2020年11月25日 星期三

黃豆醬炆蘿蔔腩肉


今日買咗2條腩肉,

本來諗住用嚟炆梅菜,

但見D蘿蔔肥肥嘟嘟好鬼靚,

一於買埋佢嚟炆呢個惹味嘅黃豆醬炆蘿蔔腩肉喇!



材料: 豬腩肉2條、蘿蔔1個、薑3片、紹酒2湯匙

調味: 黃豆醬大半湯匙、豉油1湯匙、老抽少許、冰糖適量

做法: 豬腩肉洗淨後,放入鍋內加入凍水、紹酒1湯匙煮滾,

將豬腩肉出水 5~8分鐘,撈起沖洗切件;蘿蔔去皮切件;

燒熱油鑊落薑片煎香,落豬腩肉略煎2面至有焦香,贊紹酒1湯匙炒勻後,

落豉油、黃豆醬與豬腩肉快手炒勻至出香味,

加入2.5碗熱水和冰糖煮滾後,轉中小火慢慢炆腩肉40分鐘後,

加入蘿蔔炆多20分鐘,落少許老抽調色和生粉水埋芡汁便成。

~如果水份唔夠嘅話,記得加熱水呀!

     


 大家可以入嚟Facebook讚下我新開嘅Fans專頁呀!






2 則留言 :

  1. 我上星期又買多樽黃豆醬比契媽,佢話好味喎,多謝介紹

    回覆刪除
    回覆
    1. 呢樽黃豆醬麵豉豆香味濃,用嚟蒸、煮、炆都得,我試過一次後,屋企長期有存貨架!

      刪除

如果大家覺得我煮嘅餸菜啱哂口味嘅話,不妨留個言,鼓勵下我啦!