唔知係咪呢大半年日煮夜煮，
攪到我呢排都冇咩心機去煮飯添!
之前就煮咗15隻餃子加幾粒丸丸，
配埋個紫菜湯咁又一餐；
今日就買咗呢個燒味套餐，
半隻燒鴨(雞)加半斤燒肉$125，
唔要燒肉轉叉燒就$122，
炒埋個菜就開得飯囉!
靜靜話俾大家知，
點解今日有燒味食???
圍內識我嘅朋友都知我係股票明燈嚟，
買親邊隻股票，
果隻就會跌，
放咗就會升，
仲要係大升添!
舖舖都係咁，
萬試萬靈呀!
好在係我唔炒股仔，
我買嘅係藍籌股，
跌咗都總會有升嘅一日；
係呢個風高浪急嘅時勢，
短炒最實際，
有賺就放，
冇賺就擺係度收下利息先!
就係咁，
間唔中都會有少少$$收穫架!
之前我去旅行嘅洗費，
就係咁賺返嚟架啦!
大家可以入嚟Facebook讚下我新開嘅Fans專頁呀!
下次你買咗邊隻要公佈畀大家知。
回覆刪除哈哈，咁我下次要通告天下先得。
刪除D燒味好靚！
回覆刪除係呀，尤其今次D燒肉係燒腩仔嚟，皮脆肉嫩，超正呀!
刪除明燈高照......
回覆刪除哈哈，我認我係超級明燈，買邊隻就跌邊隻呀!
刪除哈哈，買邊隻就跌邊隻!
回覆刪除叻女!
我也不差, 所以升跌也不敢買.
投資投資，有贏有輸，我一日唔放咪等收利息囉!
刪除