2009年9月27日 星期日

例湯~青紅蘿蔔象拔蚌蜜棗瑤柱煲西施骨!

 
我同小魔怪病咗足足有2個星期啦!
 
這兩星期裡我都冇煲湯,
 
趁今日放假咪煲啖湯飲吓。
 
問問小魔怪想飲咩湯???
 
佢話飲青紅蘿蔔湯,
 
但亞仔飲蘿蔔湯會咳喎???
 
小魔怪話冇得飲仲咳呀!
 

2009年9月26日 星期六

與母親大人預早慶祝中秋節!

 
今日,一早約咗與母親大人慶祝中秋節,
正所謂人月兩團圓,
梗係約齊哂人陪母親大人打麻雀啦!
我們一家7個大人,
母親大人、姐姐姐夫、妹妹妹夫、我和老公,
本來有3個人冇得打麻雀o架!
所以姐姐一早約定做facial。

人算不如天算,
姐夫公司突然急call,
妹夫又感冒在身,
我又突然要留校收拾課室,
剩得母親大人、妹妹和老公3個人;
點算好呀???
佢哋唯有悶悶哋打3人麻雀,
又成日急call要我立刻趕快到姐姐家;
終於4點左右到咗姐姐屋企,
但原本姐夫已經返到屋企,
佢哋仲打緊麻雀添!

我都有少少失望o架!
不過,老公話俾我打麻雀,
點解咁好人???
哈哈!梗係啦!
佢贏咗錢呀!
好在我都不負眾望,
贏番少少啦!

晚上,我們一行10人一起往美林大酒樓吃晚飯。
我們點了一圍套餐$1888,
還加了一個餸,
部長十分懷疑我們是否會吃完一整圍菜呢???
哈哈!他太睇少我們了,
我、小魔怪和妹夫有病在身,
食力未算驚人,
但全部菜差不多完全給我們10人吃掉了。
(紅酒是姐夫朋友送給他的)

2009年9月25日 星期五

薑蔥炒牛栢業!

 
每次上茶樓飲菜,
 
我通常都會食蝦餃、燒賣、鳳爪和雞扎等。
 
近來我就較鐘意食薑蔥牛栢業和黑椒豬大腸啦!
 
不過每次叫牛栢業和豬大腸時,
 
大小魔怪都會同我爭食,
 
所以今日為自己煮咗呢碟薑蔥炒牛栢業啦!

2009年9月24日 星期四

葡國雞!

 
今日下午放學之後,
 
與3位同事出九龍塘聽講座,
 
由2點聽到至5點。
 
原來搭西鐵真係好快o架!
 
話咁快唔使45分鐘已經由九龍塘返到天水圍啦!
 
知道自己會較遲返屋企,
 
所以一早吩咐工人姐姐買定一隻雞,
 
煮葡國雞呀!
 

2009年9月23日 星期三

薑蔥炒蝦!

 
今日係我舊曆生日,
所以去到街市買餸時,
睇吓有咩好嘢食煮俾自己食。
哈哈!俾我睇見D蝦蝦好鬼生猛,
1斤都係$24,
仲跳跳吓o架!
即刻買返斤返屋企。
     

2009年9月22日 星期二

清清哋!

 
今日工人姐姐放假,
老公請假陪著小魔怪,
更親自煮米粉俾小魔怪食,
所以攪到連老公都開始有感冒病症呢!
我哋今日陪小魔怪食得清淡!
     

2009年9月21日 星期一

都唔知食咩好?

 
今日,到街市買餸特別難,
因為我和小魔怪病完後,
唔想煮太過肥膩的餸菜,
但又唔想食得太清淡。
都唔知道食咩好???

唉!諗咗好耐,又行咗一陣,
終於買咗豬扒返屋企,
加埋雪櫃果包牛仔骨和芥蘭,
諗住夠哂餸啦!
點知原來仲有噚日D蓮藕餅未煎,
又多一個餸啦!
     

2009年9月20日 星期日

煎蓮藕餅!

 
由上星期日計起,
 
我足足病咗1個星期啦!
 
今日先開始感覺到自己精神番少少,
 
起碼可以係屋企睇吓電視,
 
原來古靈精探B已經大結局啦!
 
啱啱我先上網睇完上星期日嘅美女廚房,
 
小儀得到美女廚神啊! 
 
突然好想食番D老餅嘢,
 
於是整咗個蓮藕餅食吓。

 

2009年9月19日 星期六

雪菜肉絲湯米粉!

 
依排個太陽都唔知道做咩,
成日都咁猛烈,
我已經病到死死吓,
下午放工時仲曬到我頭都暈埋,
搵整地方避吓太陽都冇,
仲要買埋餸返屋企,
經已冇咗半條人命啦!

見小魔怪和我都冇咩胃口食嘢,
簡單煮咗個雪菜肉絲湯米粉,
濕濕哋容易入口呀!
     

 雪菜肉絲湯米粉
     

栗子炆雞翼
     

炒通菜
 
 
 
  
大家可以入嚟Facebook讚下我新開嘅Fans專頁呀! 

 


 
 

2009年9月18日 星期五

輪到小魔怪病啦!

 
昨晚輪到小魔怪病啦!
不過佢病咗連我都唔知道,
因為我噚晚七點幾八點就上床瞓咗,
朝早起身,
見到老公瞓地下,
小魔怪瞓梳化已經覺得有點怪,
一問原因下才知道小魔怪昨晚發冷走咗出廳,
老公一直睇實佢和照顧佢吃藥,
唉!我做呢個母親真失敗囉!
老公真辛苦,
又要照顧我和小魔怪。

小魔怪今日冇返學,
一直係房瞓瞓瞓,
連佢最鐘意打機都冇力打啦!
夜晚我帶佢睇醫生探熱仲係102度,
燒足成日都冇退燒,
好彩醫生話係普通感冒,
唔係豬流感咋!

小魔怪全日剩係食咗少半碗粥,
但佢仲識投訴工人姐姐煲白粥好難食,
哈哈!咁就知道佢冇燒到傻咗啦!
為咗等佢食多D嘢,
我就準備咗幾樣佢都幾鐘意食嘅餸,
希望佢食番多D嘢啦!

     

2009年9月17日 星期四

真係冇啖好食呀!

 
由星期日開始病病病到今日,
真係冇咩嘢落過肚呀!
我好想食好多嘢,
但冇胃口兼唔食得要戒口!

好彩昨日的燒退了,
今日問番中醫師,
原來昨日我的脈象急和亂,
可能身體內已經發燒,
當我服了中藥後,
內燒才現出來呢!

今日終於精神番少少,
又可以煮番D嘢俾自己和屋企人食呀!
唔想太過辛苦,
煮咗一餐簡單的餸菜俾屋企人食。
     

2009年9月15日 星期二

咸蛋蒸豬肉!

 
呢個餸又係我另一個童年的回憶。
 
童年時,
 
母親大人常常煮蒸餸,
 
中學時,我有一段時間帶飯返學,
 
而母親大人又要帶飯返工。
 
梅菜蒸豬肉、麵豉蒸排骨、蔥菜蒸牛肉等,
 
這都是我們常常吃的蒸餸。
 
不過我最鐘意食的蒸餸是咸蛋蒸豬肉,
 
咸蛋的咸味完全混入豬肉裡;
 
發育時期,
 
我起碼食3碗飯以上。
 
(現在大小魔怪有我的真傳啊!)
 

白汁香草豬肉腸燴意粉!

 
真係好多謝颱風~巨爵的來臨,
 
給我額外多一日時間休息。
 
當我食咗藥之後,
 
成個人變得好攰,
 
日瞓夜瞓,
 
感覺上愈瞓愈攰,
 
終於起床煮我的午餐。
 

2009年9月14日 星期一

食藥後遺症!

 
其實我最怕睇醫生,
 
我唔係怕食藥,
 
而係怕食藥之後有後遺症;
 
每次食完藥之後,
 
我一係會瞓到不醒人事,
 
一係會標冷汗。
 
今次我的食藥後遺症是標冷汗。
 
我最討厭出汗的感覺,
 
今次仲不停出汗,
 
令我的感覺不太好;
 
此外,食西藥令我的手震得十分利害,
 
但唔食藥又唔得喎!
 
真係兩難了。
 
當我照鏡時,
 
連自己都嚇一跳呀!
 
嘩!面青口唇白,
 
個樣又真係幾得人驚o架!
 
今日要早點吃飯,
 
因為打8號風球的關係,
 
老公需要回公司值班(颱風更),
 
所以我準備的晚餐非常簡單,
 
放入飯壺讓他帶回公司慢慢享用。
 

2009年9月13日 星期日

栗子冬菇炆排骨!

 
上大陸除咗食食食之外,
 
我鐘意行超級市場,
 
尤其是我呢D家庭主婦,
 
睇吓有冇平嘢買。 
 
好喜歡吃大陸嘅蔬菜,
 
清甜、新鮮和嫩綠的;
 
今次我就買了多款不同的蔬菜回來,
 
肉豆、長豆角、青瓜和栗子。
 


2009年9月11日 星期五

七彩蝦醬炒雞丁!

 
逢星期三和星期五是我搵外快的日子,
 
而星期二又要代同事班,
 
所以我一星期有3日要留校,
 
唉!感覺上有少少辛苦,
 
哈哈!我的惰性又嚟啦!
 
昨日睇到blog友JoJo整蝦醬雞扒
 
哈哈!又可借來一用啦!
 

2009年9月10日 星期四

盤龍肉燥茄子!

 
又一個在下午掛3號風球的日子,
 
有少少失望啊!
 
冇得放假添! 
 
放學後,
 
我要和同事到她的舊某學校收拾物資,
 
3點幾先離開,
 
見有時間剩,
 
而且又就近老公返工的地方,
 
順道探老公班。
 
不知道是否心靈相通,
 
老公有駕車返工,
 
哈哈!有車坐返屋企!
 
唔使坐輕鐵!
 
 

2009年9月9日 星期三

蝦蝦蟹蟹宴!

 
今晚夜收工,
 
所以成6點幾先到街市買餸,
 
俾我睇到D蝦蝦和蟹蟹正在呼喚我:買啦!買啦!
 
哈哈!而且價錢又咁吸引,
 
蝦蝦$48斤,蟹蟹$36斤,
 
又唔係好貴喎!
 
於是蝦蝦蟹蟹全部買1斤回家去也。

2009年9月7日 星期一

手撕雞瑤柱粥!

 
呢幾日餐餐都食得咁豐富,
真係要食番D清清哋嘅嘢食,
清吓腸胃先得!
如果唔係我個荷包又要清哂啦!
     

       手撕雞瑤柱粥

材料:雞髀3隻、米1杯半、薑絲和蔥粒。
 
做法:首先雞髀用鹽和酒醃1小時後蒸熟,待凍後拆肉備用;
 
然後洗米後,加鹽和少許油醃米一會兒;用大火煲粥和瑤柱,
 
不需加蓋至粥綿;加入手撕雞肉攪勻,最後加薑絲和蔥粒便成。
     

  椰菜肉片火腿蛋絲炒河粉
     

  美味小食~醉雞翼尖
 
 
 

 
 
  
大家可以入嚟Facebook讚下我新開嘅Fans專頁呀! 

 


 
 

2009年9月6日 星期日

肉骨茶!

 
姐姐的朋友到外地公幹,
 
買咗手信送給她,
 
而她又轉送給我。
 
手信是A1肉骨茶3包和咖哩醬1包。
 

2009年9月5日 星期六

生日會!

 
今日我又大一歲啦!
我嘅生日願望是大小魔怪能聽聽話話,
唔好激死我就得啦!

原本準備咗昨日所預定的菜譜買整哂餸,
不過由於自己手痕的關係,
哈哈!梗係掛住打麻雀啦!
所以一面打麻雀,
一面準備生日會嘅食物,
真係好忙呀!

話時話,
生日即係生日,
連運氣都轉埋,
上幾場我嘅手氣真係麻麻哋!
今次雖然唔係大贏家,
不過都做咗亞二,
仲有幾佰蚊贏添!
終於有得食啦!
     

2009年9月4日 星期五

豉油雞髀碟頭飯!

 
老公今日要去飲宴,
 
原因是有同事退休。
 
妹夫曾笑他呢D場合可以唔去,
 
但老公都嚴肅的說:
 
「人可以結婚擺酒生仔幾次,但退休一生人得一次,值得慶祝!」
 
嘩!老公又有一個人生哲學理論啦!
 
今日我就整咗個方便快捷的晚餐,
 
簡單又好味道,
 
正呀!

2009年9月3日 星期四

檸檬香草雞膇!

 
每日當我放工時,(約2點左右)
 
太陽都會照射得特別燦爛和熱辣辣啊!
 
一踏出校門,
 
熱氣由腳底升上,
 
唔病都有鬼啦! 
 
為了令自己加強抵抗力,
 
所以每日我都起碼飲8杯水以上,
 
日日都食1個橙,
 
增加多D維他命C。
 
今日我就煮咗個充滿維他命C的雞膇!