題；

放涼後入盒放冰箱，

咁就隨時想食都得啦!

不過蘿蔔就唔好入盒喇!

因為冰過嘅蘿蔔再煮會淋哂架!

薯仔炆排骨

薯仔炆排骨，

真係朱家家常餸嚟架!

唔炆排骨，

炆雞翼都一樣咁好食呀!

今次買咗唐排嚟炆，

唐排肉味香濃，

用嚟蒸和炆都好食架!

孜然牙籤牛肉

去佳寶見到冰鮮牛肉啱啱落貨，

所以就揀咗盒牛肉嚟整孜然牛肉，

想食得有特式，

用牙籤串起D牛肉，

整得靚靚咁上碟呀!

小魔怪真係好攪笑，

食得心急但又懶用手拎起條牙籤，

叫我下次唔好串起Ｄ牛肉喎；

唉，

亞仔以你咁食法，

一陣間就已經俾係食哂Ｄ牛肉啦！

呢個餸辣辣哋，

最啱用嚟招呼朋友，

一邊飲啤酒，

一邊食牛肉串，

吹吹水，

唔抹咀呀！

Boxing Day晚餐

呢兩日聖誕假期，

我同老公都冇周圍去，

我只係去行晨運和買餸咋!

今日大小魔怪都係屋企，

簡單叫外賣食算喇!

傍晚6點左右想order個pizza做晚餐，

點知間間(pizza XX)都要成8點幾9點先送到嚟，

最後小魔怪上咗deliveroo搵咗呢間~Glasshouse，

叫咗雜菌黑松露芝士薄餅、松露焗豬腩肉飯、

炸薯條配黑松露醬和小食拼盆。

2020平安夜

2020平安夜，

祝大家聖誕平安快樂!!!

新冠肺炎疫情下，

我哋兩老唔打算出街囉!

留係屋企過一個平平安安嘅平安夜!

簡易聖誕大餐:

香草黑椒烤雞髀、吉列蝦、白汁蘑菇意粉配西蘭花

蠔油肉碎燴豆腐

之前淘咗個新煎pan，

襯仲係新嘢冇刮花唔黐底，

用嚟煎豆腐真係好鬼正；

今次整呢碟蠔油肉碎燴豆腐，

老公話好耐冇食，

肉碎好撈飯，

又要添飯囉!

麵包製作精選特別班~第二堂

呢堂係上星期二學的，

今個星期和下星期二都放假，

要到出年1月頭先返學呀!

今堂學搓~牛油綠茶奶酥包和朱古力蛋糕豆沙方形麵包。 

蠔皇鮑魚冬菇炆鴨腳

噚日同家人食咗冬至飯，

今日冬至正日食咩好呢???

去佳寶見到有大鴨腳賣，

於是買咗幾隻返屋企炆冬菇，

再加埋罐cheap cheap鮑魚仔，

真係超正呀!

冬至快樂

2020年，

在新冠肺炎疫情下，

能夠與家人齊齊整整食餐冬至飯，

真係來得不易架!

祝大家身體健康!

歲晚收爐，明年請早

哈哈，

當老公見到D淘寶箱嘅時候話:

"吓，妳又買咗咩嘢呀???"

我同佢講，

今年內唔再淘寶架啦!

不過咁，

我已經儲咗幾件寶貝，

等2021年重新出發。

咸菜胡椒豬肚排骨湯

今日第一次買澳洲冰鮮豬肚，

比起新鮮豬肚，

最污穢嘅洗豬肚程序已經處理好，

買返嚟只係簡單用鹽和生粉清洗一兩次，

冇咩難聞氣味，

而且又唔貴$30個，

都幾抵食架!

買埋排骨頭和汕頭咸菜，

加埋胡椒粒，

煮咗呢煲驅寒首選~咸菜胡椒豬肚排骨湯。

一個人的午餐~雜錦叻沙麵

前排見百佳超市呢包新加坡叻沙拉麵有特價，

好似$18.x有1包，

我問姐姐妹妹呢個價錢抵唔抵買，

佢哋兩個話超抵啦!

平時要成$28.x先有1包架!

想買多幾包都冇，

最後兩包俾我買埋。

提提大家，

餸係自己加的，

唔係包埋架!

冬菇栗子炆排骨

今朝又係得11度，

噚日我已經偷懶冇落街買餸，

今日唔落唔得囉!

我著咗大風褸加埋帽，

包到實一實先出門口，

我冇行去街市，

就咁係附近買咗D冰鮮排骨和栗子，

炆咗煲~冬菇栗子炆排骨。

XO醬粟米粒炒肉碎

今朝起身得11度，

凍到唔想落街買餸，

摷下屋企冇咩存貨，

可以用嚟煮個簡單午餐食先得。

啤酒紅燒肉

噚日買咗舊腩肉諗住炆紅燒肉，

點知小魔怪唔返嚟食飯，

所以冇煮到成條腩肉放咗入冰箱，

等到今日先攞出嚟煮呀!

想問老公攞罐啤酒嚟煮紅燒肉，

喜力貴嘢話唔好啦!

黑啤又話小魔怪鐘意飲，

最後只係俾我用罐燕京啤酒，

佢嘅理由係~平!

香煎素腐皮卷

大魔怪話要食素腐皮卷，

所以今朝一早去街市買齊材料，

洗洗切切炒材料，

又要等個素餡料凍咗先可以包個腐皮卷，

攪下攪下都成兩個鐘呀!

總共包咗16條素腐皮卷，

咁呢兩日大魔怪就有嘢食啦!

娃娃菜粉絲釀豆腐卜煲

 

冬天食煲仔菜就最啱喇!

一嚟煲仔菜熱辣辣上枱，

食完個煲仲暖嘅；

二嚟我又可以洗少隻碟，

哈哈，

真係幾正架!

麵包製作精選特別班~第一堂

4年前(2016)學過呢個課堂，

今年(2020)再次上呢個麵包製作精選特別班呀!

黑麥煙肉大蔥包和健康燕麥樹枝麵包。

雜錦鍋

上星期日，

小魔怪已經話想打邊爐架啦!

但屋企咩材料都冇呀!

襯今日要去入貨，

買定多凍肉和蔬菜，

咁就可以幾日都唔使落街啦!

以我哋食嘢咁心急，

打邊爐真係唔係好啱我哋架(懶就懶啦)!

所以整咗呢個雜錦鍋，

全部煮熟哂，

慳時間之餘，

又可以洗少個碟添架!

材料有肥牛、墨魚丸、牛丸、貢丸、魚角、魚滑、蝦餃、

魚皮餃、娃娃菜、薯粉等等。

芥菜咸排骨蝦乾煲

屋苑附近開咗間果欄先生(賣菜和生果)，

由於貨源充足，

價錢自然平好多啦!

所以開業初期吸引好多人去買嘢，

人和貨爭路(貨物擺哂出街)，

攪到周圍衛生特別差，

我見到咁多人都怕怕呀!

但當熱潮過後，

我見噚日冇咩人排隊(俾錢)，

咪入去行咗一轉囉!

D菜和生果又真係幾平，

我買咗娃娃菜(3個)和翠肉瓜(2條)，

兩款$12，

芥菜(3棵)和油麥菜(3棵)，

兩款$10，

夾埋4種菜都係$22，

所以吸引咗好多師奶(如我)去買嘢囉!

拆禮物

雖然未到聖誕節，

但都可以拆禮物架!

上星期五晚係淘寶天貓超市落order，

今日中午送到貨嚟屋企；

老公見到問佢有冇份，

有架，

包裝紙巾應該啱佢用囉!

仲有之前煲爛咗個細鍋，

今日就買咗個返嚟啦!

拜山

在2人限聚令下，

噚日我哋一行十人分成5組，

去拜祭父親大人；

午餐食麥記，

晚餐就部份叫外賣，

部份自己煮，

每家人準備一、兩個餸，

好快有得食啦!

XO醬青瓜粟米馬蹄炒雞粒

 

之前買咗1大包馬蹄，

噚日攞咗部份嚟馬蹄蒸豬肉，

剩番幾粒就用嚟炒粒粒啦!

呢個餸簡單快靚正，

材料每款少少，

炒埋炒埋就一大碟啦!

燕麥馬蹄蒸豬肉餅

網上有人問點解蒸肉餅會咁"鞋"口???

原因好簡單，

蒸肉餅最理想係用上肉嚟蒸，

肥瘦肉係3:7比例；

不過咁肥嘅肉餅唔係人人啱食，

想用瘦肉蒸肉餅其實都得架，

加2~3湯匙燕麥(麥皮)落去一齊撈勻嚟蒸，

咁碟肉餅就唔會好"鞋"口架啦!

客家蘿蔔蛋角煲

 

客家蛋角蘿蔔煲，

係客家名菜之一；

呢排冇得返惠州食，

唯有自己整嚟食啦!

涼拌麻辣雞腳

呢排香港疫情又再嚴峻，

我屋企個雪櫃冰箱又被塞爆了；

之前買咗2磅雞腳煲湯，

用剩咗10隻雞腳，

為咗令個雪櫃慳少少位嚟再塞多D嘢，

今日拿拿臨攞D雞腳出嚟，

整咗呢盒涼拌雞腳做餐前小食呀!

蜜汁叉燒

自從買咗個氣炸鍋後，

我都好似好耐(起碼有成8~9個月)冇用焗爐整嘢食喇!

哈哈，

唔知個焗爐有冇壞到呢!

噚日我就買咗2件梅頭豬肉嚟醃叉燒，

今晚就焗咗佢嚟做晚餐呀!

蟲草花淮山茨實杞子煲雞腳排骨湯

今日靚湯~蟲草花淮山茨實杞子煲雞腳排骨湯。

蟲草花有滋潤喉嚨、抗炎殺菌、改善心血管、

增強免疫力和抗衰老；

亦有滋肺補腎護肝、抗氧化、鎮靜、降血壓、

提高身體免疫能力等功效。

秋遊2020

今日天朗氣清，

最適宜出戶外郊遊呀!

我連同老公、姑奶和亞May，

一齊落元朗搭75號綠巴去下灣村落車，

沿途經過荷花農莊、落馬洲行動基地，

慢慢行入去馬草壟信義新村。

冬菇魚肚蒸雞

前排係見到Blog友煮魚肚，

睇到我流哂口水呀!

今日就攞咗3隻魚肚嚟出水，

一半用嚟蒸雞，

其實的就放入冰箱，

留番下次用呀!

黃豆醬炆蘿蔔腩肉

今日買咗2條腩肉，

本來諗住用嚟炆梅菜，

但見D蘿蔔肥肥嘟嘟好鬼靚，

一於買埋佢嚟炆呢個惹味嘅黃豆醬炆蘿蔔腩肉喇!

上海冬菇金華火腿菜飯

今日煮上海菜飯，

落咗冬菇、金華火腿和小棠菜，

用咗煮煲仔飯咁原理去做，

不過亦可改用電飯煲嚟煮都可以架!

Hea煮hea食

唔知係咪呢大半年日煮夜煮，

攪到我呢排都冇咩心機去煮飯添!

之前就煮咗15隻餃子加幾粒丸丸，

配埋個紫菜湯咁又一餐；

今日就買咗呢個燒味套餐，

半隻燒鴨(雞)加半斤燒肉$125，

唔要燒肉轉叉燒就$122，

炒埋個菜就開得飯囉!

客家蔥油雞

今日整呢碟客家蔥油雞，

主角唔係雞，

而係碟蔥油呀!

客家人食雞，

鐘意用乾蔥頭、薑蓉、蒜蓉和蔥粒，

混合豉油、鹽、糖和滾油，

點雞嚟食架!

蝦醬雞粒雞蛋炒飯

 

呢餐hea煮兼hea食，

冇落街買餸，

摷雪櫃有雞扒、雞蛋和冷飯，

快快手炒埋一碟又一餐囉!

一個人的晚餐~混醬餃子

一個人的晚餐~混醬餃子。

快靚正，

連煮連食15分鐘內完成，

勁呀!

南乳花生豆腐卜炆豬腳

 

今日見豬肉檔啱啱燒咗幾隻新鮮豬腳出嚟，

我買咗2隻$65，

買埋花生和豆腐卜，

用南乳炆咗一大鍋，

夠我哋食2餐囉!

麵包製作精選實習高班~第十堂

上星期二終於上完呢個課程了。

最後一堂學整湯種麵包~叉燒包和紅豆包，

兩款都啱我食，

正呀!

西洋菜豬肉蝦仁餃子

好耐冇包餃子，

今日就買咗1斤餃子皮，

包咗70隻西洋菜豬肉蝦仁餃；

今次包元寶餃子形，

外形真係幾靚架!

煮咗20隻湯餃子做午餐，

其實的放入冰箱冷藏，

幾時想食都得啦!

氣炸脆皮乳鴿

今日去佳寶買餸，

竟然見到有BB乳鴿賣$100有5隻，

問亞姐平時都唔見有，

係咪新嘢嚟???

佢竟然話賣咗好耐啦!

可能妳早嚟而貨又未到囉!

咁又係，

平時我8點左右去買餸，

今朝就瞓晏咗少少，

所以買到新嘢了。

黑椒煎雞扒荷包蛋炒意粉

平時煮雜糧，

我鐘意煮湯粉麵，

因為濕濕哋易入嘛；

但間中都會炒下粉麵嚟食，

今餐就煮咗呢款~黑椒煎雞扒荷包蛋炒意粉，

唔知大家啱唔啱食呢???

哈，

我就好啱食喇!

柱候蘿蔔牛腩煲

大家有冇試過買過黑心蘿蔔，

之前我就試過喇!

批好哂D皮切開先見到個蘿蔔黑心，

激死我啦!

好彩今次買嘅蘿蔔好靚又重手；

俾個貼士大家，

批蘿蔔皮一定要批深少少，

因為蘿蔔皮比較厚，

批到見到有少少透明就得，

咁蘿蔔炆出嚟又嫩又多汁，

仲冇渣添架!

冬菇蝦米肉碎炒雜菌

整蓮藕餅時用剩咗D幾粒冬菇和少少蝦米碎，

諗下可以用嚟煮咩好呢???

唔理咁多，

買咗$15豬肉碎加埋冬菇和蝦米碎炒埋一碗，

大半用嚟炒雜菌，

剩番少少冬菇肉碎就做咗我今日嘅午餐呀!

下午茶~天盛富臨皇宮

今日我哋約咗姑奶、姨甥和淇淇5個人去飲茶；

我哋揀咗去天盛富臨皇宮食下午茶啊!

多謝姨甥請客外，

仲送咗盒茶葉俾老公添呀!

茶葉包裝好特別，

粒粒都好似朱古力咁架!

麵包製作精選實習高班~第九堂

今堂已經係第九堂喇!

學搓甘筍軟麵包、合桃軟包和芝士士干。

香煎家鄉蓮藕餅

整呢個家鄉蓮藕餅，

除蓮藕外，

豬肉碎和魚肉不可少，

加埋蝦米和冬菇，

煎出嚟個蓮藕餅彈牙、爽口兼有咬口，

真係好好味架!

花膠冬菇炆排骨

平平無奇嘅冬菇炆排骨，

加埋花膠落去一齊炆，

即刻升呢變咗上菜呀!

氣炸椒鹽蒜香骨

噚日買咗2磅豬仔骨，

1半用嚟煲咗肉骨茶，

另一半就用嚟整呢碟氣炸椒鹽蒜香骨；

今次氣炸豬仔骨一滴油都冇落，

好健康但好熱氣囉!

馬來西亞肉骨茶+粉腸

小魔怪至愛飲馬來西亞肉骨茶，

襯佢今日放假，

拿拿臨買材嚟煲啦喂!

好耐冇食豬粉腸，

所以買咗廿蚊豬粉腸加落去一齊煲呀!