紅磡都會海逸酒店自助午餐

今日朋友仔個囡囡唔使返學，

所以約埋一齊去食自助餐，

又係嚟呢度~紅磡都會海逸酒店呀!

食力稍為遜色，

食得好少嘢咋!

姨甥生日快樂

姨甥亞諾仔21歲生日啦!

今日大家齊齊去姐姐家慶祝生日呀!

姐姐姐夫做大廚，

今餐好豐富呀!

辣蒜頭豆豉蒸排骨

用咗五六十蚊買咗D排骨返嚟，

應該20粒都冇囉!

蒸出嚟真係好鬼細碟；

呢罐即食香辣豆豉粒，

係惠州親戚買俾我哋架，

豆豉粒辣辣哋，

好送飯呀!

燒汁杏鮑菇炒雞柳

去日本旅遊時，

每次行親超市，

我都鐘意買唔同牌子嘅汁汁醬醬，

今日就用其中一支燒汁煮咗呢碟~燒汁杏鮑菇炒雞柳。

蓮藕薯仔炆雞翼

蓮藕薯仔炆雞翼，

全部都係屋企有嘅食材，

簡單一煲過，

慳水慳力，

月尾打斧頭最啱呀!

麵包製作精選實習初班~1、2堂

係呀，

大家冇睇錯呀!

我又學番麵包初班呀!

原因一:7年前學呢個堂係跟另一個亞sir學架；

原因二:麵包初班係最多餡料嘅一個課堂，

所以我哋又重頭再玩過啦!

第一堂~咸軟方包、芝士蒜蓉包、芝麻卷包

印尼沙爹雞

好耐冇買呢磚印尼沙爹糕嚟整嘢食，

所以噚日拿拿臨整咗碟印尼沙爹雞嚟嘆下啦喂!

呢磚印尼沙爹好香濃，

鐘意花生香味嘅朋友仔一定要試下呀!

食盆菜

噚日返咗元朗攸潭美食國慶盆菜，

今次盆菜供應商都係眾興飯店，

盆菜份量真係多到離哂譜，

味道仲幾唔錯添架!

我哋都有哂準備帶埋餐盒去又食又拎，

嘻嘻，

所以今朝小魔怪個飯盒有著落了。

素湯~粉葛紅蘿蔔粟米腰果湯

滿足完小魔怪想食蝦之後，

今日又煲咗煲靚素湯俾大魔怪飲，

加咗腰果嘅素湯特別好飲，

煲埋每人飲得2碗左右，

啖湯好香濃，

一個字~甜!

XO醬粉絲蝦煲

噚日小魔怪話想要食海鮮，

仲好豪咁俾咗我$50添；

其實我想話俾佢知，

$50唔係買得好多隻蝦咋喎!

不過到最後我都冇收佢錢，

佢想食咩講聲就得，

兩仔乸唔係下下講錢失感情呀!

撐枱腳

今日我同老公去天水圍頌富商場轉電話plan，

辦完事就順便去天恩煲仔皇飲茶，

順便聽下隔離枱D叔叔伯伯講下近期香港所發生嘅事，

個個講到眉飛色舞，

真係要飲多幾啖茶解下渴先得囉!

點心大大碟，

尤其碟鮮竹卷，

都冇食過裡面個餡係脹卜卜架!

埋單加一兼茶錢收$110，

好抵食喎!

順便用美心餅咭攞咗幾件西餅返屋企明天做早餐。

素炒蓮藕豆乾

大魔怪好鐘意食蓮藕，

用蓮藕煲湯或炒菜佢都會食到唔停得口；

今餐就煮咗碟素炒蓮藕豆乾，

簡簡單單又好味道，

我加咗少少辣豆瓣醬落去一齊炒，

特別惹味架!

紫紅色

今次整呢個顏色焗油係紫紅色，

呢個係新色嚟架!

髮型師推薦俾我試下；

嘩，

呢隻顏色又幾靚喎，

髮型師仲幫我卷咗個有層次嘅波浪頭，

嘻嘻，

俾我靚一日咁多啦!

就連樓下實Q姐姐都大讚我整呢個頭髮顏色好靚呀!

巧開心啊!

芋仔豆卜炆排骨

母親大人成日話係官塘買餸好鬼平，

尤其係豬肉，

所以每逢佢返教會和參加團契時，

都會買定D豬肉煲湯、炆煮或炒等等，

中秋時果日就攞咗盒醃好嘅排骨俾我，

我就用咗佢嚟炆芋仔喇。

2019中秋BBQ

有鑒於以往BBQ食剩好多嘢嘅經驗，

姐姐決定今年買嘢原則係~夠食就算；

今年一樣有買鱔、帶子和蝦，

但預雞翼、豬扒、牛扒、雜丸和腸仔等份量時，

都係係咁二每樣買少少咁啦!

小魔怪和姨甥仔係食肉獸，

一見得咁少嘢食就有少少嘈生哂，

姐姐一於好少理，

講咗句~燒哂D嘢食先講啦!

食到最後，

剩咗唔2件豬扒和幾隻雞翼呀!

雪菜肉絲湯米線

今晚又係得我兩佬撐枱腳，

簡單煮雜糧食算囉!

雪菜肉絲湯米線，

久唔久我都會煮嚟食架，

我唔客氣喇，

開飯啦!

韓式魚糕湯鍋

都唔記得幾時係新元朗中心展銷位，

買咗呢包韓式魚糕，

$100有4包，

每包得5條咋!

不過就有埋包魚湯送喇；

超級懷念係韓國旅遊時，

久唔久就拮串嚟食，

好鬼正架!

加埋雜丸和菜，

又一餐啦喂!

藥膳雞腳

上次去朋友嘅party，

食咗個非常足料嘅藥膳雞腳，

順便攞埋新配方返嚟，

今日有時間就嚟實踐下喇!

沙爹金菇粉絲肥牛煲

呢排清雪櫃醬料大行動好成功，

今次又清咗樽大孖沙爹醬啦!

整咗呢個沙爹金菇粉絲肥牛煲，

粉絲和金菇索哂D沙爹汁，

真係好送飯架啫!

wasabi手撕雞

星期三同小魔怪出街食咗碟wasabi手撕雞，

第一次食味道又幾特別喎，

一於自己整嚟食先得；

今次買住雞髀肉嚟整，

下次要買隻全雞嚟整呀!

冬菇節瓜炆支竹

今日為咗清咗支素蠔油，

所以買咗2個節瓜嚟炆冬菇支竹俾大魔怪做晚餐；

為咗用得唔好嘥，

我鐘意將樽內所剩冇幾嘅蠔油，

用水"浪"乾淨佢倒埋出嚟炆餸，

所以今餐呢鍋冬菇節瓜炆支竹特別惹味呀!

生活中的一點甜

 今日係我生日，

可以俾自己一個藉口，

午餐和晚餐都唔使煮呀!

午餐老公和我去屋苑會所餐廳食嘢，

而晚餐小魔怪就和我(老公去飲宴)去屋苑商場食晚餐，

雖然大魔怪加班唔返嚟食飯，

不過佢都出錢買咗雪糕請我哋食架!

氣炸鍋回歸~泰式辣雞翼

自從係泰國買咗呢包辣雞翼粉返香港之後，

就對呢個辣雞翼味道食上癮了；

正好屋苑商場內印尼舖頭有得賣，

拿拿臨買咗包嚟醃雞翼呀!

氣炸鍋回歸~烤全雞

第一次用空氣炸鍋嚟焗全雞，

專登揀咗隻中小型的冰鮮雞嚟做，

咁就易D放入空氣炸鍋內啦!